Акафист святому

Конда́к 1.

Избра́нным уго́дником Бо́жиим, все́м святы́м, от ве́ка во все́м ми́ре просия́вшим и на небеси́ венцы́ сла́вы прия́вшим, похва́льное прино́сим пе́ние. Вы́ же, я́ко иму́щии ве́лие дерзнове́ние ко Го́споду, от вся́ких на́с бе́д свободи́те, да зове́м ва́м хвале́бно:

Ра́дуйтеся, вси́ святи́и, те́плии о все́м ми́ре Бо́гу моли́твенницы.

И́кос 1.

А́нгельский собо́р, ума́ленный паде́нием го́рдых а́нгел и ва́ми, все́ми святы́ми, восполня́емый, све́тло торжеству́ет в де́нь па́мяти ва́шей, и всю́ вселе́нную созыва́ет на весе́лие духо́вное. Мы́ же, и́м подража́юще, зове́м ва́м ра́достно:

Ра́дуйтеся, святи́и, от ве́ка Бо́гом предуве́деннии и предуста́вленнии к сла́ве небе́сней; ра́дуйтеся, от все́х родо́в, ме́ст и време́н в служе́ние Го́споду избра́ннии.

Ра́дуйтеся, избра́ние ва́ше по́двигами благоче́стия оправда́вшии; ра́дуйтеся, о́бразом до́брых де́л ва́ших пра́вый пу́ть к небеси́ на́м показа́вшии.

Ра́дуйтеся, пре́жде пи́саннаго зако́на Бо́жия по зако́ну со́вести пра́ведно пожи́вшии; ра́дуйтеся, в зако́нней се́ни благоче́стно житие́ свое́ соверши́вшии.

Ра́дуйтеся, в но́вей благода́ти све́тло доброде́тельми просия́вшии; ра́дуйтеся, в после́дняя сия́ времена́ Бо́гу благоугоди́вшии и мзду́ с пе́рвыми получи́вшии.

Ра́дуйтеся, от земны́х скорбе́й преше́дшии к небе́сному поко́ю; ра́дуйтеся, сподо́бльшиися зре́ти неисповеди́мую сла́ву Бо́жию.

Ра́дуйтеся, с ли́ки безпло́тных непреста́нно хва́лящии Пресвяту́ю Тро́ицу; ра́дуйтеся, всегда́ моля́щиися Е́й о все́х почита́ющих ва́с.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 2.

Ви́дящи Правосла́вная Христо́ва Це́рковь, многочи́сленными ли́ки святы́х, я́ко прекра́сными ра́йскими цве́ты себе́ укра́шену, све́тло почита́ет па́мять и́х и Пречи́стую Богома́терь с Ро́ждшимся от Нея́ Христо́м Бо́гом велича́ет, вопию́щи Тому́ хвале́бную пе́снь: Аллилу́иа.

И́кос 2.

Ра́зуму на́шему просвеще́ние у Го́спода испроси́те, святи́и уго́дницы Бо́жии, да отря́сши земно́е пристра́стие, вознесе́мся се́рдцем и мы́слию в насле́дованная ва́ми и на́м обеща́нная селе́ния ра́йская, и возопие́м ва́м ра́достно:

Ра́дуйтеся, ветхозаве́тнии пра́отцы и патриа́рси, родонача́льницы по пло́ти Христа́ Сы́на Бо́жия; ра́дуйтеся, я́ко благослове́нием Бо́жиим умно́жишася ро́ды ва́ша, я́ко зве́зды небе́сныя.

Ра́дуйтеся, среди́ мра́ка дре́вняго нече́стия пра́вую ва́шу ве́ру во и́стиннаго Бо́га сохрани́вшии; ра́дуйтеся, с наде́ждою ча́явшии обетова́ннаго Искупи́теля.

Ра́дуйтеся, я́ко от ва́шего пле́мене возсия́ пресве́тлая свеща́ — Богоро́дица Мари́я; ра́дуйтеся, я́ко от Нея́ роди́ся Победи́тель сме́рти и а́да.

Ра́дуйтеся, ве́рою во гряду́щаго Христа́ спасе́ние улучи́вшии; ра́дуйтеся, вме́сто дре́вния кля́твы благослове́ние те́м получи́вшии.

Ра́дуйтеся, и во а́де Христо́ва прише́ствия ожида́вшии; ра́дуйтеся, а́дских муче́ний И́м изба́вленнии.

Ра́дуйтеся, на небеса́ со сла́вою возведе́ннии; ра́дуйтеся, с ли́ки а́нгельскими в ве́чныя оби́тели Отца́ Небе́снаго вселе́ннии.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 3.

Си́лою Вы́шняго осенени́ бы́вше, святи́и, дерзнове́нно ополчи́стеся проти́ву нача́л и власте́й зло́бы поднебе́сныя, и победи́вше те́х кова́рства, вся́ блага́я начина́ния ва́ша до́бре соверши́сте, воспева́юще всеси́льному человеколю́бцу Бо́гу: Аллилу́иа.

И́кос 3.

Иму́ще святи́и проро́цы пресла́вная селе́ния во оби́телех до́му Отца́ Небе́снаго и присносу́щным све́том лица́ Бо́жия просвеща́еми, неизрече́ннаго вои́стину со все́ми святы́ми наслажда́етеся блаже́нства, его́же мы́ земни́и прича́стницы бы́ти жела́юще, воспева́ем ва́м си́це:

Ра́дуйтеся, святи́и проро́цы, Бо́гом избра́ннии пре́жде ва́шего рожде́ния; ра́дуйтеся, ве́рно порабо́тавшии Ему́ пре́жде Христо́ва воплоще́ния.

Ра́дуйтеся, от младе́нчества благода́тию Свята́го Ду́ха освяще́ннии; ра́дуйтеся, по́сланнии от Го́спода вразумля́ти заблу́ждшия сы́ны Изра́илевы.

Ра́дуйтеся, предвозвести́вшии Христо́во от Де́вы сла́вное рожде́ние; ра́дуйтеся, зве́зды, предвари́вшии прише́ствие и́стиннаго Со́лнца.

Ра́дуйтеся, законопресту́пных царе́й Изра́илевых дерзнове́нно обличи́вшии; ра́дуйтеся, вся́кое людско́е нече́стие мече́м сло́ва Бо́жия неща́дно посе́кшии.

Ра́дуйтеся, ве́рнии раби́ Госпо́дни, вся́ хоте́ния Его́ испо́лнившии; ра́дуйтеся, и́стину небоя́зненно пред властьми́ веща́вшии.

Ра́дуйтеся, мно́ги ско́рби в ми́ре претерпе́вшии; ра́дуйтеся, со все́ми избра́нными торжеству́ющии на небеси́ в сла́ве ве́чней.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 4.

Бу́ри жите́йския изба́вльшеся, вси́ святи́и, преидо́сте в небе́сный поко́й, на места́ зла́чна и прохла́дна, иде́же пото́цы сла́дости неисповеди́мыя, пи́ща сла́вы Бо́жия нетле́нная, пе́ния и гла́сы пра́зднующих; та́мо у́бо торжеству́ете со все́ми а́нгельскими си́лами, пою́ще Бо́гу: Аллилу́иа.

И́кос 4.

О́ко не ви́де и у́хо не слы́ша, и на се́рдце земна́го челове́ка не взыдо́ша ра́дости и сла́дости, и́хже вы́ ны́не наслажда́етеся, Апо́столи святи́и. Сего́ ра́ди благогове́йно взыва́ем ва́м:

Ра́дуйтеся, святи́и Апо́столи, с Предте́чею Иоа́нном ближа́йшии дру́зи Христо́вы; ра́дуйтеся, по Пресвято́й Де́ве Мари́и, первостоя́телие у Престо́ла Святы́я Тро́ицы.

Ра́дуйтеся, возвести́вшии ми́ру та́инство на́шего искупле́ния; ра́дуйтеся, све́том ве́ры Христо́вы омраче́нныя лю́ди просвети́вшии.

Ра́дуйтеся, се́мя сло́ва Бо́жия в сердца́ челове́ческая все́явшии; ра́дуйтеся, плоды́ трудо́в ва́ших в небе́сном вертогра́де пожина́ющии.

Ра́дуйтеся, святи́и отцы́, седмию́ вселе́нскими собо́ры испове́дание правосла́вныя ве́ры утверди́вшии; ра́дуйтеся, ути́шившии бу́рю ерети́ческаго нече́стия.

Ра́дуйтеся, изъясни́вшии на́м догма́ты правосла́вныя ве́ры; ра́дуйтеся, и доны́не уче́нием ва́шим огражда́ющии Це́рковь Христо́ву от ересе́й и раско́лов.

Ра́дуйтеся, святи́и иера́рси, сло́вом и житие́м све́тло просия́вшии; ра́дуйтеся, во све́те невече́рнем с духо́вными ва́шими ча́ды ны́не обита́ющии.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 5.

Богото́чною, Спа́се, Кро́вию Твое́ю искупле́ннии и ве́рно Тебе́ на земли́ послужи́вшии вси́ святи́и, ны́не на тве́рди церко́вней я́ко зве́зды пресве́тлыя сия́ют, и все́х на́с, по мо́рю стра́стнаго сего́ жития́ пла́вающих, на пу́ть пра́вый, к небе́сному оте́честву веду́щий, наставля́ют; о се́м у́бо с ра́достию благода́рно пое́м Бо́гу: Аллилу́иа.

И́кос 5.

Ви́девши святи́и му́ченицы, я́ко в ми́ре се́м вся́ су́етна су́ть и тле́нию прича́стна, потща́стеся предве́чному Бо́гу благоугоди́ти и претерпе́нием лю́тых му́к тле́нная на нетле́нная премени́ти, за е́же сподо́бистеся предстоя́ния у стра́шнаго Престо́ла Влады́чня в сла́ве ве́чней, в не́йже не забу́дите и на́с, па́мять ва́шу соверша́ющих и вопию́щих ва́м такова́я:

Ра́дуйтеся, святи́и страстоте́рпцы, кро́вию свое́ю запечатле́вшии пра́вую ва́шу во Христа́ ве́ру; ра́дуйтеся, не убоя́вшиися убива́ющих те́ло, души́ же не могу́щих уби́ти.

Ра́дуйтеся, претерпе́вшии стра́шная муче́ния; ра́дуйтеся, я́вльшии на себе́ Христо́вых страсте́й изображе́ния.

Ра́дуйтеся, победи́вшии лю́тых мучи́телей свире́пства; ра́дуйтеся, чрез о́гнь и во́ду проше́дшии и в поко́й ве́чный вше́дшии.

Ра́дуйтеся, испове́дницы и священному́ченицы, пострада́вшии за благоче́стие и почита́ние святы́х ико́н; ра́дуйтеся, преподобному́ченицы, в моли́тве Бо́гу собесе́довавшии и страда́нием диа́вола попра́вшии.

Ра́дуйтеся, за сла́ву и че́сть Царя́ Небе́снаго му́жественно во́инствовавшии; ра́дуйтеся, побе́дную по́честь от Христа́ на небеси́ прии́мшии.

Ра́дуйтеся, ве́лию благода́ть от Го́спода получи́вшии; ра́дуйтеся, мно́гая и разли́чная чудеса́ в сла́ву Бо́жию в поднебе́сней содева́ющии.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 6.

Пропове́дуют христиа́нстии ро́ди сла́ву ва́шу, вси́ святи́и; вы́ бо я́ко ра́й насажде́нный яви́стеся посреде́ Це́ркве, иму́щии дре́во жи́зни Сама́го Го́спода, от него́ же вкуси́вше сла́дости ра́йския, вся́ скороги́бнущая в ми́ре се́м презре́сте, и ра́достно в небе́сный вертогра́д внидо́сте, пою́ще: Аллилу́иа.

И́кос 6.

Правове́рие и доброде́тели преподо́бных оте́ц, я́ко со́лнце, всему́ ми́ру сия́ют и на́м мра́чный пу́ть жи́зни сея́ просвеща́ют, да не заблуди́м в пусты́ни греха́ и душепа́губных ересе́й. Сего́ ра́ди хвале́бно и́м воспева́ем:

Ра́дуйтеся, преподо́бнии отцы́, ми́р и я́же в ми́ре любве́ ра́ди Бо́жия во́лею оста́вившии; ра́дуйтеся, преподо́бнии ма́тери, в по́двизех дневны́х и нощны́х земно́е тече́ние соверши́вшии.

Ра́дуйтеся, пусты́нницы, в пеще́рах и гора́х со зверьми́ пожи́вшии; ра́дуйтеся, по́стницы, в а́лчбе и жа́жде вре́менное житие́ препроводи́вшии.

Ра́дуйтеся, сто́лпницы, мра́з и зно́й Ца́рствия ра́ди Небе́снаго претерпе́вшии; ра́дуйтеся, затво́рницы, в серде́чней тишине́ Бо́га взыска́вшии.

Ра́дуйтеся, де́вственницы, целому́дрие сохрани́вшии и непоро́чному А́гнцу Христу́ после́довавшии; ра́дуйтеся, послу́шницы, Христо́во смире́ние стяжа́вшии.

Ра́дуйтеся, в общежи́тиих во взаи́мной бра́тской любви́ а́нгельски пожи́вшии; ра́дуйтеся, му́дрии и кро́тции мона́хов наста́вницы бы́вшии.

Ра́дуйтеся, вси́ трудолю́бцы, доброде́телей соверше́нство стяжа́вшии; ра́дуйтеся, в поко́й Го́спода своего́ вше́дшии.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 7.

Хотя́ Всеблаги́й Госпо́дь яви́ти ми́ру, я́ко не всу́е тружда́ются вси́ благоугожда́ющии Ему́, но я́ко ве́лия мзда́ угото́вася и́м в Ца́рствии Небе́снем; сего́ ра́ди просла́ви со́нмы святы́х уго́дник Свои́х, разли́чне тому́ на земли́ послужи́вших; да и мы́ поревну́ем те́х житию́, и тоя́ же ве́чныя сла́вы ча́юще, пое́м Ему́: Аллилу́иа.

И́кос 7.

«Ве́руяй в Мя́, а́ще и у́мрет жи́в бу́дет»,— рече́ Госпо́дь. Ва́м же, святи́и вси́, изря́дно прили́чествуют си́и Влады́чни глаго́лы; вы́ бо а́ще и умро́сте на земли́ пло́тию, но душа́ми в вы́шнем селе́нии всегда́ жи́ви су́ще, мно́гая и неизрече́нная соверша́ете в ми́ре чудеса́, и те́плым ва́шим к Бо́гу хода́тайством посо́бствуете на́м, си́це возглаша́ющим ва́м:

Ра́дуйтеся го́рняя му́дрствующим ва́шим умо́м и́стиннаго Бо́га позна́вшии; ра́дуйтеся, пра́вую ва́шу в Святу́ю Тро́ицу ве́ру непоро́чно сохрани́вшии.

Ра́дуйтеся, Христа́ Сы́на Бо́жия, и́стиннаго Бо́га и соверше́ннаго Челове́ка испове́давшии; ра́дуйтеся, в спаси́тельныя Его́ стра́сти несумне́нно ве́ровавшии.

Ра́дуйтеся, правосла́вием, я́ко зве́зды, блиста́ющии; ра́дуйтеся, пра́ведностию, я́ко фи́никс процвета́ющии.

Ра́дуйтеся, пло́тию на земли́, умо́м же на небеси́ пожи́вшии; ра́дуйтеся, вре́менною сме́ртию на безконе́чную жи́знь преше́дшии.

Ра́дуйтеся, те́сным путе́м ева́нгельски ше́ствовавшии; ра́дуйтеся, у́зкими враты́ Ца́рствия Небе́снаго дости́гшии.

Ра́дуйтеся, ве́чных бла́г насле́дницы; ра́дуйтеся, о спасе́нии на́шем те́плии к Бо́гу хода́таи.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 8.

Страну́ ону́ го́рнюю, иде́же вси́ святи́и по труде́х земны́х почива́ют, у́мным очесе́м свои́м представля́юще, а́ще и не мо́жем пости́гнути су́щаго та́мо блаже́нства, мы́ земни́и и пло́тию обложе́ннии, оба́че, ве́рою сие́ проразумева́юще и се́рдцем предвкуша́юще, пое́м ди́вному во святы́х Свои́х Бо́гу: Аллилу́иа.

И́кос 8.

Исчита́яй мно́жество зве́зд и все́м и́м имена́ нарица́яй, Вседержи́телю Го́споди, Ты́ еди́н ве́си по и́мени все́х благоугоди́вших Тебе́. Мы́ же, де́ло су́ще руку́ Твое́ю, я́коже песка́ морска́го исчести́, си́це и все́х святы́х по и́мени нарещи́ не могу́ще, то́кмо изря́днейшия рабы́ Твоя́, от нача́ла ми́ра Тебе́ благоугоди́вшия, имену́ем, глаго́люще:

Ра́дуйтеся, Ада́ме и Е́во, пра́отцы всего́ ро́да челове́ческаго; ра́дуйтеся, А́веле и Си́фе, пе́рвии в ми́ре благоче́стия рачи́телие.

Ра́дуйтеся, Но́е, вторы́й ро́да на́шего родонача́льниче, и Авраа́ме, заве́та Бо́жия прие́мниче; ра́дуйтеся, Моисе́е богови́дче и Ааро́не, пе́рвый ветхозаве́тный свяще́нниче.

Ра́дуйтеся, Ено́ше и Илие́, пло́тию сме́рти невкуси́вшии и на не́бо восхище́ннии; ра́дуйтеся, Иса́ие, Дави́де и Дании́ле, зри́телие та́ин Бо́га Вседержи́теля.

Ра́дуйтеся, Иоаки́ме и А́нно, роди́вшии Де́ву Мари́ю, Ма́терь Христа́ Бо́га на́шего; ра́дуйтеся, Пе́тре, Па́вле, Иа́кове и Иоа́нне, избра́ннейшии Апо́столи Христо́вы.

Ра́дуйтеся, Нико́лае, Васи́лие, Григо́рие, Иоа́нне и Афана́сие, непоколеби́мии столпи́ це́ркве Христо́вы; ра́дуйтеся, Анто́ние, Пахо́мие, Евфи́мие, Иларио́не и Са́вво, вели́кие мона́хов наста́вницы.

Ра́дуйтеся, Гео́ргие, Дими́трие, Евстра́тие и Пантелеи́моне, вели́ции му́ченицы Христо́вы; ра́дуйтеся, Варва́ро, Ири́но, Параске́во, Екатери́но и вси́ му́ченицы, кро́вию свое́ю торжество́ ве́ры возвели́чившии.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 9.

Вси́ святи́и Твои́, Го́споди, а́нгельский подража́я чи́н, безпреста́ни сла́вят Пресвято́е И́мя Твое́ на небеси́, «Свя́т, свя́т, свя́т», — вопию́ще; с ни́ми же и мы́ гре́шнии на земли́ бре́нными устна́ми вопие́м: Аллилу́иа.

И́кос 9.

Вити́и суему́дрыя недоуме́ют глаго́лати: ка́ко вы́, вси́ святи́и, подобостра́стии на́м бы́вше челове́цы, непреодоле́ни страстьми́ бы́сте, му́жеством ва́шим безпло́тныя враги́ победи́сте. Мы́ же, прославля́юще укрепи́вшаго ва́с Го́спода, хва́лим до́блести ва́ша и умиле́нно вопие́м:

Ра́дуйтеся, святи́и, вседу́шно Го́спода возлюби́вшии; ра́дуйтеся, любве́ Его́ ра́ди живота́ своего́ не щади́вшии.

Ра́дуйтеся, ми́р и миродержи́теля победи́вшии; ра́дуйтеся, вся́ се́ти дре́вняго зми́я я́ко паучи́ну разори́вшии.

Ра́дуйтеся, смири́вшиися под кре́пкую ру́ку всеблага́го про́мысла Бо́жия; ра́дуйтеся, покори́вшии во́лю свою́ во́ле Отца́ Небе́снаго.

Ра́дуйтеся, просла́вившии Го́спода в душа́х и телесе́х ва́ших; ра́дуйтеся, возвели́чившии Его́ во все́х де́лех ва́ших.

Ра́дуйтеся, воздвиза́вшии ру́це ва́ши на творе́ние де́л благи́х; ра́дуйтеся, направля́вшии стопы́ ва́ша на пу́ть пра́вый.

Ра́дуйтеся, не приложи́вшии серде́ц ва́ших к земно́му бога́тству и наслажде́нию; ра́дуйтеся, всегда́ помышля́вшии о бла́гах небе́сных и ве́чном весе́лии.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 10.

Спасе́ния путе́м пра́во ше́ствующе и о судьба́х пра́вды Бо́жия поуча́ющеся, вси́ святи́и, яви́стеся я́ко древеса́ благопло́дная при исхо́дищах во́д, и принесо́сте Бо́гу пло́д доброде́телей ва́ших во вре́мя свое́. Ны́не же в го́рнем Еде́ме неизрече́ннаго наслажда́ющеся блаже́нства, помяни́те и на́с, ча́д ва́ших, оте́ческое ва́ше о спасе́нии на́шем попече́ние восхваля́ющих, Бо́гу же пою́щих: Аллилу́иа.

И́кос 10.

Стена́ тве́рда на́м проти́ву лица́ вра́жия вы́ есте́, вси́ святи́и, и те́плии моли́твенницы ко Христу́ о все́м ро́де христиа́нстем. Те́мже от стре́л неви́димаго бори́теля при́сно ва́ми защища́еми, ра́достно взыва́ем:

Ра́дуйтеся, ро́да челове́ческаго ве́лие украше́ние; ра́дуйтеся, в стра́нствии земно́м при́сная на́м отра́да и утеше́ние.

Ра́дуйтеся, в бра́ни со врага́ми спасе́ния на́шего си́льнии на́м помо́щницы; ра́дуйтеся, от меча́ гне́ва Бо́жия моли́твами ва́шими на́с защища́ющии.

Ра́дуйтеся, са́ми искуше́ни бы́вше, и на́м во искуше́ниих помога́ющии; ра́дуйтеся, покая́нию на́с гре́шных зело́ ра́дующиися.

Ра́дуйтеся, на разли́чных ме́стех земли́ во вся́ времена́ пра́ведно пожи́вшии; ра́дуйтеся, а́ще и согреши́вшии, оба́че и́стинным покая́нием и слеза́ми скве́рну грехо́в омы́вшии.

Ра́дуйтеся, от Ада́ма да́же до дне́сь в наде́жди жи́зни ве́чныя сконча́вшиися; ра́дуйтеся, от Восто́ка и За́пада прише́дшии и на ло́не Авраа́мли почи́вшии.

Ра́дуйтеся, я́ко со́нм ва́ш но́выми с земли́ прише́льцами всегда́ умножа́ется; ра́дуйтеся, я́ко ва́ми ме́сто па́дших духо́в в собо́ре а́нгельском восполня́ется.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 11.

Пе́сни на́ша хвале́бныя, а́ще бы и тмочи́слени бы́ли, не довле́ют к прославле́нию доброде́телей ва́ших, вси́ святи́и; и на́м немощны́м удо́бее люби́ти молча́ние; но да не яви́мся лени́ви и неблагода́рни за полу́ченныя ва́с ра́ди ми́лости и благодея́ния Бо́жия, пое́м просла́вльшему ва́с Влады́це: Аллилу́иа.

И́кос 11.

Свети́льницы све́та невече́рняго вы́ есте́, вси́ святи́и, у Престо́ла Пресвяты́я Тро́ицы с а́нгельскими чи́нми в моли́тве о на́с присногоря́щии, и на све́тлую спасе́ния стезю́ наставля́ющии вопию́щих ва́м си́це:

Ра́дуйтеся, свети́льницы огня́ невеще́ственнаго; ра́дуйтеся, насе́льницы оби́телей Отца́ Небе́снаго.

Ра́дуйтеся, гро́здие виногра́да Христо́ва; ра́дуйтеся, благоуха́ннии цве́ти ра́йстии.

Ра́дуйтеся, живото́чнии ре́ки, в жа́жде духо́вней на́с напоя́ющии; ра́дуйтеся, дождено́снии о́блацы, в зно́и искуше́ний на́с прохлажда́ющии.

Ра́дуйтеся, духо́внии ве́три, зи́му уны́ния от серде́ц на́ших прогоня́ющии; ра́дуйтеся, сладкопе́снивии сла́вии, духо́вную ве́сну ве́чнаго блаже́нства на́м возвеща́ющии.

Ра́дуйтеся, мы́сленныя го́ры, к небеси́ на́с возводя́щии; ра́дуйтеся, у́мнаго Со́лнца лучи́, ми́лость Его́ на на́с излива́ющии.

Ра́дуйтеся, до́брии ко́рмчии, от потопле́ния грехо́внаго на́с спаса́ющии; ра́дуйтеся, ве́рнии путевожди́е, в небе́сное оте́чество на́с путеводя́щии.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 12.

Благода́ть, от Бо́га да́нную ва́м в воздая́ние мно́гих доброде́телей ва́ших, кто́ от земноро́дных испове́сти возмо́жет, о святи́и! Я́коже бо ка́пли морски́я по еди́ной исчерпа́ти, си́це чудоде́йствий ва́ших и подава́емых ва́ми на́м благодея́ний не́сть мо́щно исчести́. Сего́ ра́ди ра́достно соверша́ем сла́вное ва́ше торжество́, и вся́ де́йствующему в ва́с Го́споду зове́м: Аллилу́иа.

И́кос 12.

Пою́ще Тя́, Влады́ко Вседержи́телю, восхваля́ем вси́ Пресвято́е И́мя Твое́, я́ко от нача́ла ми́ра в разли́чная времена́ яви́л еси́ приснопа́мятныя святы́я Твоя́, Тебе́ еди́ному в Тро́ице сла́вимому Бо́гу благоугоди́вшия, и́хже моли́твами от все́х зо́л избавля́еши вопию́щия к ни́м:

Ра́дуйтеся, святи́и Бо́жии уго́дницы с Пресвяте́йшею всея́ тва́ри Присноде́вою Мари́ею; ра́дуйтеся, и вы́, безпло́тнии а́нгели, храни́телие ро́да челове́ческаго.

Ра́дуйтеся, святи́и ца́рие и кня́зи, на земли́ благочести́во ца́рствовавшии и Небе́сное Ца́рствие насле́дившии; ра́дуйтеся, до́брии градоправи́телие, в небе́сном гра́де обита́ти сподо́бльшиися.

Ра́дуйтеся, нелицеприя́тнии земни́и судии́, у небе́снаго Судии́ оправда́ние и ми́лость получи́вшии; ра́дуйтеся, ре́вностнии слове́сных ове́ц па́стырие, от Пастыренача́льника Христа́ похвале́ннии и просла́вленнии.

Ра́дуйтеся, пра́веднии земледе́лателие, в простоте́ се́рдца и незло́бии Бо́гу послужи́вшии; ра́дуйтеся, терпели́вии стра́нницы, небе́снаго оте́чества дости́гшии.

Ра́дуйтеся, юро́дивии, поноше́ния и укоре́ния Христа́ ра́ди претерпе́вшии; ра́дуйтеся, безсре́бренницы, ту́не боля́щим исцеле́ния подава́вшии и на небеси́ мзду́ прия́вшии.

Ра́дуйтеся, во вся́ком во́зрасте и зва́нии угоди́вшии Бо́гу му́жие и жены́, я́ко вы́ еди́но есте́ о Го́споде и ду́ши ва́ша в руце́ Бо́жией; ра́дуйтеся, я́ко в бу́дущем ве́це ку́пно с душа́ми и телеса́ ва́ша ве́чныя сла́вы прича́стны бу́дут.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 13.

О всеблаже́ннии уго́дницы Бо́жии, вси́ святи́и, прия́вшии насле́дие бла́г ве́чных! Приими́те сие́ на́ше хвале́бное пе́ние, и благоприя́тными ва́шими к Бо́гу моли́твами испроси́те на́м грехо́в оставле́ние и ве́чных му́к избавле́ние, да с ва́ми в небе́сном на́шем Оте́честве пое́м Бо́гу: Аллилу́иа.

Этот конда́к чита́ется три́жды, зате́м и́кос 1-й и конда́к 1-й.

И́кос 1.

А́нгельский собо́р, ума́ленный паде́нием го́рдых а́нгел и ва́ми, все́ми святы́ми, восполня́емый, све́тло торжеству́ет в де́нь па́мяти ва́шей, и всю́ вселе́нную созыва́ет на весе́лие духо́вное. Мы́ же, и́м подража́юще, зове́м ва́м ра́достно:

Ра́дуйтеся, святи́и, от ве́ка Бо́гом предуве́деннии и предуста́вленнии к сла́ве небе́сней; ра́дуйтеся, от все́х родо́в, ме́ст и време́н в служе́ние Го́споду избра́ннии.

Ра́дуйтеся, избра́ние ва́ше по́двигами благоче́стия оправда́вшии; ра́дуйтеся, о́бразом до́брых де́л ва́ших пра́вый пу́ть к небеси́ на́м показа́вшии.

Ра́дуйтеся, пре́жде пи́саннаго зако́на Бо́жия по зако́ну со́вести пра́ведно пожи́вшии; ра́дуйтеся, в зако́нней се́ни благоче́стно житие́ свое́ соверши́вшии.

Ра́дуйтеся, в но́вей благода́ти све́тло доброде́тельми просия́вшии; ра́дуйтеся, в после́дняя сия́ времена́ Бо́гу благоугоди́вшии и мзду́ с пе́рвыми получи́вшии.

Ра́дуйтеся, от земны́х скорбе́й преше́дшии к небе́сному поко́ю; ра́дуйтеся, сподо́бльшиися зре́ти неисповеди́мую сла́ву Бо́жию.

Ра́дуйтеся, с ли́ки безпло́тных непреста́нно хва́лящии Пресвяту́ю Тро́ицу; ра́дуйтеся, всегда́ моля́щиися Е́й о все́х почита́ющих ва́с.

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Конда́к 1.

Избра́нным уго́дником Бо́жиим, все́м святы́м, от ве́ка во все́м ми́ре просия́вшим и на небеси́ венцы́ сла́вы прия́вшим, похва́льное прино́сим пе́ние. Вы́ же, я́ко иму́щии ве́лие дерзнове́ние ко Го́споду, от вся́ких на́с бе́д свободи́те, да зове́м ва́м хвале́бно:

Ра́дуйтеся, вси́ святи́и, те́плии о все́м ми́ре Бо́гу моли́твенницы.

Моли́тва.

К ва́м, о святи́и вси́, я́ко путево́дным свети́льником, дея́ньми свои́ми освети́вшим пу́ть небе́снаго восхо́да, а́з, многогре́шный, смире́нно коле́на се́рдца моего́ преклоня́ю и из глубины́ души́ взыва́ю: умоли́те о мне́ Человеколю́бца Бо́га, да не попу́стит ми́ еще́ блужда́ти по распу́тиям греха́, но да просвети́т мо́й у́м и се́рдце све́том бла́гости Своея́, я́ко да то́ю озаря́емь и подкрепля́емь, возмогу́ про́чее вре́мя земна́го жития́ пра́вою стезе́ю непреткнове́нно прейти́ и хода́тайством ва́шим ко Всеблаго́му Го́споду сподо́блюся поне́ вма́ле прича́стник бы́ти духо́вныя ва́шея трапе́зы в небе́снем черто́зе Царя́ сла́вы, Ему́же со Безнача́льным Его́ Отце́м и Пресвяты́м, Благи́м и Животворя́щим Ду́хом бу́ди сла́ва, че́сть и поклоне́ние во ве́ки веко́в. Ами́нь.

Кондак 1

Избранный от Господа святителю, преславный исповедниче, отче наш Викторе, подвигом крепкаго стояния за веру Православную озаривый землю Вятскую, и Церковь русскую святую, яко имеяй велие дерзновение ко Господу, от всяких нас бед и скорбей избавлей, да зовем ти:

Радуйся, святителю Викторе, правды Божия поборниче и расколов обличителю.

Икос 1

Ангельския силы на небеси радовахуся чистому и святому житию твоему, святителю отче наш Викторе, яко от младенства возлюбил еси церковь святую, с любовию неленостно помогал еси родителю твоему во храме Божием, мы же грешнии на земли, прославляя Святую Троицу, тако благоволившую о тебе, вопием сице:

Радуйся, из млада возраста Господа всем сердцем возлюбивый.

Радуйся, избранный сосуд Святаго Духа бывый.

Радуйся, с малых лет на путь духовнаго научения вступивый.

Радуйся, вся благая и красная мира сего Господа ради презревый.

Радуйся, от отрочества чистым житием Господеви угодивый.

Радуйся, научением слова Божия и усердною молитвою от юности себе питавый.

Радуйся, службы Божия всегда усердно посещавый.

Радуйся, весь ум ко Господу устремивый.

Радуйся, святителю Викторе, правды Божия поборниче и расколов обличителю.

Кондак 2

Видя суету мира сего, ты, святителю отче наш Викторе, Ангельский чин восприяти пламенно восхотел еси, вопия возлюбленному тобою Господу: Аллилуиа.

Икос 2

Разум имея озарен благодатию Божиею, преславне отче Викторе, восхотел еси тьму нечестия и заблуждення в пастве саратовстей искоренити, и просветити ю светом истиннаго Боговедения и благочестия, сего ради глаголем ти:

Радуйся, истинныя премудрости исполненный.

Радуйся, обитель Святыя Троицы добре устроивый.

Радуйся, Божественныя истины проповедниче.

Радуйся, чувашей в Православии ревностный наставниче.

Радуйся, лукавых учений века сего мудрый обличителю.

Радуйся, суеверий и пороков мужественный искоренителю.

Радуйся, сомневающихся в вере добрый просветителю.

Радуйся, правыя веры и добродетелей насадителю.

Радуйся, святителю Викторе, правды Божия поборниче и расколов обличителю.

Кондак 3

Во Святую Землю силою Божией предивно ведомый, святителю отче наш Викторе, в земнем Иерусалиме подъял еси труды, Господа ради, о укреплении и очищении веры Православныя и тамо у Гроба Господня во умилении сердца воспевал еси ангельскую песнь: Аллилуиа.

Икос 3

Имея непрестанное попечение о укреплении веры Православныя на Святей земле Израилевей, обличал еси, всемудрый святителю, учения безбожныя, яко змеи коварно в Палестину проникшия и ядом своим народ ея губившия, и ко единству Вселенския Православныя церкви чад ея призывал еси, усердно в соборе Святыя Троицы во граде Иерусалиме о том моляся. Мы же воспевая святую ревность твою, глаголем сице:

Радуйся, во святем граде Иерусалиме усердно служивый.

Радуйся, у Гроба Господня о чистоте Православия молитвы возносивый.

Радуйся, всюду о русских людях тамо слезно Господа моливый.

Радуйся, лукавство учителей безбожных неленостно обличивый.

Радуйся, к покаянию свою паству призывавый.

Радуйся, о родной России каждодневно скорбевый.

Радуйся, послужити народу русскому пламенно желавый.

Радуйся, и на Святей Земле о сем труды своя прилагавый.

Радуйся, святителю Викторе, правды Божия поборниче и расколов обличителю.

Кондак 4

Бурею помышлений сумнительных и стремлений мятежных волнуема, Русь якоже ладия прободенная колебашеся, ты же святителю, яко столп непоколебимый и адамант твердейший, хранити верность Православней вере паству свою призывал еси, поя непрестанно Христу Богу: Аллилуиа.

Икос 4

Возлюбив пустынное житие Зеленецкия обители, восходя от силы в силу, украсися ту многими добродетельми. Отсюду же взятся во управление Александро-Невския Лавры, жития твоего ради, сице и мы похвально вопием ти:

Радуйся, Пресвятей Троице неленостный служителю.

Радуйся, монашествующих добрый окормителю.

Радуйся, воли Божией смиренный послушниче.

Радуйся, раскольников грозный посрамителю.

Радуйся, преподобнаго Мартирия кроткий почитателю.

Радуйся, добродетелем святых усердный последователю.

Радуйся, суемудрия и нечестия прогонителю.

Радуйся, о душах христианских мудрый попечителю.

Радуйся, святителю Викторе, правды Божия поборниче и расколов обличителю.

Кондак 5

Егда тяжкое искушение найде на Церковь русскую, воздвиже тя Господь, яко исповедника Своего, супротив гонителей безбожных и достойно омофор священный нося, путем скорбным неустрашимо устремился еси, верою пламенея и на всяк час живот твой за Христа положити уготовися, поя Ему: Аллилуиа.

Икос 5

Видеша тя, святителю Викторе, яко яркий светильник во мраке безбожия светящаго и безчинства безбожныя власти обличающаго, народ вятский возлюби тя, и мужественному твоему исповеданию последуя, взывал к тебе сице:

Радуйся, пастырю наш мужественный и твердый.

Радуйся, отче наш любвеобильный.

Радуйся, к правде Божией нас ведущий.

Радуйся, не боятися бесовския злобы нас научающий.

Радуйся, до конца стояти за веру Христову нас призывающий.

Радуйся, в скорбех и испытаниях не унывающий.

Радуйся, мужеством святителю Ермогену уподобивыйся.

Радуйся, темничнаго заточення Христа ради не убоявыйся.

Радуйся, святителю Викторе, правды Божия поборниче и расколов обличителю.

Кондак 6

Проповедником правыя веры и благочестия в годину лютых гонений на церковь Православную был еси, прехвальне святителю Викторе, безбоязненно обличая пагубную обновленческую ересь и призывая паству свою не следовати самозванным раскольником и не уподоблятися сим льстецам, но мужественно держатися веры Православныя, воспевая возлюбленному Господу: Аллилуиа.

Икос 6

Возсиявый на Вятстей земле яко светильник пресветлый, во дни кроваваго мяте?жа, богомудре святителю Викторе, всем унывающим и во отчаянии пребывающим людем путь спасения показуеши и из сетей обновленчества их выводиши, призывая остерегатися лжепастырей, извращающих святую истину и учение Православное в угоду прелестем лукаваго мира сего. Темже поклоняющеся мужеству твоему взываем ти сице:

Радуйся, крестный путь с паствою твоею прошедый.

Радуйся, тесным путем скорбей и страданий пасомых ко Христу приведый.

Радуйся, лести обновленческия отвращатися призывавый.

радуйся, коварство и властолюбие лжепастырей обличавый.

Радуйся, льстивое красноречие слушати не велевый.

Радуйся, к Царствию Божию взоры своя устремляти учивый.

Радуйся, паству твою в Православии укрепивый.

Радуйся, клевету и гонения от лжебратий мужественно претерпевый.

Радуйся, святителю Викторе, правды Божия поборниче и расколов обличителю.

Кондак 7

Хотя быти пастырь добрый, любя овцы своя, не убоялся еси беззаконных мучителей и ревностно обличал еси ересь обновленческую, темже стяжал еси велию благодать у Господа, поя Ему радостно: Аллилуиа.

Икос 7

Новаго и дивнаго поборника чистоты Православия видим тя, святителю Викторе, яко биений и темничнаго заточения не устрашился еси и мужественно взывал еси словами апостола: Молю же вы братие, остерегайтеся производящих разделения и распри, вопреки учению, емуже вы научилися. Восхваляюще Православное ратоборство твое, благодарственно вопием ти:

Радуйся, волков хищных обновленческих грозно обличавый.

Радуйся, поношения и злооклеветания претерпевый.

Радуйся, ненависть и козни их простивый.

Радуйся, претерпевый за истину суровое злточение.

Радуйся, яко народом вятским горько оплаканный.

Радуйся, паству свою на подвиг исповедания веры благословивый.

Радуйся, над всеми бесовскими кознями восторжествовавый.

Радуйся, горячие молитвы о многоскорбной России непрестанно возносивый.

Радуйся, святителю Викторе, правды Божия поборниче и расколов обличителю.

Кондак 8

Странно есть маловерным и малодушным слышати како святитель Виктор во дни гонений, егда кровь Православная реками напитала землю русскую, дерзновенно обличает отринувших православную веру и призывает: Лучше пострадати истинныя веры ради, нежели диаволу поклонитися. Темже почитая святое исповедание твое, поем укрепившему тя Богу: Аллилуиа.

Икос 8

Весь предан был еси Иисусу Сладчайшему, святителю отче наш Викторе, егда изгнание, и заточение претерпел еси, непрестанно со усердием моляся о земле Русской и о людех ея. Темже мы, почитая твое мужество сице вопием ти:

Радуйся, гонения и поругания Христа ради стойко претерпевый.

Радуйся, любовь ко Господу и во изгнании преумноживый.

Радуйся, и в заточении паству твою с любовию ободрял есн.

Радуйся, в глубине Соловецкаго леса Троицу Святую прославлял еси.

Радуйся, яко вся тебе присылаемая страждущим и болящим раздавал еси.

Радуйся, яко велию благодать от Господа стяжал еси.

Радуйся, ненавидящих тя от всего сердца прощал еси.

Радуйся, образ Божий в своем сердце неизменно носил еси.

Радуйся, святителю Викторе, правды Божия поборниче и расколов обличителю.

Кондак 9

Всякия скорби безропотно претерпел еси, всякия лишения, обиды, Болезни, поругания с любовию и кротостию принимал еси, святителю отче наш Викторе, неустанно взывая ко Господу Богу: Аллилуиа.

Икос 9

Ветии многовещанныя не возмогут по достоянию воспети подвиги твоя, святителю отче Викторе, яже претерпел еси от безбожных властей и предателей обновленческих за веру правую святую. Мы же почитая прискорбный путь твой во исповедание веры Православныя из глубины души глаголем ти:

Радуйся, яко во мраке безбожия правую веру утверждавый.

Радуйся, мучителя своего кротко простивый и от беснования его исцеливый.

Радуйся, пощады от безбожных властей не просивый.

Радуйся, оклеветания и поношения стойко терпевый.

Радуйся, страну северную всем сердцем возлюбивый.

Радуйся, молитвы о поруганной Руси в чаще лесной возносивый.

Радуйся, отроком помощник добрый был еси.

Радуйся, болящее дитя молитвою исцеливый.

Радуйся, святителю Викторе, правды Божия поборниче и расколов обличителю.

Кондак 10

Спасти хотя паству твою и Русь любимую от кроваваго мятежа и раскола церковнаго пламенно взывал еси ко Господу, святителю наш предивный, и слезно умолял еси Его да укрепит Он церковь Святую Православную и очистит ю от язвы обновленческия, дабы не коснулась душ наших богомерзкая еретическая скверна и да возмогли бы мы чистым сердцем воспевати вкупе со всеми святыми песнь Господеви: Аллилуиа.

Икос 10

Стена, ограждающая русских людей от нечести еретическия, раскольническия, явился еси в Церкви Православней, святителю отче Викторе, показуя собою образ мужественнаго стояния за Истину Святую, темже и мы ныне со благодарением взываем ти:

Радуйся, лесть и лукавство всем сердцем возненавидевый.

Радуйся, страдания за Христа и церковь Его радостно претерпевый.

Радуйся, страданием исповедание веры совершивый.

Радуйся, в веси северной Нерице упокоение от Господа приявый.

Радуйся, яко Господь чудным образом гроб твой сохранивый.

Радуйся, святыми мощами своими землю Вятскую освятивый.

Радуйся, вкупе с новомученицы и исповедницы Российскими землю Русскую прославивый.

Радуйся, преданностию Православию любовь всея Руси стяжавый.

Радуйся, святителю Викторе, правды Божия поборниче и расколов обличителю.

Кондак 11

Пение смиренное и усердное принесл еси Пресвятей Троице, священноисповедниче Викторе, не точию умом, словом и духом, но всего себе в жертву отдал еси. Темже поклоняяся нетленным и благоуханным мощем твоим, радостно поем дивному во святых Своих Богу: Аллилуиа.

Икос 11

Светозарный светильник на верху горы стоящий и всей России путь ко спасению освещающий являешися, пречудный святителю Викторе, ибо и в наши мятежныя времена призываеши паству Русскую отвращатися от льстивых учений обновленческих и твердо хранити заветы Православия. Мы же припадающе к раце мощей твоих и иконе твоей поклоняющеся, из глубины души взываем ти сице:

Радуйся, звездо светозарная, в земле Русской сияющая.

Радуйся, всегдашняя молитва, о нас к Богу неумолкающая.

Радуйся, за отечество твое пред Господом милостивый печальниче.

Радуйся, всем Богу служити хотящим мудрый наставниче.

Радуйся, Русския земли радование.

Радуйся, светлое зерцало правды церковныя.

Радуйся, козней безбожныя власти не убоявыйся.

Радуйся, Истину Божию паче славы земныя возлюбивый.

Радуйся, святителю Викторе, правды Божия поборниче и расколов обличителю.

Кондак 12

Благодать данную ти от Бога ведуще, радостно имя твое вспоминаем, святителю отче Викторе, и с теплым молением ко всечестному образу твоему притекающе, прилежно молим тя: укрепи нас маловерных и малодушных, настави нас на путь истиннаго покаяния, в Православной вере сердца и души наша утверди, да обрящем у Господа спасение и воспоим Ему из глубины сердечныя: Аллилуиа.

Икос 12

Поюще дивное и праведное житие твое, воспевающе терпение и исповедническия подвиги твоя, прославляя скорбную кончину твою во изгнании, приносим ти умиленныя глаголы сия:

Радуйся, теплый пред Господем о нас молитвенниче.

Радуйся, противу врагов церкви Христовыя пламенный противоборниче.

Радуйся, проповедником Божественныя истины дивный споспешниче.

Радуйся, о земле и народе вятстем милостивый пред Господем ходатаю.

Радуйся, яко предивным Благоуханием святых мощей твоих ревностный о истине глашатаю.

Радуйся, Царя Небеснаго скорый умилостивителю.

Радуйся, благосердый помощник всем совершающим святую память твою.

Радуйся, целитель душ и телес.

Радуйся, святителю Викторе, правды Божия поборниче и расколов обличителю.

Кондак 13

О преславный пастырю, и исповедниче святителю отче наш Викторе, приими ныне от нас грешных сие похвальное пение, и твоими святыми молитвами поющих тя в Православии укрепи, от пагубных ересей и расколов защити, от волков коварных, расхищающих стадо Христово, жезлом молитв твоих далече отжени, крепкое стояние за церковь Православную и законы ея в сердцах наших утверди, да неленостно совершивши путь своего спасения, сподобимся в Царствие Небесное внити и вкупе с тобою воспевати Христу Богу: Аллилуиа.

Сей Кондак читается трижды, затем Икос 1 и Кондак 1.

Молитва священноисповеднику Виктору Глазовскому

О, священная главо, святителю Божий отче наш Викторе! К тебе, предстателю святый, прибегаем, яко не имамы дерзновения ко Господу за премногия грехи наша. Ты же, отче святый, в земном житии твоем столп веры православныя быв и исповедник доблий, укрепи нашу веру, да возможем противустати всем кознем лукаваго, испроси нам у Всемилостиваго Бога вся благопотребная душам и телесем нашим. Церковь Русскую от ересей и расколов сохрани, да пребудет до скончания века чистая и непорочная Невеста Христова, заблуждающих обрати, недугующих исцели, юныя просвети, да уведят благочестия доброту и греха безобразие, даждь нам утешение в печалех, пробуди в сердцах наших покаяние, возжги в сердцах наших пламень Божественныя любве и всем вся даруй, яже ко спасению, и подаждь нам твое святительское благословение, да тем осеняеми избавимся от всякия беды и напасти, и да будем благоуспешны в трудех наших. Услыши моления наша, всеблаженне отче наш Викторе, к раце мощей твоих с верою и любовию припадающих, яви нам многомощное твое заступление, соблюди град твой Вятку, его же возлюбил еси, и вся грады и веси русския от напастей ненаветны, да славим дивнаго во святых Своих Бога, Отца и Сына и Святаго Духа, ныне и присно и во веки веков. Аминь.

Тропарь священноисповеднику Виктору Глазовскому, глас 4

Правды Божия поборниче и расколов обличителю, исповедниче Христов святителю Викторе, яко пресветлое светило добродетельми просиявый и изгнание претерпевый, упасл еси паству твою в Православии и благочестии. Радуется днесь земля Вятская, в нюже восхотел еси возратитися цельбоносными мощми твоими, празднующи любовию святую память твою. Моли о нас Бога, с верою к предстательству твоему прибегающих.

Кондак священноисповеднику Виктору Глазовскому, глас 8

Победе тезоименитый, святителю преславне Викторе, победил еси гонителей твоих немощную ярость. Разум имея богопросвещенный, хитросплетенная ложная обличал еси, овец твоих в ограде церковной соблюдая. Темже увенчался еси от Бога венцем драгоценным. Не престай моляся спастися душам нашим.

11.08.2020 Добавлены акафисты: Входу Господню в Иерусалим. Иконам Богородицы: Остробрамская (для Украинской ПЦ), Благодатное Небо, Белыничская, Барская. Акафист 12 Апостолам. Святому преподобному Авраамию, Городецкому чудотворцу. Святому преподобному Аврамию Смоленскому чудотворцу. Святому блаженному Андрею Симбирскому. Святым преподобным Андронику и Савве. Священномученику Андронику, архиепископу Пермскому и Кунгурскому. Преподобному Антонию Римлянину, Новгородскому чудотворцу. Святому преподобному Антонию, Сийскому чудотворцу. Святому преподобному Антонию, игумену Дымскому, чудотворцу. Преподобному Аристоклию, старцу Афонскому и Московскому чудотворцу. Святому преподобному Арсению, Комельскому чудотворцу. Преподобномученице Арсении, игумении Сергиевской. Святому преподобному Артемию, Веркольскому чудотворцу (с ударениями). Преподобному отроку Боголепу Черноярскому, Астраханскому чудотворцу.
26.04.2018 Обновлён файл акафиста Пресвятой Богородице перед Ея иконой, именуемой «Трех радостей», исправлено несколько опечаток.
28.02.2018 Добавлены акафисты: Блаженной Матроне Анемнясевской. Великомученику и целителю Пантелеимону. Епископу Тихону Воронежскому чудотворцу. Преподобному Антонию, Леохновскому чудотворцу. Преподобному Макарию Желтоводскому, Унженскому чудотворцу. Преподобному Моисею Угрину. Преподобному Никите Столпнику, Переславскому чудотворцу. Преподобному Никодиму, Кожеезерскому чудотворцу. Преподобному Нилу, Столобенскому чудотворцу. Преподобному Онуфрию, Великому пустынножителю, царевичу Перскому. Преподобному Паисию, Галичскому чудотворцу. Преподобному Пафнутию Боровскому чудотворцу. Преподобному Петру, царевичу Ростовскому, чудотворцу. Преподобному Савве Крыпецкому чудотворцу. Преподобному Савве, игумену Сторожевскому, Звенигородскому чудотворцу. Преподобному Сампсону Странноприимцу. Преподобному Серафиму, Вырицкому чудотворцу. Преподобному Сергию Радонежскому чудотворцу. Преподобному Тихону, Калужскому чудотворцу. Преподобным старцам Оптинским. Святителю и чудотворцу Михаилу, первому митрополиту Киевскому. Святителю и чудотворцу Николаю, архиепископу Мир Ликийских. Святителю Луке, исповеднику, архиепископу Крымскому. Святителю Макарию, митрополиту Московскому и всея Руси, чудотворцу. Святителю Митрофану, епископу Воронежскому. Святителю Нектарию, митрополиту Пентапольскому, Эгинскому чудотворцу. Святителю Питириму Тамбовскому, чудотворцу. Святителю Софронию, епископу Иркутскому. Святителю Спиридону Тримифунтскому. Святителю Стефану, епископу Пермскому. Святой великомученице Марине. Святой и равноапостольной великой княгине Русской Ольге. Святой мученице Параскеве Пятнице. Святой мученице Татиане. Святой равноапостольной Марии Магдалине. Святой равноапостольной Нине, просветительнице Грузии. Святому благоверному князю Олегу Брянскому. Святому великомученику Мине. Святому великомученику Никите. Святому праведному Симеону Богоприимцу. Святому преподобному Макарию, игумену Калязинскому, чудотворцу. Святому преподобному Савве Вишерскому, чудотворцу. Святому Симону, епископу Владимирскому и Суздальскому, Печерскому чудотворцу. Святому славному и всехвальному апостолу Христову Симону Зилоту, иже и Кананит именуется. Святым благоверным князю Петру и княгине Февронии, Муромским. Святым Марфе и Марии, сестрам Лазаря. Святым сестерам-мученицам Минодоре, Митродоре и Нимфодоре. Святым сорока мученикам Севастийским. Священномученику Макарию, митрополиту Киевскому. Собору Святых Псково-Печерских.
14.09.2016 Обновлён файл акафиста Святым мученицам Вере, Надежде и Любови, и матери их Софии, исправлено несколько опечаток.
17.02.2016 Обновлён файл акафиста Рождеству Христову, исправлено несколько опечаток.
30.10.2015 По просьбе автора удалён акафист «Радость православных».
14.09.2015 Добавлены акафисты: Святому преподобному Адриану, игумену Ондрусовскому, Олонецкому чудотворцу. Святому преподобномученику Адриану, игумену Пошехонскому, чудотворцу. Святому преподобному Александру Ошевенскому чудотворцу. Преподобному Александру, игумену Куштскому, Вологодскому чудотворцу. Святому праведному Александру, Чагринскому чудотворцу. Преподобному Алексию Карпаторусскому, исповеднику. Святому праведному Алексию, Бортсурманскому чудотворцу. Преподобномученице Анастасии Римляныни. Преподобному и богоносному отцу нашему Афанасию Афонскому чудотворцу. Святителю Афанасию, епископу Ковровскому, исповеднику и песнописцу. Преподобному Варнаве Гефсиманскому. Святому преподобному Иову, игумену Почаевскому, чудотворцу. Праведному Ионе Одесскому чудотворцу. Священномученику Иосифу, первому митрополиту Астраханскому и Терскому. Преподобному Иосифу Волоцкому, Волоколамскому чудотворцу. Святой великомученице Ирине. Священномученикам Киприану и Иустине. Преподобным Кириллу и Марии, родителям преподобного Сергия Радонежского. Преподобному и богоносному отцу нашему Кириллу, игумену Белоезерскому, чудотворцу. Преподобному Корнилию Александровскому. Преподобномученику Корнилию Псково-Печерскому. Святым безсребренником и чудотворцем Косме и Дамиану Ассийским. Преподобному Кукше, Одесскому чудотворцу. Преподобному Лаврентию Черниговскому, чудотворцу. Святому праведному Лаврентию, Калужскому чудотворцу. Святым равноапостольным Мефодию и Кириллу, учителем словенским. Святому благоверному великому князю Михаилу Ярославичу, Тверскому чудотворцу. Преподобным отцам, на Святой горе Афонской просиявшим. Святому преподобному Роману Сладкопевцу. Иже во святых отцу нашему святителю Иоанну, Сан-Францисскому и Шанхайскому чудотворцу. Святому мученику Трифону. Святым равноапостольным царем Константину и Елене.
2.05.2015 Добавлен акафист «Радость православных», написанный во время войны на Донбассе.
9.03.2015 Обновлены файлы акафистов Ангелу-Хранителю и иконе Пресвятой Богородицы «Милостивая», исправлено несколько опечаток.
11.06.2014 Добавлены акафисты: Блаженному Василию, Христа ради юродивому, Московскому чудотворцу. Всем святым, от века Богу благоугодившим. За единоумершаго. Иже во святых отцу нашему Арсению епископу Тверскому, чудотворцу. Иже во святых отцу нашему Василию, архиепископу Кесарии Каппадокийския, Великому. Митрополиту Алексию, святителю Московскому и всея России чудотворцу. Преподобной Евфросинии Полоцкой. Преподобному Аврамию, архимандриту Ростовскому, чудотворцу. Преподобному Арсению, Коневскому чудотворцу. Преподобному архимандриту Евфимию, Суздальскому чудотворцу. Преподобному Афанасию Младшему, игумену Высоцкому, Серпуховскому чудотворцу. Преподобному Варлааму Хутынскому, новгородскому чудотворцу. Преподобному Гавриилу Афонскому. Преподобному Григорию Вологодскому, чудотворцу. Преподобному Димитрию Прилуцкому, Вологодскому чудотворцу. Преподобному Елеазару Анзерскому, Соловецкому Чудотворцу. Преподобному и богоносному отцу нашему, Антонию, Печерскому чудотворцу. Преподобному Иоанну, Рыльскому чудотворцу и пустынножителю. Преподобным и богоносным отцам нашим Антонию и Феодосию Печерским. Святителю Варсонофию, епископу Тверскому, Казанскому чудотворцу. Святителю Василию, епископу Рязанскому, чудотворцу. Святителю Григорию, епископу и чудотворцу Неокесарийскому. Святителю Гурию, Казанскому и Свияжскому чудотворцу. Святителю и чудотворцу Ермогену, Патриарху Московскому и всея Руси. Святителю Иннокентию, чудотворцу Иркутскому. Святителю Иоанну Златоустому, архиепископу Константина града. Святой благоверной великой княгине-инокине Анне Кашинской. Святой великомученице Варваре. Святой великомученице Екатерине. Святой мученице Зинаиде. Святой преподобномученице великой княгине Елисавете. Святому Алексию человеку Божию. Святому апостолу Андрею Первозванному. Святому апостолу и евангелисту Иоанну Богослову. Святому великомученику Димитрию Солунскому. Святому мученику Аврамию Болгарскому. Святому мученику Вонифатию. Святому праведному Алексию (Мечёву), пресвитеру Московскому. Святому праведному Иоанну Кронштадтскому, чудотворцу. Святому преподобному Афанасию, игумену Брестскому. Святому преподобному Галактиону, Вологодскому чудотворцу. Святому преподобному Илии Муромцу, Киево-Печерскому чудотворцу. Святому равноапостольному князю Владимиру. Святому чудотворцу Иоанну Воину. Святым и благоверным князьям и страстотерпцам Борису и Глебу. Святым и праведным Богоотцем Иоакиму и Анне. Святым мученикам Антонию, Иоанну и Евстафию Виленским. Святым мученикам Гурию, Самону и Авиву. Святым мученицам Вере, Надежде и Любови, и матери их Софии. Священномученику Антипе, епископу Пергамскому. Cвятым мученикам Адриану и Наталии.
9.06.2014 Обновлён файл Акафиста Пресвятой и Животворящей Троице, исправлено несколько опечаток.
15.04.2014 Добавлены акафисты: Архангелу Божию Гавриилу. Ангелу-Хранителю. В память всеобщего Воскресения и Страшного суда. Господу Иисусу Христу Грядущему. Покаяния или песни, приводящия человека к сознанию своей греховности. Покаянный жен, загубивших младенцев во утробе своей. Покаянный Составлен на основании Великого канона Андрея Критского.
12.04.2014 Добавлено 44 акафиста Богородице: Аз есмь с вами и никтоже на вы; Ахтырская; Владимирская; Воспитание; Всецарица; Грузинская; Достойно есть или Милующая; Живоносный Источник; Жировицкая; Заступнице и Преблагой Попечительнице о Церкви Христовой; Знамение (Курская-Коренная); Знамение (Корчемная); Иверская; Иверской Монреальской; Иерусалимская; Избавление от бед страждущих; Казанская; Калужская; Козельщанская; Косинская (Моденская); Любечская; Милостивая; Млекопитательница; Муромская; Неупиваемая чаша; Нечаянная радость; Озерянская; Отрада или Утешение; Песчанская; Почаевская; Пречистей Матери Милосердия; Прибавление ума; Призри на смирение; Пюхтицкой (У источника); Cветлой обители странников бездомных; Скоропослушница; Страстная; Табынская; Толгская; Трех радостей; Троеручица; Успение Пресвятой Богородицы; Ченстоховския (или Непобедимая Победа); Экономисса или Игумения горы Афонской.
6.05.2013 Добавлены акафисты: Пресвятой и Животворящей Троице. Сретению Господню.
1.05.2013 Во все акафисты встроен обновлённый шрифт. Все обновлённые файлы загружены на сайт.
29.04.2013 ОБНОВЛЁН ШРИФТ Izhitsa2, обновлён акафист «Умиление» Серафимо-Дивеевская (с ударениями).
26.04.2013 Добавлены акафисты: Федоровской иконе Пресвятой Богородицы.
10.04.2013 Добавлены акафисты: Благодарственный Слава Богу за всё. На Сошествие Святаго Духа. Преображению Господню.
07.04.2013 Добавлены акафисты: Всем Святым, в земле Российской просиявшим. Воскресению Христову. Живоносному Гробу и Воскресению Господню. Святой Пасхе. Вознесению Господню. Иисусу Сладчайшему. Кресту Господню. Лазареву воскрешению. Богоявлению Господню. Введению во Храм Пресвятой Богородицы. Покрову Пресвятой Богородицы.
17.02.2013 Открытие. Выложена небольшая группа акафистов.

Кондак 1
Дивный воеводо града Солуня, великий угодниче Христов и славный страстотерпче, святый Димитрие, источаяй мирови милости миро, похвальная восписуем ти, чтущии святую память твою. Ты же имеяй дерзновение ко Господу, от всяких бед избавляй нас, верно зовущих ти: Радуйся, святый Димитрие, славный великомучениче и чудотворче.
Икос 1
Ангелов Творец и Господь сил яви тя, досточудне, Ангела во плоти, мученика тверда и сильнаго предстателя верных. Прибегающе убо к заступлению твоему, сицевая радостная тебе приносим: Радуйся, звездо блистающая на тверди церковней; радуйся, светильниче, чудесы мир озаряяй. Радуйся веры непоколебимый столпе; радуйся, христиан несокрушимый щите. Радуйся, Фессалии светлое украшение; радуйся, Солуня похвало преславная. Радуйся, апостолов согражданине; радуйся, мучеников совсельниче. Радуйся, молящихся к тебе прошения приемляй; радуйся, о всех нас Богу моляйся. Радуйся, святый Димитрие, славный великомучениче и чудотворче.
Кондак 2
Видяще себе безчадна, благочестивая родителя твоя прилежно моляста Бога о даровании чада. Прием же Всевышний молитвы ею, и помянув милостыни, яже творяста убогим, дарова им тебе, блаженне. Сего ради с веселием возописта Богу: Аллилуиа.
Икос 2
Разум Божественный имея, яко отроча богодарованное, возгнушался еси языческия прелести, мудре. Родительское же благочестие возлюбль, добродетельми аки лествицею от силы в силу восходяй, благодать Божию приобрел еси, юже испроси получити и нам, почитающим тя звании сими: Радуйся, благочестивым родителем молитвенное прозябение; радуйся, благочестия их наследниче; радуйся, рождением своим возвеселивый многих. Радуйся, от утробы матерния благодатию свыше осененный; радуйся, благоуханный крине девства и нетления. Радуйся, освещенный душею же и телом; радуйся, вместилище дарований Божиих. Радуйся от юности идолослужение презревый; радуйся, истинное богопочитание, даже до смерти возлюбивый. Радуйся, яко благочестием твоим угодил еси Христу. Радуйся, яко благодатию Его мног плод сотворил еси. Радуйся, святый Димитрие, славный великомучениче и чудотворче.
Кондак 3
Сила Вышняго сотвори тя, Димитрие, храбра во бранех, врагом страшна, всем людем именита. Темже и злочестивый царь Максимиан вручи тебе град Солунь, повелевая, яко суемудрый, гнати христианы, поющия Богу: Аллилуиа.
Икос 3
Имеяй благоприятную по благочестию ревность, яве пред неверными исповедал еси Христа, прехвальне, и тех веровати и поклонятся Тому научил еси, и яко вторый Павел был еси солуняном, с нимже вопием ти: Радуйся, Церкви Христовой драгий бисере; радуйся, града твоего украшение. Радуйся, божественную ревность в сердцы своем носивый; радуйся, мучителей коварства победивый. Радуйся, идольския прелести обличителю; радуйся, идольское терние посецаяй. Радуйся, благочестия учителю; радуйся, на стези спасения наставителю. Радуйся, врагом видимым и невидимым неприступне; радуйся, воине Христов непобедиме. Радуйся, святый Димитрие, славный велико-мучениче и чудотворче.
Кондак 4
Бурею одержим помышлений злобных, нечестивый царь смятеся, уведев тя, всечестне, вернаго быти раба Христова, к вере в Того приводяща и идолы низлагающа, солунян же научающа, славити Трисвятое имя Божие и пети Тому: Аллилуиа.
Икос 4
Слыша, яко дышащий на тя, Димитрие, яростию Максимиан грядет в Солунь, молитвою и пощении предуготовил еси себе к мучению, повелевая Луппу, верному ти рабу, вся имения твоя и богатства привременная расточити убогим. Темже восхваляюще тя с любовию зовем: Радуйся, прошения мучителева не убоявыйся; радуйся, да Христа приобрящеши, вся расточивый. Радуйся, суетную славу мира сего во уметы вменивый; радуйся, небесную славу у Христа Бога нашего получивый. Радуйся, яко состраждеши всем требующим от тебе помощи; радуйся, сущим в нуждах скорый заступниче. Радуйся, нищих обогатителю; радуйся, сирых предстателю. Радуйся, убогим помощниче; радуйся, алчущим питателю. Радуйся, святый Димитрие, славный великомучениче и чудотворче.
Кондак 5
Боготечней звезде уподоблься, Димитрие, дерзновенно Солнце Правды проповедал еси тьмою одержимому царю. В темнице же им заключенный, славословил еси в ней, яко в чертозе светле, Христа Бога нашего, с веселием поя Тому: Аллилуиа.
Икос 5
Видя добра ненавистник диавол течение, достоблаженне, скончатися имущее, завистию снедаемь, устремися на тя во образе скорпии. Ты же, поправ того, узрел еси во светлости велицей Ангела Господня, укрепляюща тя и венец райский тебе подающа, приими убо и от нас земных малый венец похвалы сицевая: Радуйся, трубо, неверным Христа Бога возвестившая; радуйся, свиреле, услаждающая слышание верным; радуйся, яко мужеством твоим небожители возвеселил еси. Радуйся, в темнице мрачней святым Ангелом утешенный; радуйся, пресветлый на небесех чертог, яко мученик, унаследовавый. Радуйся, во плоти безплотныя враги победивый; радуйся, козни их, аки паучину разоривый. Радуйся, светлый конец победы приемый; радуйся, венцем от Царя славы венчанный. Радуйся, сугубыя благодати от него сподобивыйся; радуйся, велие дерзновение к нему стяжавый. Радуйся, святый Димитрие, славный великомучениче и чудотворче.
Кондак 6
Проповедник злочестия Максимиан радовашеся, яко прекрепкий борец его Лий убиваше христианы. Блаженный же Нестор не терпя того безчеловечия, у тебе, мучениче, благословение испроси, и шед низверже того на копия, поя Богу: Аллилуиа.
Икос 6
Возсиявый в Солуне просвещение истины, святе, предпослал еси ко Господу Нестора, чрез посечение от нечестииых. Тяже и сам, повелением царевым, копиями избоден был еси за Христа, пред Нимже помяни и нас, поминающих страдания твоя и вопиющих ти: Радуйся, на Лиево низложение Нестора молитвами твоими укрепивый; радуйся, яко по умерщвлении Лия, смерть мученическую купно с Нестором приял еси. Радуйся, яко за Прободеннаго на кресте нас ради копиями избоден был еси; радуйся, со славою на небеса по смерти от Ангел провожденный. Радуйся, в немерцающем свете душею пребываяй; радуйся, с мученики и со всеми святыми ликовствуяй. Радуйся, покрове песнословящих тя; радуйся, молитвенниче о чтущих святую память твою. Радуйся, святый Димитрие, славный великомучениче и чудотворче.
Кондак 7
Хотя блаженный Лупп благословение от тебе, страстотерпче Христов, получити, взя по кончине твоей перстень твой и ризу кровию твоею омоченную, и многа чудеса и исцеления теми сотворив, усечен бысть во главу, да поет купно с тобою и Нестором в Троице славимому Богу: Аллилуиа.
Икос 7
Новый храм созидая тебе, досточудне, исцеленный тобою Леонтий, обрете в земли святыя мощи твоя, источающая миро, егоже благоухания исполнися весь град и множество болящих исцеле. Темже уврачуй и облагоухай и нас, вопиющих ти сице: Радуйся, благоухание добродетелей от юности возлюбивый; радуйся, нрав Ангельский от младенчества стяжавый. Радуйся, сосуде благодати; радуйся, храме непорочности и чистоты. Радуйся, яко Господь обитель в тебе сотвори со Отцем и Духом; радуйся, яко Той прослави мощи твоя нетлением благодати. Радуйся, благовонное миро от тех источаяй; радуйся, освящение и цельбы теми подаваяй. Радуйся, яко паче нарда и смирны благоухаеши; радуйся, яко благоуханием твоим зловоние страстей отгоняеши. Радуйся, землю и одежды твоя кровию твоею освятивый; радуйся, язвами своими наша язвы душевныя и телесныя врачуяй. Радуйся, святый Димитрие, славный великомучениче и чудотворче.
Кондак 8
Странное и дивное чудо сотворил еси, пречудне, возвращавшемуся восвояси храмоздателю твоему, приим бо той плащаницу от святых твоих мощей, волнующуюся и многоводную реку немокренно прейде. Темже прославляемому в тебе Богу сердцем и усты воспевайте: Аллилуиа.
Икос 8
Весь горя любовию и усердием к тебе, Леонтий вторый в честь твою, святе, созда храм во Иллирии, отечестве своем, и тамо, якоже и в Солуне, множество болящих и страждущих от дух нечистых, молитвами твоими исцеляшеся, и ина многа совершахуся чудеса. Имже мы, дивяшеся тебе, вопием: Радуйся, любовию прославляющим тя крепкий заступниче; радуйся, созидающим во имя твое храмы чудный покрове. Радуйся, здравия подателю; радуйся, недугов врачевателю. Радуйся, токи крови уставляяй; радуйся, епарха Марина от струпов и гноя свободивый. Радуйся, одеждою твоею, якоже Павел убрусцами, чудодействуяй; радуйся, имевшему Леонтию немокренный на реце путь показавый. Радуйся, яко повинуются тебе быстрины речныя; радуйся, яко дуси злобы бегают от призывающих имя твое. Радуйся, яко предстательством твоим и мы уповаем от наветов вражиих сохранитися; радуйся, яко заступлением твоим и мы веруем от потопа иных бед избавитися. Радуйся, святый Димитрие, славный великомучениче и чудотворче.
Кондак 9
Всякое естество Ангельское удивися, Димитрие святый, великаго твоего дерзновения делу. Хотящу бо Господу врагом предати Солунь, и явлением Ангельским, повелевшу ти оставити град, не оставил еси того, славне. Темже сподобивыйся ужасного видения и слышания, Иллюстрий с трепетом возглашаше: Аллилуиа.
Икос 9
Витии многовещанныя не возмогут разумети, как плененныя иногда девы, образ твой, святе, пленившему и их князю швением уготовавшия, внезапу восхищени быша тобою, и у гроба твоего поставлени, бдению на память твою совершающуся, благословяще убо о тебе Господа, со умилением зовем ти: Радуйся, за истину на земли, даже до крови пострадавый; радуйся, на небеси со дерзновением престолу Божию предстояй. Радуйся, благопотребная оттуду верным посылаяй; радуйся, от бед призывающия тя свобождаяй. Радуйся, яко во озлоблении сущим скоро помогаеши; радуйся, яко Господь молитвами твоими благоутробно внемлет. Радуйся, чудес неисчерпаемый кладезю; радуйся, знамений неоскудеваемый источниче. Радуйся, плененных свободителю; радуйся, варварския дерзости укротителю. Радуйся, печальным утешение посылаяй; радуйся, скорбящим радость подаваяй. Радуйся, святый Димитрие, славный великомучениче и чудотворче.
Кондак 10
Спасти хотя град твой от глада, являлся еси, Димитрие, во пристанищех морских и отоцех, повелевая имущим пшеницу плыти с тою в Солунь. Темже тобою от смерти избавленнии, благодарственне пояху о тебе Богу: Аллилуиа.
Икос 10
Стена явился еси граду твоему несокрушимая, богомудре, и необоримый защитник всем призывающим тя, зане тако благоволи о тебе небесе и земли Творец. Темже и нас научи приглашати тебе: Радуйся, милосердия великий любителю; радуйся, о бедствующих сострадательный попечителю. Радуйся, от глада верныя спасаяй; радуйся, от нашествия языков тех изымаяй. Радуйся, множицею избавивый солунян от уз работы горькия; радуйся, губительную язву и иный вред от них удаливый. Радуйся, воеводо, никимже в мужестве одолимый; радуйся, ратоборче, николиже в силе оскудевающий. Радуйся, вся на град твой устремляющияся, яко Моисей Амалика, низлагаяй; радуйся, яко Сампсон, иноплеменники прогоняяй. Радуйся, царем верным на враги одоление подаваяй. Радуйся, христолюбивым воином на брани помогаяй. Радуйся, святый Димитрие, славный великомучениче и чудотворче.
Кондак 11
Пение всякое побеждается, прехвальне, пред сиянием славы твоея и величием чудес. Егда бо Иустиниан царь, возжеле имети в Софийстем храме часть мощей твоих, огнь изыде от гроба твоего на посланные от него, возбраняюще прикасатися раце твоей. Темже удивленнии со страхом возопиша Богу: Аллилуиа.
Икос 11
Светозарную звезду, сущим во тьме неразумия, зрим тя, святе. Служащу бо у гроба твоего Онисифору тьмою святотатства держиму, двукратным явлением твоим возбранил ему похищати свещи, возжигаемыя верным мощей твоих. Сего ради со благоговением зовем ти: Радуйся, прежде мученическия кончины свято поживый; Радуйся, по кончине чудесы прославивыйся. Радуйся, яко жив во граде мощми твоими почиваеши; радуйся, яко присноживый чудеса теми содеваеши. Радуйся, яко правду милостию растворяеши; радуйся, яко огнем ревности по славе Божией гориши. Радуйся, святыя мощи твоя неприкосновенны имеяй; радуйся, касатися им дерзающия, яко молния опаляяй. Радуйся, согрешающих вразумителю; радуйся, святотатцев наказателю. Радуйся, освящение подававаяй благоговеющим к тебе усердно; радуйся, миром облагоухаяй чтущих тя верно. Радуйся, святый Димитрие, славный великомучениче и чудотворче.
Кондак 12
Благодать приял еси, Димитрие, целити всяк недуг и всяку язю в людех. Подаждь убо и нашим душам и телесем исцеление, да Богу, даровавшему нам тебе, помощника и врачевателя, благодарственне воспоим: Аллилуиа.
Икос 12
Поюще твоя чудеса, ублажаем тя, досточудне, пред нечестивыми Христа Бога дерзновенно исповедавша, прославляем мученическую кончину твою, почитаем память твою, и сицевая радостная тебе приносим: Радуйся, стопам Христа Спасителя всех ревностный последователю; радуйся, страстем его мужественный подражателю. Радуйся, с небесными силами прославляяй Бога; радуйся, с Царицею небесе и земли моляйся о мире. Радуйся, многоцелебнаго мира сподобляяй верных; радуйся, разслабленныя телом и духом исцеляяй. Радуйся, святый Димитрие, славный великомучениче и чудотворче.
Кондак 13
О святый великомучениче и верный угодниче Христов, Димитрие мироточиве, малое сие песнословие от нас приемше, моли Христа Бога нашего, да вселяется и благоухает в сердцах наших святыня православной веры, да умножается в житии нашем елей благих дел, да не угаснут светильники наши в полунощный час сретения Небесного Жениха, и да сподобимся вместе с тобою воспевати Ему в вечном Царствии: Аллилуиа.
(Этот кондак читается трижды, затем икос 1 и кондак 1)
Молитвы святому великомученику Димитрию Солунскому
Молитва первая
Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя с дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей, обитель сию и всякую страну христианскую. Исходатайствуй у Царя Царствующих на враги победу и одоление православным христианам, всей державе православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоутробное Владыце нашему Христу Богу зде творяще, сподобимся молитвами твоими наследовати Царствие Небесное для вечнаго прославления Его со Отцем и Святым Духом. Аминь.
Молитва вторая
Святый великомучениче Христов Димитрие! Предстоя со дерзновением Небесному Царю, испроси у Него прощение согрешений наших и о еже избавитися нам, окаянным (имена) от всегубительныя язвы, огня и вечныя казни. Моли благость Его, еже ущедрити приход (дом) сей и храм наш. Испроси нам благодатное укрепление на дела благая, да благоугодное Владыце нашему Христу Богу зде творяще, сподобимся молитвами Твоими наследовати Царствие Небесное и тамо прославляти Его, со Отцем и Святым Духом, во веки веков.
Тропарь великомученику Димитрию Солунскому
Тропарь, глас 3
Велика обрете в бедах тя поборника вселенныя, страстотерпче, языки побеждающа. Якоже убо Лиеву низложил еси гордыню, на подвиг дерзновенна сотворив Нестора: тако святе Димитрие, Христу Богу молися, даровати нам велию милость.

. От редакции – 3
Священник Феодор Людоговский. Профессор Казанской духовной академии А.В. Попов и его «Православные русские акафисты» – 3
От автора – 5_______ВВЕДЕНИЕ – 7_______ИСТОРИКО-БИБЛИОГРАФИЧЕСКИЙ ОБЗОР АКАФИСТОВ: ПЕРЕВОДНЫХ И ОРИГИНАЛЬНЫХ, РУКОПИСНЫХ И ПЕЧАТНЫХ, СУЩЕСТВОВАВШИХ В РОССИИ ДО УЧРЕЖДЕНИЯ СВЯТЕЙШЕГО СИНОДА – 33
1. Акафист Пресвятой Владычице нашей Богородице и Приснодеве Марии – 33
2. Акафист Сладчайшему Господу нашему Иисусу Христу – 38
3. Акафист Успению Пресвятой Владычицы нашей Богородицы и Приснодевы Марии – 40
4. Акафист св. Николаю Чудотворцу – 43
5. Акафист св. Иоанну, Предтече и Крестителю Господню – 54
6. Акафист св. Архистратигу Михаилу и Бесплотным Силам – 58
7. Акафист Живоносному Гробу Господню – 59
8. Акафист Страстям Христовым – 60
9. Акафист Честному и Животворящему Кресту Господню – 61
10. Акафист свв. апостолам Петру и Павлу, вкупе же и всем святым апостолам – 62
11. Акафист всем святым – 64
12. Акафист Пресвятой Троице – 65
13. Акафист св. Иоанну Златоусту – 65
14. Акафист свтт. Петру, Алексию и Ионе – 66
15. Акафист св. великомученице Варваре – 67
16. Акафист прп. Сергию, игумену Радонежскому, чудотворцу – 70
17. Акафист прп. Алексию, человеку Божию – 72_______ИСТОРИКО-БИБЛИОГРАФИЧЕСКИЙ ОБЗОР ПРАВОСЛАВНЫХ АКАФИСТОВ, РАЗРЕШЕННЫХ ДУХОВНОЙ ЦЕНЗУРОЙ К ЦЕРКОВНОМУ УПОТРЕБЛЕНИЮ, ЗА СИНОДАЛЬНЫЙ ПЕРИОД – 75
1. Акафисты Пресвятой Богородице, Сладчайшему Господу нашему Иисусу Христу, Успению Пресвятой Богородицы, святителю Христову Николаю – 75
2. Акафист св. великомученице Варваре – 87
3. Акафисты (первый и второй) прп. Сергию игумену, Радонежскому чудотворцу – 91
4. Акафисты свт. Димитрию Ростовскому (два), св. апостолу и евангелисту Иоанну Богослову (два) – 95
5. Акафист св. Стефану, епископу Пермскому – 110
6. Акафист прп. Никандру, Псковскому чудотворцу – 116
7. Акафист св. великомученице Екатерине – 118
8. Акафист св. Алексию, митрополиту , всея России чудотворцу – 121
9. Акафисты св. великомученику Георгию, св. Савве, Вишерскому чудотворцу – 122
10. Акафист свт. Митрофану, первому епископу Воронежскому – 125
11. Акафист св. благоверному великому князю Александру Невскому – 129
12. Акафист св. Архангелу Михаилу – 132
13. Акафист Покрову Пресвятой Богородицы – 134
14. Акафисты Божественным Страстям Христовым, Живоносному Гробу и Воскресению Господню – 139
15. Акафист Пресвятой и Животворящей Троице – 145
16. Акафист прп. Савве, игумену Сторожевскому, Звенигородскому чудотворцу – 150
17. Акафист прп. Геннадию, Костромскому и Любимоградскому чудотворцу – 153
18. Акафист прп. Тихону, Лухскому чудотворцу – 155
19. Акафист прп. Никите Столпнику, Переяславскому чудотворцу – 156
20. Акафист прп. Григорию, иже на Пелынме реке, Вологодскому чудотворцу – 157
21. Акафист св. Герману, архиепископу Казанскому и Свияжскому, чудотворцу – 158
22. Акафист прп. Кириллу, Новоезерскому чудотворцу – 161
23. Акафисты свт. Иннокентию, Иркутскому чудотворцу (два) – 163
24. Акафисты свт. Гурию, Казанскому и Свияжскому чудотворцу, и свт. Варсонофию, Казанскому чудотворцу – 168
25. Акафист св. мученице Параскеве – 175
26. Акафист преподобным и богоносным отцам Зосиме и Савватию, Соловецким чудотворцам – 176
27. Акафист св. великомученику и целителю Пантелеимону – 181
28. Акафист Пресвятой Богородицы «Утоли моя печали» – 183
29. Акафист Воскресению Христову – 185
30. Акафист прп. Феодосию Тотемскому – 185
31. Акафист прп. Авраамию, Городецкому чудотворцу – 190
32. Акафист прп. Нилу, Столобенскому чудотворцу – 191
33. Акафист Пресвятой Богородице в честь явления чудотворной Ее иконы Иверской – 192
34. Акафист св. праведному Симеону, Верхотурскому чудотворцу – 193
35. Акафист прп. Тихону, Калужскому чудотворцу – 196
36. Акафист Пресвятой Богородицы «Всех скорбящих Радосте» – 197
37. Акафист прпп. Антонию и Феодосию Печерским – 200
38. Акафист св. Ангелу Хранителю – 202
39. Акафист прп. Антонию Дымскому – 203
40. Акафист свт. Тихону, епископу Воронежскому – 206
41. Акафист прп. Макарию, Желтоводскому и Унженскому чудотворцу – 210
42. Акафист Пресвятой Богородице в честь явления чудотворной Ее иконы Казанской – 213
43. Акафист св. апостолу Андрею Первозванному – 215
44. Акафист прп. Антонию Римлянину, Новгородскому чудотворцу – 219
45. Акафист мученикам Виленским Антонию, Иоанну и Евстафию – 223
46. Акафист прп. Антонию Сийскому – 225
47. Акафист свв. князьям Константину, Михаилу и Феодору Муромским – 228
48. Акафист св. и праведному Иосифу, обручнику Пресвятой Девы Марии – 229
49. Акафисты к Причащению Святых Таин (два) – 231
50. Акафист св. Евфимию, Суздальскому чудотворцу – 234
51. Акафист благоверной княжне Евфросинии Суздальской – 235
52. Акафист св. Иоанну Предтече и Крестителю Господню – 236
53. Акафист прп. Павлу Обнорскому, Вологодскому чудотворцу – 237
54. Акафист св. праведному Артемию, Веркольскому чудотворцу – 239
55. Акафист прп. Макарию, Калязинскому чудотворцу – 240
56. Акафист св. мученику Авраамию – 242
57. Акафист прп. Александру, Свирскому чудотворцу – 246
58. Акафист св. пророку Божию Илии – 247
59. Акафист св. великомученику Димитрию, Солунскому чудотворцу – 251
60. Акафист св. равноапостольному великому князю Владимиру – 252
61. Акафист св. Арсению, епископу Тверскому, чудотворцу – 253
62. Акафист прп. Даниилу, Переяславскому чудотворцу – 255
63. Акафист свв. бессребреникам и чудотворцам Косме и Дамиану – 257
64. Акафист св. благоверной княгине Евдокии, в инокинях Евфросинии – 261
65. Акафист прп. Ефрему, Новоторжскому чудотворцу – 263
66. Акафист святителям Суздальским Феодору и Иоанну – 266
67. Акафист св. князю Михаилу Тверскому – 268
68. Акафист прп. Кириллу, игумену Белоезерскому, чудотворцу – 271
69. Акафист Пресвятой Богородице в честь явления чудотворной Ее иконы Толгской – 272
70. Акафист Пресвятой Богородице в честь явления чудотворной Ее иконы «Неопалимая Купина» – 273
71. Акафист в честь явления иконы Пресвятой Владычицы нашей Богородицы и Приснодевы Марии Тихвинская – 274
72. Акафисты в честь чудотворной иконы Божией Матери Почаевская, прп. Иову, в схимонахах Иоанну, Железу, игумену и чудотворцу св. Лавры Почаевской – 277
73. Акафист св. Алексию, человеку Божию – 280
74. Акафист св. священномученику Антипе, епископу Пергамскому – 285
75. Акафист Пресвятой Богородице пред иконой Ее, именуемой «Троеручица» – 286
76. Акафист свт. Моисею, Новгородскому чудотворцу – 288
77. Акафист прп. Варлааму, игумену Хутынскому, Новгородскому чудотворцу – 289
78. Акафист Пресвятой Богородице ради чудотворной Ее иконы Феодоровская – 291
79. Акафист прп. Петру царевичу, Ростовскому чудотворцу – 294
80. Акафист прп. Мефодию, Пешношскому чудотворцу – 295
81. Акафист свт. Леонтию, Ростовскому чудотворцу – 298
82. Акафист свв. благоверным князю Петру и княгине Февронии Муромским – 299
83. Акафист св. Иакову, чудотворцу Боровичскому – 301
84. Акафист свв. благоверным князьям Феодору, Давиду и Константину, Ярославским чудотворцам – 302
85. Акафист свв. учителям словенским Мефодию и Кириллу – 304
86. Акафист прп. Авраамию архимандриту, Ростовскому чудотворцу – 309
87. Акафист св. великомученице Анастасии, именуемой Узорешительница – 313
88. Акафист св. блаженному Прокопию, Христа ради юродивому, Устюжскому чудотворцу – 315
89. Акафист Пресвятой Богородице в честь чудотворной Ее иконы Владимирская – 317
90. Акафист Пресвятой Богородице в честь чудотворной Ее иконы Боголюбивая – 318
91. Акафист св. праведному Симеону Богоприимцу – 322
92. Акафист свт. Савве, архиепископу Сербскому – 324
93. Акафист свт. Спиридону, епископу Тримифунтскому, чудотворцу – 325
94. Акафисты Пресвятой Владычице нашей Богородице в честь и память явления Ее иконы «Скоропослушница», в честь и память явления чудотворной Ее иконы «Достойно есть — Милующая» – 327
95. Акафист прп. Иосифу, Волоколамскому чудотворцу – 330
96. Акафист прп. Стефану, Махрищскому чудотворцу – 333
97. Акафисты прп. Антонию, Печерскому чудотворцу, прп. Феодосию, Печерскому чудотворцу – 334
98. Акафист св. благоверному великому князю Георгию, Владимирскому чудотворцу – 336
99. Акафист прп. Арсению Великому – 337
100. Акафист св. чудотворцу Иоанну Воину – 338
101. Акафист св. Петру митрополиту, всея России чудотворцу – 339
102. Акафист прп. Димитрию, игумену Вологодской Прилуцкой обители, чудотворцу – 340
103. Акафист прп. Ферапонту, Можайскому Лужецкому чудотворцу – 341
104. Акафист свт. Симону, епископу Владимирскому и Суздальскому, Печерскому чудотворцу – 344
105. Акафист Пресвятой Владычице нашей Богородице, честному Ее Знамению, еже в Великом Новгороде – 345
106. Акафист св. угоднику Божию Василию, епископу Рязанскому – 345
107. Акафист прп. Корнилию, игумену Комельскому, Вологодскому чудотворцу – 346
108. Акафист Пресвятой Богородице ради чудотворного Ее образа «Нечаянная Радость» – 347
109. Акафист свв. мученицам Вере, Надежде и Любови и матери их Софии – 348
110. Акафист св. священномученику и чудотворцу Игнатию Богоносцу – 349
111. Акафист св. мученику Трифону – 351
112. Акафист св. благоверному князю Всеволоду, во св. Крещении нареченному Гавриилом, Псковскому чудотворцу – 352
113. Акафист св. равноапостольной Марии Магдалине – 354
114. Акафист св. равноапостольной Нине, просветительнице Грузии – 355
115. Акафист Пресвятой Владычице нашей Богородице, прославления ради чудотворной Ее иконы «Грузинская» – 356
116. Акафист прп. Никодиму, Кожеезерскому чудотворцу – 357
117. Акафист прп. Трифону, Печенгскому чудотворцу – 358
118. Акафист апостолу Христову Симону Кананиту – 359
119. Акафист свв. священномученикам Василию, Ефрему, Евгению, Елпидию, Агафодору, Еферию и Капитону, в Херсоне епископствовавшим – 360
120. Акафист прп. матери нашей Евфросинии, княжне Полоцкой – 361
121. Акафист свв. мученикам Христовым Адриану и Наталии – 362_______СОДЕРЖАНИЕ АКАФИСТОВ – 366
Акафисты с библейским и догматическим содержанием – 369
Акафисты святым подвижникам – 400
Акафисты святителям и преподобным – 410
Акафисты святым мученикам – 451
Акафисты святым князьям – 454
Акафисты святым бессребреникам – 458
Акафисты святым юродивым – 460
Акафисты Пресвятой Богородице в честь Ее Успения, Покрова и чудотворных икон – 463_______ПОСТРОЕНИЕ АКАФИСТА – 479_______ЯЗЫК АКАФИСТОВ – 514_______ЗАКЛЮЧЕНИЕ – 520_______СПРАВОЧНЫЙ АППАРАТ – 527
Издания акафистов (и содержащие акафисты) Досинодального периода – 527
Издания акафистов (и содержащие акафисты) Синодального периода – 529
Список акафистов, разрешенных к изданию – 531
Список акафистов, не одобренных духовной цензурой и не разрешенных к изданию и церковному употреблению – 537
Цитируемая литература – 548
Список сокращений и условных обозначений – 553
Список акафистов, утвержденных Русской Православной Церковью после 1901 года – 554
Литература по акафистам – 560_______ПРИЛОЖЕНИЕ I. Отзыв проф. А.А. Царевского о сочинении проф. А.В. Попова: «Православные русские акафисты» – 564_______ПРИЛОЖЕНИЕ II. Священник Феодор Людоговский, священник Максим Плякин. Жанр акафиста в XXI веке – 586
Классификация акафистов – 588
Стратификация акафистов – 591
Причины популярности акафистов – 593
Обзор акафистов по адресатам – 599
Тенденции современной акафистографии – 619
Заключение – 632_______ПРИЛОЖЕНИЕ III. Сравнение более важных изменений в тексте акафиста Пресвятой Богородице – 637

Оставить комментарий

Ваш адрес email не будет опубликован. Обязательные поля помечены *