Акафист ургебадзе

«Любовь свою оставляю вам в научение».
Прп. Гавриил Самтаврийский

Кондак 1

Мудрости века сего юродство креста Христова предпочет, вся мира сладкая и льстивная якоже изгребие пещное вменил еси, отче Гаврииле. И крест свой взем, единому Христу последовал еси издетска и до последняго издыхания. И тако вшел еси в Небесныя Обители, идеже ныне предстоя своему Владыце, молиши о нас, пою́щих ти: Радуйся, блаженне Гаврииле, любовь свою в научение нам оставивый!

Икос 1

Евангелие обрет, якоже сокровище, на селе сокрытое, с радостию вся расточил еси, да Христа приобрящеши, и якоже купленый раб в винограде Господнем неленостно делал еси. И мы тебе поем:
Радуйся, делателю перваго часа!
Радуйся, яко раба, ничесоже сотворша, себе вменяяй!
Радуйся, яко апостол Андрей, на зов Христов не замедливый!
Радуйся, яко Петр, горячим сердцем его приемый!
Радуйся, от Него ничесоже для себе утаивый!
Радуйся, яко лепты вдовичи все житие свое в дар Богу ввергнувый!
Радуйся, добрая земле, на нейже семя прозябе и приплодова!
Радуйся, таланты, от Бога данныя, многажды возрастивый!
Радуйся, блаженне Гаврииле, любовь свою в научение нам оставивый!

Кондак 2

Еще греха не познав, на плоть свою вооружился еси, похотствует бо на духа, якоже апостол рече. издетска не зная ни сытости, ни мягкаго ложа, чтению же Евангелия прилежа и усердней молитве. Таковей твоей ревности о Бозе удивляемся, тебе глаголюще: Аллилуия.

Икос 2

Раздражен твоими подвигами, бес явися ти въяве, отмстити хотя. Обаче Господь от рождения храняй тя яко сосуд свой избранный, благодатию Своею тя сохрани. И мы тебе взываем тако:
Радуйся, измлада к себе жалости не имеяй!
Радуйся, отроче, бесу противоборствуяй!
Радуйся, и матере ради от образа жития своего не отступивый.
Радуйся, саму душу свою́ в мире сем возненавидевый.
Радуйся, в меру древних отцев во бдении и постничестве пришедый,
Радуйся, инем же по силам подвизатися благословляяй.
Радуйся, плоть свою, яко жертву живу, святу, благоугодну Господеви принесый.
Радуйся, за словеса Господня сохранивый пути жестоки.
Радуйся, блаженне Гаврииле, любовь свою в научение нам оставивый!

Кондак 3

Много скитаний претерпел еси ты, отче, еще отрок сый, ходя из монастыря в монастырь, дондеже пришел еси в Бетани, нашед отцев своих духовных, с нимиже ныне поеши Христу, тобою возлю́бленному, хвалебную песнь: Аллилуия!

Икос 3

Послежде, приял еси достоинство монаха и священника, по сих и архимандрита, но и во всем житии твоем многая лета не имел еси себе пристанища. И на кладбище среди могил немало жил еси, питаяся подаянием, и тако Господу своему последуя, не имущему, где главу преклонити. Сего ради твоим по Христе шествием поучаеми, зовем ти сице:
Радуйся, гонимый, яко вси о Христе благочестно жити хотящии,
Радуйся, Господень апостоле, без сумы и злата посланный. Радуйся подвижниче, до времене никем не познанный.
Радуйся, послежде все̐ми любимый и почитаемый.
Радуйся, житием среди могил страх навсегда победивый.
Радуйся, единаго греха оттоле боятися научивыйся.
Радуйся, глад и мраз в ничесоже вменяяй любве ради Христовы.
Радуйся, рекий, яко скорбьми научаемся вере и любви!
Радуйся, блаженне Гаврииле, любовь свою в научение нам оставивый!

Кондак 4

Церковь Христову, в запустении бывшую, воссозидал еси, отче Гаврииле, еще издетска играя, отроком же тяжкие камни нося и церковь порушенную возводя по зову святаго Георгия, по сих же и храм свой прекрасный создав, в негоже и ныне приходят вернии воспети Богу: Аллилуия!

Икос 4

Отче Гаврииле, созидая святыни и образы по домам собирая, радел еси ты, дабы жертва Богови приношашеся и таинства совершахуся, и тако да возсоздани будут храми порушении в душах человеческих, да возносится в них молитва Богови. Сего ради мы, благодарнии, взываем сице:
Радуйся, святынь благоговейный хранителю!
Радуйся, икон, в небрежении бывших, попечителю!
Радуйся, во всяцем человеке икону Божию лицезревый!
Радуйся, образ порушенный человеком возвращаяй!
Радуйся, храм свой велелепый создавый и возсоздавый!
Радуйся, емуже ангели яко подмастерия служаху!
Радуйся, храм свой телесный свят и чист в служение Богови уготовавый!
Радуйся, яко ныне мощи твоя источают благодать!
Радуйся, блаженне Гаврииле, любовь свою в научение нам оставивый!

Кондак 5

Отче святый, ты рекл еси, яко монаху твердым во истине быти подобает. Ты же до крове и до смерти свидетельствовал еси веру твою, егда изшел еси на площадь, аки на тризнище, древним мучеником подобен, смерть Христа ради предпочет согласию с поклонением идольским. Твоему дерзновению подражати не могуще, поем тебе: Аллилуия!

Икос 5

Твердо шел еси, отче, на муки и смерть, егда огнем возжегл еси изображение идольское, глаголя заповедь Господню, еже не сотвори себе кумира, ни всякаго подобия его, паству свою́ научая Богу единому воздавати поклонение. Темже мы, маловернии, вохваляем тя сице:
Радуйся, богодохновенный веры исповедниче!
Радуйся, добрый пастырю, о пастве своей радеяй!
Радуйся, Христа ради пострадати желавый!
Радуйся, сугубая мучения, в темнице и среди безумных претерпевый!
Радуйся, смерти токмо силою Божиею избегнувый!
Радуйся, оттоле яко безумец вмененный!
Радуйся, якоже отреби миру бывый!
Радуйся, торжество Церкве новаго времене!
Радуйся, блаженне Гаврииле, любовь свою в научение нам оставивый!

Кондак 6

Яко монах тщательнейший, отче Гаврииле, вся заповеди хранил еси, особливо же смирение, яко Богу свещу неугасимую. Еще отроку тебе бывшу делал еси седалищем своим кучу сора, себе аки ничтоже вменяя. Подвиг же юродства на себе подъяв, себе являше аки безумца и аки пианицу, и аки последняго грешника. Таковому подвигу твоему хваление возносяще, взываем: Аллилуия!

Икос 6

Глаголал еси, отче, и чадом своим смирение стяжати, яко в Рай вводящее, и многажды поучал еси сопротив грехов гордыни, наипаче же то житием своим являл еси, николиже свои дарования показуя, но токмо смотрительно являя, для пользы верных. Мы же, гордынею своею связани бывше, аки узами многими, взываем ти сице:
Радуйся, яко пагубу для монаха похвалу именовавый!
Радуйся, тебе обидевших, оскорбивших и посмеявшихся еще паче жалеяй и любяй!
Радуйся, яко возвышение себе мерзостью пред Господем видяй!
Радуйся, яко в осуждении токмо глупость, яже есть незнание себе, прозревый,
Радуйся, яко приходящаго к тебе, аще грешен еси, вопрошаше.
Радуйся, самаго себе аки грешника истинно исповедавый.
Радуйся, яко проповедию своею смиренною силу Божию являяй! Радуйся. аки отроча, в Царствие Небесное невозбранно вшедый!
Радуйся, блаженне Гаврииле, любовь свою в научение нам оставивый!

Кондак 7

Народа своего скорби в сердце нося, отче Гаврииле, о Грузии, уделе избраннем Божия Матере, усердно молитвы возсылал еси, глаголя, яко горе монаху, не молящуся о народе своем. За таковое твое усердие сыновнее, поем тебе: Аллилуия!

Икос 7

Предвозвещал еси, отче, Грузии во тьме неверия сущей и Церкви ея гонимей воскресение, якоже Лазарю, обаче чрез великая испытания. И был еси кость от кости народа своего и святыя Нины и сонма святых грузинских чадо духовное. Обаче и Египетскому Макарию и Саровскому Серафиму брат о Христе и сотаинник истинный. И ныне вси концы земли тебе поют:
Радуйся, до кончины своея сердцем о Грузии болеяй!
Радуйся, на Афон поменяти ю не возжелавый!
Радуйся, просветление духовное народа своего провидяй!
Радуйся, пред Вторым Пришествием славу Грузии провозвестивый!
Радуйся, яко аз уношу любовь ко всему народу православному, пред кончиною рекий.
Радуйся, крестом своим всю Грузию и половину России именовавый!
Радуйся, страждущия Грузии сыне верный,
Радуйся, мама Габриэли, всем православным мира отче чадолюбивый!
Радуйся, блаженне Гаврииле, любовь свою в научение нам оставивый.

Кондак 8

От младенства милостив и милосерд был еси, отче Гаврииле, постнический же подвиг прошед и исповедничеством просияв, достигл еси в любовь Христову, яже есть исполнение закона. Тою любовию твоею мы согреяни бывше, ближнии и дальнии, благодарно поем тебе: Аллилуия!

Икос 8

Образ любве совершенныя о Христе Иисусе явил еси нам, отче преподобне, яже не завидит, не мыслит зла, радуется же о истине, вся терпит, всему веру емлет, яже николиже отпадает. Всякаго человека приимал ты в объятия души своея. Темже мы, чада твоя, зовем ти:
Радуйся, егоже сердце горя бе о Христе, якоже у апостол на пути во Еммаус.
Радуйся, в ближнем своем Христа всегда лицезревый!
Радуйся, емуже любы даде зрение душ человеческих.
Радуйся, емуже любы даде память николиже ослабевающую.
Радуйся, никогоже единожды виденнаго забвению предававый.
Радуйся, яко отец грехи их с любовию обличаяй.
Радуйся, человека без любве яко сосуд без дна именовавый!
Радуйся, яко Паисий старец, душу свою ближняго ради положивый.
Радуйся, блаженне Гаврииле, любовь свою в научение нам оставивый!

Кондак 9

Молитва твоя, блаженне, досязаше до небес, бяше бо со смирением, страхом Божиим и со слезами, дадеся бо тебе дар слезный, и в церкви-келлии твоей на месяцы затворяся, плакаше, якоже старец Силуан, о своих гресех, об отечестве твоем, и обо всем Адаме. Сего ради, и днесь, твоих молитв просяще, зовем ти: Аллилуия!

Икос 9

Особливо призывал еси, пастырю рачительный, дабы молитва не была во грех, да молитве той добрая дела последуют – тако подобает молитися. Моляйся же и заповеди не исполняяй – зле молится, тако глаголал и делал еси. И мы яко пастырю нашему тако взываем ти:
Радуйся, заповедовавый Богу со страхом предстояти!
Радуйся, наказуяй неспешно молитися, а не тра-та-та глаголати!
Радуйся, яко всуе беспокоити Бога возбранявый!
Радуйся, яко молитву без дел мертвою именовавый!
Радуйся, яко молитися за ближнего учай, та бо молитва любви научает!
Радуйся, яко начинати о о ближних молитися и тако даже до врагов доходити наставляяй.
Радуйся, каятися более сердцем, неже слезами призываяй.
Радуйся, блаженне Гаврииле, любовь свою в научение нам оставивый!

Кондак 10

Веру православную, отцами преданную, твердо хранил еси, Гаврииле преподобне, якоже отцы глаголаху, уне есть блудником быти, неже еретиком, Понеже, рекл еси, несть любве спасительныя кроме Господа Иисуса Христа, Иже есть Истина и Живот. Темжы мы, твоему стоянию в вере приносим хвалебную песнь: Аллилуия!

Икос 10

Любяй всякаго человека, отче, любве исполненный, ты рекл еси отметатися еретиков, глаголя: яко от Господа заповедано не давати святыни псом, ниже метати бисера пред свиниями, т́акожде и о ереси ересей упреждал еси, яже есть екуменизм, изменою Христу нарицая. Темже мы, в сомнениих и колебаниих пребывающии, зовем ти:
Радуйся, веру свою́ позволити ругати, погибели приравнявый.
Радуйся, без церкве живущих яко богохульников вменявый.
Радуйся, яко за свое рождение в вере православней Бога благодарити заповедавый,
Радуйся, яко пещися о еже спасутся ли во инех верах сущия, не велевый.
Радуйся, любовь свою́ и на самех врагов Божиих простираяй.
Радуйся, своим примером в правую веру обращаяй.
Радуйся, яко времена антихриста скоро хотящая быти предрекаяй.
Радуйся, имети веру в сердце, а не в разуме, дабы того распознати, призываяй!
Радуйся, блаженне Гаврииле, любовь свою в научение нам оставивый.

Кондак 11

Подвижниче дивный, тебе Господь, смиренныя возносяй, сицевыми дарми обогати, якоже гостившим в келлии твоей сердце умиляшеся сознанием грехов своих. Имел бо еси ты власть удаляти из мыслей вся злая и оставляти токмо для Небеснаго Царствия полезная. Тою силою Господнею в тебе действующею изумлени бывше, рцем ти: Аллилуия.

Икос 11

Многия изцелил еси ты, отче, являя им помыслы и тайная души их. По молитве твоей дождь велий абие преста, егда покойника хоронить надлежаше. Ты же посту и бдению прилежа, юродством скрывал еси дары своя и сияние души своея. Ныне же, поклоняющеся иконе твоей и от тебе помощи просяще, взываем сице:
Радуйся, дарованьми своими меру смертных превозшедый!
Радуйся, яко беседою своею глубокое раскаяние даровавый!
Радуйся, в созерцании во инем монастыре гостивый и тамо бывшая поведавый.
Радуйся, младенца во утробе матерни слово Божие слушати благословивый.
Радуйся, емуже Господь даде прозрети глубины душ человеческих!
Радуйся, яко апостол любве, на персех Господних возлежай,
Радуйся, яко тому подобне, тебе Господь безвестная и тайная своя открыл есть.
Радуйся, яко буее Божие премудрее человек быти свидетельствовавый.
Радуйся, блаженне Гаврииле, любовь свою в научение нам оставивый!

Кондак 12

Последних времен подвижниче, поучал еси ты паству твою, яко ныне Бог взыскует от нас любве, яже изсяче от беззаконий многих, токмо бо любовию сможет человек устояти в вере пред кончиною века. И яко тоя делателю и учителю взываем тебе: Аллилуия!

Икос 12

Поучал еси, отче святый, яко в любви есть соуз совершенств, и сия есть конечное обожение, Посему и враг человеческий супротив нея подымает наивышшую брань, зело скорбя о ней. Сего ради всему предпочитати подобает дела любве, понеже без дел мертва есть. Мы же, каплю тоя наследовати хотяще, возносим тебе песнь:
Радуйся, пяти мудрым девам уподобивыйся!
Радуйся, сотворивый и научивый!
Радуйся, мудрый любве делателю и к деланию призываяй.
Радуйся, любовь яко подвиг, нашему времени данный, нарицаяй.
Радуйся, еже той научити, своею заботою первейшею полагаяй!
Радуйся, яко прошение о милостыни аки милость Божию вменяти назидаяй!
Радуйся, любве служителю и рачителю, сия бо есть Сам Господь!
Радуйся, яко без Христа вся ничтоже суть, заповедавый!
Радуйся, блаженне Гаврииле, любовь свою в научение нам оставивый!

Кондак 13

О, блаженный отче, подвижниче и исповедниче, верный Христов служителю, все житие свое Тому усокровиществовавый и по кончине своей в Нем сокровище свое обретый, якоже сам предрек. Ныне со ангелы и со всеми святыми предстоя Престолу Господню, помолися о нас, мама Габриэ́ли, с мольбою к тебе прибегающих, умоли милосердаго Владыку, да и в наша изсохшая гордостию сердца пролиется капля твоего блаженнаго упования, веры и любве. Да поем с тобою: Аллилуия!

(Этот кондак читается трижды. Затем Икос 1 и Кондак 1)

Молитва святому Гавриилу

Отче святый, блаженне Гаврииле, преподобным древним подобниче и твердый исповедниче, с малых лет словеса Господня восприявый и тем ревностно последовавый! Се мы, раби ленивии и лукавии тебе предстоим с молитвою, не имеюще ни подвигов твоих, ниже смирения, но себе на всяк день в души хваляще и величающе, еще же и врагов вовне себе ищуще! Не имамы пред Богом чем оправдитися! Но моли за нас, отче, да подаст нам Господь силы слово Свое разумети и исполняти, якоже тебе от младенства откры. Да будем мы, себе христианы именующе, не токмо слышателие рассеяннии, но и исполнителие. Да уразумеем лице бытия своего, яко ничесоже можем кроме помощи Божией. И да взыщем тоя и да возлю́бим Его, и да прилепимся к Нему всею душею своею, всем сердцем своим, всем помышлением своим, и да будет сердце наше, по слову твоему, преданным Господу. И да подаст нам залог спасения в души наша, радость, мир и любовь в сердца наша, примирение во всех нестроениих наших, утешение во всех скорбех наших, не от дел наших, но молитвами твоими, по неизреченней милости Своей, Емуже слава и держава во веки веков. Аминь!

  • «Он действительно был любовью…» Воспоминания о святом Гаврииле (Ургебадзе)
  • Чудо мироточения икон — впервые своими глазами
  • Святые подарки к памятным датам

Просмотров: 1 818

Сотрудники издательства «Апостол веры» Мария Пухова с написанным ею акафистом и Иван Семенец с книгой Малхаза Джинория «Старец Гавриил: сердце, полное любви»

22 февраля 2019 года исполнится 5 лет со дня обретения нетленных мощей преподобного Гавриила Самтаврийского, исповедника, Христа ради юродивого, архимандрита Грузинской Православной Церкви.

«Радуйся, преподобноисповедниче Гаврииле, Христа ради юродиве и чудотворче!» – поется в акафисте, написанном Марией Пуховой всего за три дня.

– Мария, как проходила работа над книгой Малхаза Джинория «Старец Гавриил: сердце, полное любви»?

– Моя профессиональная деятельность более четверти века связана с изданием печатной продукции: работала корректором и редактором в книжных издательствах, газетах, журналах. Последние 15 лет занимаюсь изданием духовной литературы. Когда издательство «Апостол веры» предложило мне работу над книгой Малхазу Джинория о преподобноисповеднике Гаврииле (Ургебадзе), Христа ради юродивом, я согласилась с большой радостью. Отец Гавриил не просто так сказал ее автору: «Ты мою историю всем расскажешь!» Старец Гавриил часто ходил босиком, в рваной одежде, с медной диадемой на голове. Сквозь горлышко разбитого кувшина он высматривал людей, которым требовалась духовная помощь, и делился с ними своей безграничной жертвенной любовью и верой. Мама Габриэли – так любовно называют грузины своего земляка.

Мама Габриэли – так любовно называют грузины своего земляка

В самом начале работы над книгой старец явился мне во сне. Я оказалась в огромном храме, справа от меня в золотых облачениях стояли Католикосы-Патриархи. О том, что это именно Католикосы, я поняла, потому что их так называли. Вокруг разливался теплый свет, по всей видимости, должна была начаться служба. Неожиданно ко мне подошел улыбающийся отец Гавриил, тоже в золотом облачении, с сияющим крестом на груди. Он обнял меня за плечи и несколько раз повторил: «Я тебя искал, я тебя нашел!»

Когда я приступила к редактированию рукописи, не один раз вспоминала о благословении старца, потому что текст из-за неточного перевода был сложным. Помощь отца Гавриила ощущалась во всем – в редактуре, верстке, в создании обложки, макета. На сегодняшний день эта книга является самым полным изданием о старце Гаврииле: в нее включены подробное житие, наставления, пророчества, многочисленные случаи чудотворений. Главный редактор этой книги Юрий Семенец, по словам его сына Ивана, получил исцеление по молитвам старца Гавриила.

Благоухающая икона преподобного Гавриила (Ургебадзе) с частицей его мантии и погребальной доски

– А в вашей жизни были чудеса по молитвам старца Гавриила?

– Чудо уже то, что, как только я узнала об этом великом святом, он сразу вошел в мое сердце, вошел в мою жизнь – по его молитвам я обрела духовника, получила исцеление, нашла родственников в Тбилиси, которых уже и не надеялись увидеть, так как мы потеряли связь друг с другом еще 1990-е годы. Я являюсь прихожанкой временного деревянного храма Сретения Господня в Бирюлево, где читаю на клиросе. Как только я начала работать над книгой, один благотворитель привез в наш храм икону отца Гавриила, освященную на его святых мощах, частицу доски, на которой лежал старец, и частицу облачения от мощей. Икона сразу заблагоухала, а вскоре удивительным образом стало продвигаться строительство нового каменного храма. Прихожанин, который помог мне привезти подсвечник для иконы, получил исцеление, помолившись отцу Гавриилу. Этот и другие случаи чудотворений я поместила в книгу.

Явным чудом является и то, что, когда книга оказалась на Грузинском подворье, нам вскоре позвонили оттуда и сообщили, что обложка с ликом старца замироточила. Потом то же самое стало происходить у меня и у некоторых прихожан нашего храма. Мироточение удалось даже снять на видео.

Молебен с акафистом перед иконой преподобного Гавриила (Ургебадзе) в храм святой великомученицы Ирины в Покровском

– Я впервые слышу о том, что мироточат не иконы, а книги.

– 24 августа 2018 года, перед поездкой в Грузию, у меня дома замироточила обложка книги – на ней появились маленькие сияющие точки. 26 августа, в день рождения отца Гавриила, ко мне пришли знакомые женщины из храма. Мы стали читать акафист старцу. Написанный мною акафист тогда еще не был издан, а был распечатан на листочках. Книга лежала перед нами на столе. Когда мы закончили пение акафиста, с удивлением увидели, что мироточение усилилось, появились крупные капли, масляные разводы, даже можно было помазаться. Эту книгу я потом передала в монастырь Самтавро игумении Кетеван.

Когда мы закончили пение акафиста, увидели, что мироточение усилилось

– А как родилось название книги?

– В процессе работы было придумано 15 названий. Но когда я поставила точку, название родилось само, как будто мне его кто-то подсказал: «Старец Гавриил: сердце, полное любви».

– Эти слова мы читаем в 5-м икосе акафиста: «Радуйся, сердце, полное любви». Как вы стали автором этого акафиста?

– То, что Господь сподобил меня написать акафист отцу Гавриилу, – это, наверное, самое большое чудо в моей жизни. Он был написан за считанные дни, по вдохновению свыше. Официальное благословение на издание акафиста преподобному Гавриилу Самтаврийскому на русском языке впервые было получено от Грузинской Православной Церкви, в связи с празднованием пятилетия со дня обретения святых мощей старца Гавриила.

Обложка книги, написанной духовным чадом старца Гавриила Малхазом Джинория, «Старец Гавриил: сердце, полное любви»

В последние годы мы видим, как растет почитание старца в России, и вспоминаем его слова: «Мой крест – вся Грузия и пол-России!» Об этом рассказывает в своем интервью инокиня Мария (Глущенко), насельница подворья Кемеровского Свято-Успенского женского монастыря. По благословению игумении монастыря она возит по городам России благоухающую икону преподобного Гавриила с частицей его мантии и погребальной доски.

Икона преподобного, представляющая собой печатное изображение святого на обычной доске, уже побывала в Курске, Калуге, Железногорске, Москве и в других городах. И всюду люди пишут о чудесах от этой иконы. Набралась уже целая тетрадь свидетельств очевидцев этих чудес. Инокиня Мария говорит о старце Гаврииле: «Это апостол любви нашего времени, и мы его очень любим. Он несет радость всем, тепло. И люди укрепляются в вере».

Конда́к 1.

Избра́нный Бо́гом от все́х Небе́сных Си́л послужи́ти предве́чной та́йне спасе́ния ро́да челове́ческаго, ди́вный предстоя́телю Престо́лу Святы́я Тро́ицы, носи́телю та́йн и чуде́с Бо́жиих, Арха́нгеле Гаврии́ле, к тебе́ припа́даем и умиле́нно воспева́ем ти́: Ра́дуйся, Гаврии́ле, тайнозри́телю Святы́я Тро́ицы.

И́кос 1.

А́нгелов Творе́ц и вся́ческих избра́ тя́, тайнови́дче Гаврии́ле, в пречу́днем Сове́те Святы́я Тро́ицы, да послу́жиши та́йне Боговоплоще́ния, и повеле́ бы́ти тебе́ носи́телем си́лы и чуде́с Бо́жиих. Сего́ ра́ди вопие́м ти́ си́це:

Ра́дуйся, Гаврии́ле, избра́нный Творцо́м служи́телю; Ра́дуйся, Гаврии́ле, Промышле́ния Бо́жия носи́телю.

Ра́дуйся, я́ко тобо́ю хва́лятся Си́лы Небе́сныя; Ра́дуйся, я́ко тебе́ сла́вят сердца́ земноро́дных.

Ра́дуйся, ве́рно послужи́вый Престо́лу Святы́я Тро́ицы; Ра́дуйся, со дру́ги свои́ми сокруши́вый и изри́нувый денни́цу.

Ра́дуйся, обличи́вый заблужде́ния того́; Ра́дуйся, из пе́рвых пе́снь Трисвяту́ю воспе́вый.

Ра́дуйся, Гаврии́ле, тайнозри́телю Святы́я Тро́ицы.

Конда́к 2.

Ви́дя Творе́ц тя́ усе́рднаго и ве́рнаго служи́теля Своего́, возлюби́ тя́ и вознесе́ пред А́нгельскими чи́нми, и укрепле́нный благода́тию Его́ в свои́х вели́цех до́блестех, ты́ воспева́еши с ли́ки А́нгельскими усе́рдно Бо́гу: Аллилу́иа.

И́кос 2.

Ра́зумом смиренному́дренно прекло́ньшеся пред та́йною непостижи́мою единосу́щности Святы́я Тро́ицы, ты́ благода́тных открове́ний прия́л еси́ неистощи́мый исто́чник благогове́йнаго тре́пета, любви́ к Творцу́, и ра́дости испо́лненный сия́еши, Арха́нгеле, пред Престо́лом Всевы́шняго, я́ко свети́льник пла́менный. О се́м благогове́йно воспева́ти дерза́ем:

Ра́дуйся, лампа́до неугаси́мая седмисве́щника вели́каго; Ра́дуйся, звездо́ светоза́рная небосво́да духо́внаго.

Ра́дуйся, первоприе́мниче Боже́ственных сия́ний; Ра́дуйся, сокро́вище Боже́ственных веле́ний.

Ра́дуйся, кла́дезь смире́ния неисчерпа́емый; Ра́дуйся, реко́, послуша́ния испо́лненная.

Ра́дуйся, я́ко ты́ у Престо́ла вы́ну пребыва́еши; Ра́дуйся, я́ко ты́ ве́лие дерзнове́ние к Бо́гу и́маши.

Ра́дуйся, Гаврии́ле, тайнозри́телю Святы́я Тро́ицы.

Конда́к 3.

Си́лы Небе́сныя ра́дуются о тебе́, Арха́нгеле, и защище́нныя не́когда от зловре́дных заблужде́ний денни́цы, в го́рдости возста́вшаго проти́в Творца́ своего́, с весе́лием взыва́ют непреста́нно Бо́гу: Аллилу́иа.

И́кос 3.

Иму́ще ве́лие дерзнове́ние ко Святе́й Тро́ице, ве́лию благода́ть прие́млеши от Бо́га непреста́нно, и я́ко лу́ч Боже́ственнаго Трисия́тельнаго Со́лнца, повсю́ду разлива́еши све́т веле́ний Бо́жиих, да сла́вится спаси́тельное и́мя Бо́жие сердца́ми земноро́дных, тебе́ пою́щих:

Ра́дуйся, Небе́сных Си́л Нача́льниче; Ра́дуйся, Пра́вды ве́чныя побо́рниче.

Ра́дуйся, твоя́ кре́пкая пре́данность Бо́гу чи́ны А́нгельския укрепи́; Ра́дуйся, чрез тебе́ Госпо́дня благода́ть и́х сугу́бо просвети́.

Ра́дуйся, и земле́ ты́ благода́ть от Бо́га прино́сиши; Ра́дуйся, ты́ о́гнь небе́сный в сердца́ челове́ков низво́диши.

Ра́дуйся, Гаврии́ле, тайнозри́телю Святы́я Тро́ицы.

Конда́к 4.

Бу́ря злочести́вых за́мыслов врага́ Бо́жия разби́ся о скалу́ ве́рности слу́г Госпо́дних, и победи́вши свои́м смире́нием горды́ню того́, воспе́ли Бо́гу: Аллилу́иа.

И́кос 4.

Слы́ша Госпо́дь испове́дования тобо́ю вели́каго И́мени Его́, Арха́нгеле, испо́лнися благоволе́ния, и озари́в тя́ Свое́ю благода́тию, вся́ просвети́ воспе́ти ти́:

Ра́дуйся, адама́нте небе́сный; Ра́дуйся, сто́лпе Це́ркви Вселе́нский.

Ра́дуйся, рая́ Госпо́дня храни́телю; Ра́дуйся, цве́те благоче́стия.

Ра́дуйся, лучу́ престо́ла Бо́жия; Ра́дуйся, украше́ние порфи́ры Царя́ Христа́.

Ра́дуйся, знамено́сче Бо́жий; Ра́дуйся, украше́ние военача́льничей Небе́сных Си́л.

Ра́дуйся, Гаврии́ле, тайнозри́телю Святы́я Тро́ицы.

Конда́к 5.

Боготе́чною звездо́ю те́кл от высо́т надзве́здных, Гаврии́ле, да возвести́ши земны́м ра́дость бли́зкаго спасе́ния, предста́л еси́ пра́ведным Иоаки́му и А́нне и провеща́л еси́ и́м ми́лость Бо́жию, и ра́дуяся с ни́ми ку́пно, воспе́л Бо́гу: Аллилу́иа.

И́кос 5.

Ви́девши тя́ единовре́менно роди́тели Богоотрокови́цы, су́щии в страна́х разли́чных, сше́дшихся у двере́й хра́ма по твоему́ глаго́лу, диви́шася и в ра́дости взыва́ху ти́:

Ра́дуйся, служи́телю Святы́я Тро́ицы; Ра́дуйся, ди́вный благове́стниче.

Ра́дуйся, Бо́жий избра́нниче; Ра́дуйся, Госпо́дней во́ли провозве́стниче.

Ра́дуйся, я́ко тобо́ю ра́дость лю́дям прино́сится; Ра́дуйся, я́ко тебе́ хвала́ во сла́ву Бо́жию земноро́дными пое́тся.

Ра́дуйся, пла́нов Тво́рческих исполни́телю; Ра́дуйся щедро́т Бо́жиих раздая́телю.

Ра́дуйся, Гаврии́ле, тайнозри́телю Святы́я Тро́ицы.

Конда́к 6.

Пропове́дником Бо́жия милосе́рдия ты́, Гаврии́ле, яви́лся Заха́рии, веща́я ему́ Боже́ственныя глаго́лы и науча́я его́ пе́ти Бо́гу: Аллилу́иа.

И́кос 6.

Возсия́в благода́тию Бо́жиею пред очи́ма Заха́рии, ужаси́л еси́ его́, и вла́стию ти́ Бо́гом да́нною смири́л еси́ его́, да не де́рзнет сомне́нием ума́лити си́лу Бо́жию. И умудре́нный свы́ше Заха́рия безмо́лвным у́мным гла́сом воспе́л ти́ такова́я:

Ра́дуйся, досто́инств Бо́жиих храни́телю; Ра́дуйся, вели́кий в ли́ке А́нгельском.

Ра́дуйся, прекра́сное творе́ние Творца́; Ра́дуйся, та́йн сокрове́нных ми́ру открове́ние.

Ра́дуйся, вели́ких обе́тов Бо́жиих соверше́ние; Ра́дуйся, пра́вды Бо́жией испо́лненный.

Ра́дуйся, благода́тию Бо́жией осия́нный.

Ра́дуйся, Гаврии́ле, тайнозри́телю Святы́я Тро́ицы.

Конда́к 7.

Хотя́щу Бо́гу воплоти́тися и на земли́ яви́тися челове́ком, предста́л еси́, служи́телю, провозве́стником ко избра́нней от ве́ка Де́ве и откры́л еси́ Е́й во́лю созда́вшего Ю́, воспева́я Бо́гу: Аллилу́иа.

И́кос 7.

Но́вую и непостижи́мую та́йну Боговоплоще́ния откры́л еси́ Богоотрокови́це, Гаврии́ле сла́вне, не постига́я и са́м се́й вели́кой та́йны, дивя́ся безпреде́льной любви́ и милосе́рдию Бо́жию к лю́дям. О се́м и мы́, земноро́днии, со стра́хом и ра́достию диви́мся и вопие́м ти́ си́це:

Ра́дуйся, Сове́та предве́чнаго служи́телю; Ра́дуйся, к Богоневе́сте Бо́гом ниспо́сланный.

Ра́дуйся, Пречи́стыя Де́вы небе́сный храни́телю; Ра́дуйся, Ма́тери Бо́жией ди́вный служи́телю.

Ра́дуйся, Боже́ственной Отрокови́цы учи́телю; Ра́дуйся, Ея́ хле́бом небе́сным пита́телю.

Ра́дуйся, во Свята́я Святы́х с Не́ю глаго́лавый; Ра́дуйся, глубины́ Бо́жия Про́мысла Е́й откры́вый.

Ра́дуйся, Гаврии́ле, тайнозри́телю Святы́я Тро́ицы.

Конда́к 8.

Стра́нно челове́ком зре́ти ли́к А́нгельский, стра́нно и глаго́лы небе́сныя слы́шати, но умудре́нная Боже́ственною му́дростию Присноде́ва, не устраши́лась зра́ка твоего́ и вознесла́ к Творцу́ и Бо́гу пе́снь: Аллилу́иа.

И́кос 8.

Ве́сь бе́ в ни́жних, узре́л еси́ Богоотрокови́цу вы́сшую чино́в А́нгельских, Гаврии́ле, и трепе́ща откры́л еси́ Е́й во́лю Влады́ки, и ужаса́ясь та́йне Боговоплоще́ния, испо́лнися благогове́ния к Богоизбра́нной Де́ве. Ви́дяще вели́кое твое́ служе́ние Престо́лу и зря́ще неизглаго́ланное смире́ние твое́ пред Де́вою, пое́м ти́ си́це:

Ра́дуйся, первоприе́мниче сия́ний Тро́ических; Ра́дуйся, сия́ниями те́ми осия́нный.

Ра́дуйся, благода́ти испо́лненный; Ра́дуйся, Присноде́ве Благода́ть прине́сший.

Ра́дуйся, в ли́ке А́нгелов вы́сших; Ра́дуйся, пред Де́вою Мари́ею коле́на склони́вший.

Ра́дуйся, избра́нней ра́дость возвести́вый; Ра́дуйся, и са́м се́й ра́дости возра́довавыйся.

Ра́дуйся, Гаврии́ле, тайнозри́телю Святы́я Тро́ицы.

Конда́к 9.

Вся́кий чи́н А́нгельский превосходя́, ты́ пред Боже́ственною земноро́дною Богоотрокови́цею смире́нно предстои́ши, взыва́я ра́достию Творцу́ Бо́гу: Аллилу́иа.

И́кос 9.

Вити́йства многовеща́нныя все́х вити́й челове́ческих ничто́ су́ть пред безгла́сною ве́твью ра́йскою, тобо́ю принесе́нною, егда́ воспе́л еси́ Святу́ю Де́ву, благовеству́я Е́й избра́ние Ея́ бы́ти Богома́терию и па́ки возвеща́я спаси́тельное успе́ние Ея́. Твое́й вели́кой му́дрости удиви́шася земля́ и возопи́:

Ра́дуйся, смире́ния учи́телю; Ра́дуйся, вели́ких та́йн Боготво́рческих зри́телю.

Ра́дуйся, ве́твью чистоту́ Матереде́вства Пречи́стыя знамена́вый; Ра́дуйся, благоуха́нием кри́на ра́йскаго благоуха́ние души́ чисте́йшия показа́вый.

Ра́дуйся, неувяда́нием Цве́та небе́снаго неувяда́емость жи́зни Богома́тери предвеща́вый; Ра́дуйся, смире́нной ве́твью смире́ние ве́тви ца́рственней восхвали́вый.

Ра́дуйся, красото́ю Цве́та небе́снаго духо́вную красоту́ Присноде́вы воспе́вый; Ра́дуйся, всю́ сла́ву Де́вы Мари́и си́м изобрази́вый.

Ра́дуйся, Гаврии́ле, тайнозри́телю Святы́я Тро́ицы.

Конда́к 10.

Спасе́ние ду́ш челове́ческих предвозвеща́я, Арха́нгеле Бо́жий, научи́л еси́ на́с воспева́ти Бо́гу: Аллилу́иа.

И́кос 10.

Стена́ грехо́вная между́ не́бом и земле́ю не загради́ла пу́ть тебе́, Арха́нгеле, но я́ко ды́м и мра́к разсе́ялась пред свя́тостию твое́ю и ты́ предста́л еси́ Пречи́стей Де́ве благове́стником небе́сным в Назаре́те, веща́я: «Ра́дуйся», — прине́сл еси́ Е́й, си́м ра́дость Воскресе́ния Христо́ва возвеща́я, и ра́ди ра́дости возвеще́нной тобо́ю Де́ве, и чрез Де́ву ми́ру, ми́р принести́ тебе́ дерза́ет:

Ра́дуйся, ра́дости ми́ру веща́ние; Ра́дуйся, Бо́жиих даро́в раздая́ние.

Ра́дуйся, Гаврии́ле, свети́льниче светоза́рный; Ра́дуйся, дру́г и сослужи́тель вели́каго Архистрати́га Михаи́ла.

Ра́дуйся, звездо́, явле́ние со́лнца Христа́ возвести́вый; Ра́дуйся, мно́гажды Боже́ственней Ма́тери Его́ послужи́вый.

Ра́дуйся, вели́ких обетова́ний Бо́жиих соверши́телю; Ра́дуйся, я́ко ты́ при гро́бе: «Воскре́се Христо́с, не́сть зде́», — мироно́сицам возвести́.

Ра́дуйся, Гаврии́ле, тайнозри́телю Святы́я Тро́ицы.

Конда́к 11.

Пе́снь лико́в А́нгельских прине́сл еси́ земле́ ты́, Арха́нгеле, и веща́ти благогове́йное «Досто́йно» Афо́нския го́ры и́нока научи́л еси́, и науче́ннии тобо́ю чрез того́ лю́дие благода́рно о се́м воспе́ша Бо́гу: Аллилу́иа.

И́кос 11.

Светоза́рный ли́к сво́й сокры́л еси́ ты́, Гаврии́ле, обле́кшися оде́ждою и́ноческою, дабы́ не ужасну́лся сме́ртный боголе́пнаго зра́ка твоего́, но умудри́лся бы пости́гнути и уясни́ти себе́ песнопе́ние небе́сное, и да не мни́тся пре́лестию лука́ваго и́ноку смире́нному явле́ние чинонача́льника Си́л Вы́шних бы́ти, удостове́рить и́стину явле́ния твоего́ возжела́л еси́. Сего́ ра́ди, ка́мень ве́лий взе́мше, на не́м пе́рстом безпло́тным, я́ко по во́ску, начерта́л еси́ Небе́сное: «Досто́йно», уви́дев чу́до сие́ ве́лие, вси́ и́ноцы Афо́нския горы́ воспе́ша ти́ согла́сно:

Ра́дуйся, Бо́жий служи́телю; Ра́дуйся, Боже́ственный Арха́нгеле.

Ра́дуйся, благове́стниче преди́вный; Ра́дуйся, Богоотрокови́цы храни́телю.

Ра́дуйся, земноро́дных пе́сне Небе́сней научи́вый; Ра́дуйся, са́м пре́жде пе́снь сию́ ди́вную пред и́ноком воспе́вый.

Ра́дуйся, Боже́ственныя слова́ чу́дно на ка́мени начерта́вый; Ра́дуйся, се́й ка́мень в зало́г и́стиннаго зна́мения твоего́ горе́ Афо́нстей да́вый.

Ра́дуйся, Гаврии́ле, тайнозри́телю Святы́я Тро́ицы.

Конда́к 12.

Благода́тныя твоя́ явле́ния воспомина́я, благодаре́ние прино́сим Творцу́ и Бо́гу, спаса́ющему ро́д челове́ческий, и пое́м Бо́гу усе́рдно: Аллилу́иа.

И́кос 12.

Пою́ще все́ на́м ве́домыя, Гаврии́ле, до́блести твоя́, неве́домыя же ча́ем за предста́тельство твое́ о на́с уве́дети в Небе́сном Ца́рствии. Ны́не же по си́ле на́шей дерза́ем ти́ воспе́ти:

Ра́дуйся, Сове́та преве́чнаго Святы́я Тро́ицы предначерта́ния прия́вый; Ра́дуйся, домострои́тельства Бо́жия все́ пла́ны охраня́вый.

Ра́дуйся, охране́нием о́ных Творцу́ служи́вый; Ра́дуйся, ми́ру спасе́ние возвести́вый.

Ра́дуйся, Ма́тери Бо́жией храни́телю; Ра́дуйся, Це́ркви Христо́вой блюсти́телю.

Ра́дуйся, и Втора́го прише́ствия Христо́ва на зе́млю возвести́телю; Ра́дуйся, я́ко ты́ предъи́деши Си́лам Небе́сным с вели́ким тру́бным гла́сом в де́нь Стра́шнаго Суда́ Бо́жия.

Ра́дуйся, Гаврии́ле, тайнозри́телю Святы́я Тро́ицы.

Конда́к 13.

О ди́вный тайнови́дче и пресла́вный Арха́нгеле, вели́ко дерзнове́ние твое́ пред Го́сподом и си́льна моли́тва твоя́. Припа́даем к тебе́ и мо́лим, Гаврии́ле пречу́дне, приими́ на́с немощны́х под кро́в кри́л твои́х и защити́ от ко́зней враго́в ви́димых и неви́димых. Помяни́ на́с недосто́йных в твое́м предста́тельстве пред Престо́лом Всевы́шняго, да воспое́м Ему́ по неизрече́нному милосе́рдию Его́ в Ца́рстве Сла́вы с лико́м А́нгелов и все́ми святы́ми: Аллилу́иа.

Этот конда́к чита́ется три́жды, зате́м 1-й и́кос и 1-й конда́к.

И́кос 1.

А́нгелов Творе́ц и вся́ческих избра́ тя́, тайнови́дче Гаврии́ле, в пречу́днем Сове́те Святы́я Тро́ицы, да послу́жиши та́йне Боговоплоще́ния, и повеле́ бы́ти тебе́ носи́телем си́лы и чуде́с Бо́жиих. Сего́ ра́ди вопие́м ти́ си́це:

Ра́дуйся, Гаврии́ле, избра́нный Творцо́м служи́телю; Ра́дуйся, Гаврии́ле, Промышле́ния Бо́жия носи́телю.

Ра́дуйся, я́ко тобо́ю хва́лятся Си́лы Небе́сныя; Ра́дуйся, я́ко тебе́ сла́вят сердца́ земноро́дных.

Ра́дуйся, ве́рно послужи́вый Престо́лу Святы́я Тро́ицы; Ра́дуйся, со дру́ги свои́ми сокруши́вый и изри́нувый денни́цу.

Ра́дуйся, обличи́вый заблужде́ния того́; Ра́дуйся, из пе́рвых пе́снь Трисвяту́ю воспе́вый.

Ра́дуйся, Гаврии́ле, тайнозри́телю Святы́я Тро́ицы.

Конда́к 1.

Избра́нный Бо́гом от все́х Небе́сных Си́л послужи́ти предве́чной та́йне спасе́ния ро́да челове́ческаго, ди́вный предстоя́телю Престо́лу Святы́я Тро́ицы, носи́телю та́йн и чуде́с Бо́жиих, Арха́нгеле Гаврии́ле, к тебе́ припа́даем и умиле́нно воспева́ем ти́: Ра́дуйся, Гаврии́ле, тайнозри́телю Святы́я Тро́ицы.

Моли́тва

О, святы́й вели́кий Арха́нгеле Гаврии́ле, Бо́жию Престо́лу предстоя́й и озаре́нием от Боже́ственнаго све́та осия́нный, ве́дением же непостижи́мых та́йн о преве́чней Прему́дрости Его́ просвеще́нный! Всеусе́рдно молю́ тя́, наста́ви мя́ к покая́нию от злы́х де́л и ко утвержде́нию в ве́ре мое́й, укрепи́ и огради́ ду́шу мою́ от искуше́ний прельсти́тельных и умоли́ Созда́теля на́шего о отпуще́нии грехо́в мои́х. О, святы́й вели́кий Гаврии́ле Арха́нгеле! Не пре́зри мене́ гре́шнаго моля́щаго тебя́ о по́мощи и заступле́нии твое́м в ве́це се́м и в бу́дущем, но при́сно помо́щник мне́ яви́ся, да непреста́нно сла́влю Отца́ и Сы́на и Свята́го Ду́ха держа́ву и твое́ предста́тельство во ве́ки веко́в. Ами́нь

Оставить комментарий

Ваш адрес email не будет опубликован. Обязательные поля помечены *