Молитва Амвросия Оптинского

Содержание

>Молитва Амвросию Оптинскому

О чем молятся Преподобному Амвросию

Преподобный Амвросий еще при жизни почитался как старец, к нему приезжали за советом, сила его веры поражала всех, кто его знал. Всю жизнь страдая от телесных недугов, он был невероятно силен духом. Молитва Преподобному Амвросию Оптинскому творила чудеса. Он мог исцелять не только телесные, но и душевные недуги, утешая и помогая приходящим к нему.

Преподобному Амвросию молятся:

  • О здравии;
  • Об укреплении в вере;
  • О наставлении детей;
  • О судьбе Отечества;
  • О любых житейских нуждах.

При жизни он находил доброе и мудрое слово для всех, кто к нему обращался. Знаменитые цитаты Преподобного Амвросия Оптинского:

  • Жить — не тужить, никого не осуждать, никому не досаждать, и всем моё почтение.
  • Иди — куда поведут, смотри — что покажут, и всё говори: да будет воля Твоя!
  • Праведных ведёт в Царство Божие апостол Пётр, а грешных — Сама Царица Небесная.
  • Читайте «Отче наш», но не лгите: «…остави нам долги наша, яко же и мы оставляем…»
  • Отчего человек бывает плох? Оттого, что забывает, что над ним Бог.
  • В церкви не должно говорить. Это злая привычка. За это посылаются скорби.
  • Древних христиан враг искушал мучениями, а нынешних — болезнями и помыслами.

Молитва Амвросию Оптинскому, текст

О великий старче и угодниче Божий, преподобне отче наш Амвросие, оптинская похвало и всея Руси учителю благочестия! Славим твое во Христе смиренное житие, имже Бог превознесе имя твое, еще на земли тя сущи, наипаче же увенча тя небесною честию по отшествии твоем в чертог славы вечныя. Приими ныне моление нас недостойных чад твоих (имена), чтущих тя и призывающих имя твое святое, избави нас твоим предстательством пред престолом Божиим от всех скорбных обстояний, душевных и телесных недугов, злых напастей, тлетворных и лукавых искушений, низпосли Отечеству нашему от великодаровитаго Бога мир, тишину и благоденствие, буди непреложный покровитель святыя обители сия, в нейже сам подвизался еси и угодил еси всеми в Троице славимому Богу нашему, Ему же подобает всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Акафист Амвросию Оптинскому

Кондак 1

Избранный угодниче Божий и чудотворче, великий старче Амвросие, Оптинская похвало и всея Руси дивный наставниче, прославляюще твое в подвизех изрядное житие, приносим многохвальное пение, ты же, яко имеяй дерзновение ко Господу, молися о всех нас, чадех твоих, со умилением зовущих:

Радуйся, преподобне Амвросие, богомудрый учителю веры и благочестия.

Икос 1

Ангельскому житию подражая, отвергл еси вся красная и скоропреходящая тленнаго мира сего и стопы своя направил еси к духовному учителю и прозорливцу старцу Илариону, да наставит тя на путь истиннаго жительства и благословит на подвиги спасения. Он же, провидев грядущее твое богоугодное житие, посла тя в обитель Оптину, и тамо ты обрел еси себе доброе пристанище. Мы же, видяще таковое Божие изволение о тебе, глаголем сицевая:

Радуйся, Богом избранная отрасле благочестия родителей; радуйся, измлада лет твоих Господа возлюбивый.

Радуйся, к книжней мудрости усердие от юности имевый; радуйся, святых отцев духоносное учение познавый.

Радуйся, скорогибнущих благ мира сего отвержение; радуйся, нетленных сокровищ неослабное желание.

Радуйся, Божия произволения о спасении души твоея искавый; радуйся, благословение на путь монашеский получивый.

Радуйся, преподобне Амвросие, богомудрый учителю веры и благочестия.

Кондак 2

Видя сердца твоего благое намерение, Христос предначерта узкий и тернистый путь твоего спасения, и, егда был еси внезапу на смертнем одре болезни, даде Господу обещание: аще исцелит тя, всего себе предати подвигом иночества. Востав же по милости Божией со одра болезни, абие прославил еси всещедраго Бога, Врача душ и телес, зовя: Аллилуиа.

Икос 2

Разум Божественных писаний стяжав, в страсе Божием помышлял еси, како Господь устроит грядущий путь твоего спасения и како вступити на стезю многотруднаго и скорбнаго монашескаго жительства. Мы же, дивящеся твоему благому намерению, воспеваем ти:

Радуйся, на Бога Промыслителя всю надежду возложивый; радуйся, токмо Его благоизволения взыскавый.

Радуйся, всякое испытание во спасение души понести готовый; радуйся, совести своея велению последовавый.

Радуйся, увеселения мирская возненавидевый; радуйся, богатства земная невозлюбивый.

Радуйся, Богу Единому поработати всего себе подвигнувый; радуйся, Тому точию угодити восхотевый.

Радуйся, преподобне Амвросие, богомудрый учителю веры и благочестия.

Кондак 3

Силою любве утверждаяся в вере, поревновал еси Евангельское житие стяжати по образу преподобных отцев Церкве древния. Егда же даде ти Господь разумение сего благоугождения, воспел еси со умилением: Аллилуиа.

Икос 3

Имея крепкую веру во благое промышление Божие о спасении человека, притекл еси к честному образу Пресвятыя Богородицы Тамбовския, еже бысть тебе благословение родительское, и смиренно молил еси Владычицу, да управит путь твой. Мы же, видяще твое неотступное упование на милость Царицы Небесныя, поем ти:

Радуйся, Божия Матере верное и возлюбленное чадо; радуйся, Ея священнаго покрова силы тайное постижение.

Радуйся, благословения родительскаго чрез Ея образ добронравный хранителю; радуйся, Заступницы усердныя благоговейный почитателю.

Радуйся, многочастне в нощи молитвы к Ней слезно возносивый; радуйся, помощь небесную от Нея непостыдно восприемый.

Радуйся, тако утешение в сердце своем обретый сладостное; радуйся, яко умиление приял еси благоотишное.

Радуйся, преподобне Амвросие, богомудрый учителю веры и благочестия.

Кондак 4

Бурею помышлений движимый, пришел еси в обитель преподобнаго Сергия Радонежскаго, да укрепит твое сердце на подвиги предстоящаго иноческаго поприща всея России чудотворец и учитель монашескаго делания, преизливающий от раки своих честных мощей токи благодатныя помощи. Умилився же тамо сердцем, взывал еси с радостию: Аллилуиа.

Икос 4

Слыша велие житие и благочестие богомудрых отцев и старцев Оптины пустыни, тайно оставил еси мир и вся, яже в нем, и пришел еси, не обинуяся, в обитель сию во смирении души, во еже спастися и угодити Богу. Мы же, видяще вящую ревность души твоея, приносим ти хвалебную песнь:

Радуйся, тленная блага мира сего нивочтоже вменивый; радуйся, сладость церковную познавый.

Радуйся, во обитель святую вселивыйся; радуйся, всего себе Богу отдавый.

Радуйся, заповеди Божия неленостно исполнивый; радуйся, плоды Христова учения сладце вкусивый.

Радуйся, подвигов святых отцев ревнителю; радуйся, чистоты душевныя неусыпный хранителю.

Радуйся, преподобне Амвросие, богомудрый учителю веры и благочестия.

Кондак 5

Богозданная пустынь прият тя, яко во объятия отча, в нюже кротко вселился еси и тамо первее понесл еси труды послушания в келии великаго старца, богопросвещеннаго Льва, имже наставлен был еси к духовному деланию. Уведев же сладость отречения воли своея, возопил еси: Аллилуиа.

Икос 5

Видяще твое иноческое преуспеяние, облекоша тя отцы пустыни в ризы схимы великия, и сподоби тя Подвигоначальник Христос благодати ангельскаго чина приобщитися, сего ради вопием ти:

Радуйся, всем сердцем Бога возлюбивый; радуйся, всею душею Ему послуживый.

Радуйся, веру чрез многия труды непреложно утвердивый; радуйся, надеждою на помощь свыше себе вооруживый.

Радуйся, любве евангельския сокровище; радуйся, даров Духа Святаго вместилище.

Радуйся, подвигов монашеских воине доблественный; радуйся, равноангельнаго жития подражателю предивный.

Радуйся, преподобне Амвросие, богомудрый учителю веры и благочестия.

Читайте также — Старец Амвросий Оптинский: Никогда не спорь о вере

Кондак 6

Проповедник православныя веры и истиннаго жития во Христе Иисусе явился еси, противныя Евангелию и Церкви учения отрицая, и многия от пути заблуждения обратил еси ко Христу Жизнодавцу, поя благодарственно: Аллилуиа.

Икос 6

Возсиял еси, яко свеща многосветлая, в земли Российстей, просвещая всякаго человека, приходящаго к тебе, светом истины, людие же, обремененнии грехми и скорбьми многими, обретоша в тебе богоразумнаго наставника благочестия и добраго отца всем немощствующим, страждущим и уничиженным, воспевающе таковая:

Радуйся, светильниче православныя страны Российския; радуйся, зерцало Божественныя любве.

Радуйся, столпе веры апостольския; радуйся, каменю надежды жизни вечныя.

Радуйся, наставниче во всяких обстояниих боговдохновенный; радуйся, проповедниче покаяния рачительный.

Радуйся, врачу недугов телесных; радуйся, целителю болезней душевных.

Радуйся, преподобне Амвросие, богомудрый учителю веры и благочестия.

Кондак 7

Хотя последовати Самому Христу, подражал еси Ему всеусердно, взем иго Его на себе и, научився от Него кротости и смирению, обрел еси покой души своей, зовущей присно: Аллилуиа.

Икос 7

Новая и дивная звезда святости явися на небе церковнем, егда восшел еси по лестнице духовней к совершенству ангелоподобному, простерл еси лучи любве своея по лицу всея земли Русския и привлекл еси к себе знатная и худородная, мудрая века сего и немудрая, вопиющая к тебе сицевая:

Радуйся, граде, верху горы стояй; радуйся, светило, мрак неведения прогоняющее.

Радуйся, вся немощная врачуяй; радуйся, от бед и прельщений вражеских избавляяй.

Радуйся, печальных утешителю; радуйся, жаждущих духовный напоителю.

Радуйся, хитрословеснаго мудрования века сего обличителю; радуйся, многих заблудших на путь истины исправителю.

Радуйся, преподобне Амвросие, богомудрый учителю веры и благочестия.

Кондак 8

Странником и пришельцем в земном мире предстал еси, взыскующим града небеснаго, и понесл еси тяготы и немощи ищущаго у тебе помощи ближняго, и тако исполнил еси закон Христов, поя с благодарением: Аллилуиа.

Икос 8

Весь огнем Божественныя любве исполненный, крест многотрудный болезней телесных пронесл еси чрез все твое иноческое житие, в терпении стяжав душу твою, по слову Евангелия Христова, и всех нас научил еси безропотному крестоношению, зовущих ти:

Радуйся, вождю ищущих спасения; радуйся, образе истиннаго послушания.

Радуйся, сам тяжкие недуги до конца претерпевый; радуйся, приходящия к тебе в болезнех и печалех терпению научивый.

Радуйся, паствы твоея изрядный душепопечителю; радуйся, алчущих жизни вечныя питателю.

Радуйся, обидимых покровителю; радуйся, непокорных воли Божией вразумителю.

Радуйся, преподобне Амвросие, богомудрый учителю веры и благочестия.

Кондак 9

Все естество человеческое в болезнех и телесных немощех испытал еси, плоть распяв со страстьми и похотьми, и молитвою неустанною отгонял еси напасти и искушения лукавых духов и тем вся научал еси противостати кознем диавольским, взывая с верою: Аллилуиа.

Икос 9

Витийства суемудрых, неведавших силы веры православныя, отметал еси словом Божиим и чистым житием твоим и воистину возсиял еси, яко светозарный столп благочестия и хранитель святоотеческаго предания, усердно прелагая древняя писания отцев в письмена удобовразумительная. Мы же, дивящеся трудом твоим, воспеваем сице:

Радуйся, веры правыя адаманте; радуйся, жития по вере крепосте.

Радуйся, духа благочестия насадителю; радуйся, добродетелей христианских сеятелю.

Радуйся, подвигов старчества преуспеяние; радуйся, множества иноков духовное просвещение.

Радуйся, приведый тех ко спасению; радуйся, обративый многия грешныя к покаянию.

Радуйся, преподобне Амвросие, богомудрый учителю веры и благочестия.

Кондак 10

Спастися взыскующим Царства Небеснаго вспомоществуя, верный путеводитель явился еси, мирския и духовныя управляя; на конец же лет своих многия труды положил еси, обитель Шамординскую убогим устрояя, да сестры тоя обретут душевный покой и спасение, воспевающе песнь хвалебную: Аллилуиа.

Икос 10

Стена и прибежище был еси чадом твоим, молитвами неусыпными от демонских наваждений охраняя; на невидимую брань с духи злобы вдохновлял еси их, гордость и славолюбие смирением упраздняя. Темже радующеся зовем ти:

Радуйся, стрелы вражия угасивый; радуйся, демонския полки победивый.

Радуйся, пленных от духов злобы свободивый; радуйся, из темницы страстей многия души изведый.

Радуйся, любовию и молитвами заблудшия к Богу обративый; радуйся, сирот и вдовиц добрый попечителю.

Радуйся, водительства иноков и инокинь богоносный зиждителю; радуйся, смиренномудрия и кротости доброгласный проповедниче.

Радуйся, преподобне Амвросие, богомудрый учителю веры и благочестия.

Кондак 11

Пение умиленное приносим ти, скорому помощнику в нуждах и печалех всем, к тебе с верою и любовию притекающим, до конца бо дней своих был еси чадолюбивый отец страждущих и обремененных, чающих утешения души. Темже неложно прославляется тобою Бог, дивный во святых Своих, зовущих непрестанно: Аллилуиа.

Икос 11

Светильника добродетелей видеша в тебе вси концы, отче наш Амвросие, яко в терпении и смирении земное странствие скончал еси и исполнил еси вся, яже заповеда нам Христос во святем учении, и преселился еси от земли на небо, внидя в радость Господа своего, яко верный раб Христов. Темже радующеся воспеваем ти таковая:

Радуйся, усердный слуго, сотворивый волю Господина своего; радуйся, воине Христов, суету житейскую оставивый.

Радуйся, Богу Единому послуживый; радуйся, вся заповеди Божия исполнивый.

Радуйся, обители небесныя удостоивыйся; радуйся, горния славы приобщивыйся.

Радуйся, наследниче жизни вечныя; радуйся, угодниче Божий прехвальный.

Радуйся, преподобне Амвросие, богомудрый учителю веры и благочестия.

Кондак 12

Благодати Божия сокровище некрадомое унаследовал еси и тихое, безмятежное пристанище на небесех обрел еси. Действием же промысла Божия во дни торжествуемаго тысящелетия Крещения Руси прославлен и к лику святых причислен был еси. Ныне, ублажающе память твою святую, поем вси: Аллилуиа.

Икос 12

Поюще твое всероссийское прославление, возносим ти, яко благоухание кадильное, смиренныя наша молитвы: не забуди чад твоих, почитающих имя твое святое и взывающих к тебе в благодарении:

Радуйся, Амвросие, Божественнаго безсмертия тезоименитый; радуйся, Церкве Православныя честная похвало.

Радуйся, лика святых угодников причастниче; радуйся, сонма преподобных отцев сотаинниче.

Радуйся, пред Престолом Бога Всевышняго наш твердый предстателю; радуйся, пред судом Божиим наш теплый ходатаю.

Радуйся, нас, странствующих во юдоли плачевней, путеводителю; радуйся, о всей земли Российстей неусыпный молитвенниче.

Радуйся, преподобне Амвросие, богомудрый учителю веры и благочестия.

Кондак 13

О, дивный угодниче Христов и чудотворче, преподобне старче наш Амвросие, приими ныне малое моление недостойных чад твоих, не остави нас в скорбех и болезнех, прииди и простри руку помощи, настави нас на путь покаяния и спасения, во еже избавитися муки вечныя, да тобою присно славим Бога, вопиюще: Аллилуиа.

Этот кондак читается трижды, затем 1-й икос «Ангельскому житию …» и 1-й кондак «Избранный угодниче…».

Молитва первая

О, великий старче и угодниче Божий, преподобне отче наш Амвросие, Оптинская похвало и всея Руси учителю благочестия! Славим твое во Христе смиренное житие, имже Бог превознесе имя твое, еще на земли тебе суща, наипаче же увенча тя небесною честию по отшествии твоем в чертог славы вечныя. Приими ныне моление нас, недостойных чад твоих, чтущих тя и призывающих имя твое святое, избави нас твоим предстательством пред Престолом Божиим от всех скорбных обстояний, душевных и телесных недугов, злых напастей, тлетворных и лукавых искушений, низпосли Отечеству нашему от великодаровитаго Бога мир, тишину и благоденствие, буди непреложный покровитель святыя обители сия, в нейже в преуспеянии сам подвизался еси и угодил еси всеми в Троице славимому Богу нашему, Емуже подобает всякая слава, честь и поклонение, Отцу и Сыну и Святому Духу, ныне и присно, и во веки веков. Аминь.

Молитва вторая

О, преподобне и богоносне отче наш Амвросие! Ты, поработати Господеви желая, зде вселился еси и неленостно во трудех, бдениих, молитвах и постех подвизался еси и был еси наставник монашествующим, всем же людям учитель ревностный. Ныне убо, по отшествии твоем от земных, Небесному Царю предстоя, моли благость Его, еже ущедрити место селения твоего, святую обитель сию, идеже духом любве твоея неотступно пребываеши, и всем людем твоим, с верою к раце мощей твоих припадающим, во благая прошения их исполнити. Испроси у милостиваго Господа нашего, да низпослет нам обилие благ земных, паче же яже на пользу душ наших да дарует нам, и скончати житие сие привременное в покаянии да сподобит, в день же судный деснаго предстояния и наслаждения во Царствии Своем да удостоит во веки веков. Аминь.

Молитва третья

О, всечестный старче преславныя и дивныя Оптины пустыни, преподобне и богоносне отче наш Амвросие! Церкве нашея доброе украшение и благодатный светильниче, небесным светом всех озаряяй, красный и духовный плод России и всея подсолнечныя, души верных обильно услаждаяй и увеселяяй! Ныне с верою и трепетом припадаем пред цельбоносною ракою святых мощей твоих, ихже на утешение и помощь страждущим милостивно даровал еси, смиренно молим тя сердцем и усты, отче святый, яко всероссийскаго наставника и учителя благочестия, пастыря и врача душевных и телесных недуг наших: воззри на чад твоих, зело согрешающих в словесех и делех, и посети нас многою и святою своею любовию, еюже славно преуспел еси еще во дни земныя, наипаче по праведней твоей кончине, наставляя в правилех святых и богопросвещенных отцев, вразумляя нас в заповедех Христовых, в нихже добре поревновал еси до последняго часа твоея многотрудныя иноческия жизни; испроси нам, немощствующим душею и бедствующим в скорбех, благоприятное и спасительное время на покаяние, истинное исправление и обновление нашего жития, в немже мы, грешнии, осуетихомся умом и сердцем, предахом себе непотребным и лютым страстем, пороком и беззаконием, имже несть числа; приими убо, соблюди и покрый нас кровом твоея многия милости, низпосли нам благословение от Господа, да понесем благое иго Христово в долготерпении до конца дней наших, чающе будущаго живота и Царствия, идеже несть печаль, ни воздыхание, но жизнь и радость безконечная, изобильно проистекаемая от Единаго, Всесвятаго и Блаженнаго Источника безсмертия в Троице покланяемаго Бога, Отца и Сына и Святаго Духа, ныне и присно, и во веки веков. Аминь.

>Икона

Где можно поклониться мощам Преподобного Амвросия

В Оптиной пустыни можно поклониться мощам Преподобного Амвросия. Они хранятся в Введенском соборе. Часть дня они открыты для поклонения.

Приложиться к мощам можно:

  1. Сразу после Полунощницы, перед началом ранней Литургии — примерно в 6.15–6.30
  2. В промежуток после окончания поздней Литургией и начала вечернего богослужения (то есть до 17:00)

Молитвы преподобному Амвросию Оптинскому

Полезно? Поделись ссылкой!

Тропарь преподобному Амвросию Оптинскому, глас 5-й

Яко к целебному источнику, притекаем к тебе, Амвросие, отче наш, ты бо на путь спасения нас верно наставляеши, молитвами от бед и напастей охраняеши, в телесных и душевных скорбех утешаеши, паче же смирению, терпению и любви научаеши, моли Человеколюбца Христа и Заступницу Усердную спастися душам нашим.

Кондак преподобному Амвросию Оптинскому, глас 2-й

Завет Пастыреначальника исполнив, старчества благодать наследовал еси, болезнуя сердцем о всех с верою притекающих к тебе, темже и мы, чада твоя, с любовию вопием ти: отче святый Амвросие, моли Христа Бога спастися душам нашим.

Молитва первая преподобному Амвросию Оптинскому
читаемая родителями о детях

Господи, Ты Един вся веси, все можеши и всем хощешь спастись и в разум Истины прийти. Вразуми детей моих (имена) познанием истины Твоея и воли Твоея Святыя и укрепи их ходити по заповедям Твоим и меня, грешную, помилуй.

Молитва вторая преподобному Амвросию Оптинскому
на удачу, читаемая каждый день

О преподобне и богоносне отче наш Амвросие! Ты поработати Господеви желая, зде вселился еси и неленостно во трудех, во бдениих, в молитвах и постех подвизался еси, и был еси наставник монашествующим, всем же людям учитель ревностный. Ныне убо, по отшествии твоем от земных Небесному Царю предстоя, моли благость Его, еже ущедрити место селения твоего, святую обитель сию, идеже духом любве твоея неотступно пребываеши, и всем людем твоим, с верою к раце мощей твоих припадающим, во благая прошения их исполнити. Испроси у милостиваго Господа нашего, да ниспослет нам обилие благ земных, паче же яже на пользу душ наших да дарует нам, и скончати житие сие привременное в покаянии да сподобит, в день же судный деснаго предстояния и наслаждения во Царствии Своем да удостоит во веки веков. Аминь.

Молитва третья преподобному Амвросию Оптинскому
о помощи в делах житейских

О всечестный старче преславныя и дивныя Оптины пустыни, преподобне и богоносне отче наш Амвросие! Церкве нашея доброе украшение и благодатный светильниче, небесным светом всех озаряяй, красный и духовный плод России и всея подсолнечныя, души верных обильно услаждаяй и увеселяяй! Ныне с верою и трепетом припадаем пред цельбоносною ракою святых мощей твоих, ихже на утешение и помощь страждущим милостивно даровал еси, смиренно молим тя сердцем и усты, отче святый, яко всероссийскаго наставника и учителя благочестия, пастыря и врача душевных и телесных недуг наших: воззри на чад твоих, зело согрешающих в словесех и делех, и посети нас многою и святою своею любовию, еюже славно преуспел еси еще во дни земныя. А наипаче по праведней твоей кончине, наставляя в правилех святых и богопросвещенных отцев, вразумляя нас в заповедех Христовых, в нихже добре поревновал еси до последняго часа твоея многотрудныя иноческия жизни; испроси нам, немощствующим душею и бедствующим в скорбех, благоприятное и спасительное время на покаяние, истинное исправление и обновление нашего жития, в нем же мы, грешнии, осуетихомся умом и сердцем, предахом себе непотребным и лютым страстем, пороком и беззаконием, имже несть числа; приими убо, соблюди и покрый нас кровом твоея многия милости, ниспосли нам благословение от Господа, да понесем благое иго Христово в долготерпении до конца дней наших, чающе будущаго живота и Царствия, идеже несть печаль, ни воздыхание, но жизнь и радость бесконечная, изобильно проистекаемая от единаго, всесвятаго и блаженнаго источника безсмертия, в Троице покланяемаго Бога, Отца и Сына и Святаго Духа, ныне и присно, и во веки веков. Аминь.

Молитва четвёртая преподобному Амвросию Оптинскому
об исцелении от телесных болезней

О великий старче и угодниче Божий, преподобне отче наш Амвросие, Оптинская похвало и всея Руси учителю благочестия! Славим твое во Христе смиренное житие, имже Бог превознесе имя твое еще на земли тебе суща, наипаче же увенча тя небесною честию по отшествии твоем в чертог славы вечныя. Приими ныне моление нас, недостойных чад твоих, чтущих тя и призывающих имя твое святое, избави нас твоим предстательством пред престолом Божиим от всех скорбных обстояний, душевных и телесных недугов, злых напастей, тлетворных и лукавых искушений, низпосли Отечеству нашему от великодаровитаго Бога мир, тишину и благоденствие, буди непреложный покровитель святыя обители сия, в нейже в преуспеянии сам подвизался еси и угодил еси всеми в Троице славимому Богу нашему, Ему же подобает всякая слава, честь и поклонение, Отцу и Сыну и Святому Духу, ныне и присно, и во веки веков. Аминь.

Молитва пятая преподобному Амвросию Оптинскому
от никотиновой зависимости

Преподобне отче Амвросие, ты, имея дерзновение пред Господом, умоли Великодаровитого Владыку подать мне скорую помощь в борьбе с нечистой страстью.

Господи! Молитвами угодника Твоего, преподобного Амвросия, очисти мои уста, оцеломудри сердце и насыти его благоуханием Духа Твоего Святого, да отбежит от мене далече злая табачная страсть, туда, откуда пришла, во чрево адово. Аминь.

Молитвенное правило первое преподобного Амвросия Оптинского

читаемое во время скорби
Псалом 3

Господи, что ся умножиша стужающии ми? Мнози востают на мя, мнози глаголют души моей: несть спасения ему в Бозе его. Ты же. Господи, Заступник мой ecи, слава моя и возносяй главу мою. Гласом моим ко Господу воззвах, и услыша мя от горы святыя Своея. Аз уснух, и спах, востах, яко Господь заступит мя. Не убоюся от тем людей, окрест нападающих на мя. Воскресни, Господи, спаси мя, Боже мой, яко Ты поразил ecи вся враждующыя ми всуе: зубы грешников сокрушил ecu. Господне есть спасение, и на людех Твоих благословение Твое.

Псалом 53

Боже, во Имя Твое спаси мя, и в силе Твоей суди ми. Боже, услыши молитву мою, внуши глаголы уст моих. Яко чуждии восташа на мя и крепцыи взыскаша душу мою, и не предложиша Бога пред собою. Се бо Бог помогает ми, и Господь заступник души моей. Отвратит злая врагом моим, истиною Твоею потреби их. Волею пожру Тебе, исповемся имени Твоему, Господи, яко благо, яко от всякия печали избавил мя еси, и на враги моя воззре око мое.

Псалом 58

Изми мя от враг моих, Боже, и от востающих на мя избави мя. Избави мя от делающих беззаконие и от муж кровей спаси мя. Яко се уловиша душу мою, нападоша на мя крепцыи, ниже беззаконие мое, ниже грех мой, Господи. Без беззакония текох и исправих, востани в сретение мое и виждь. И ты, Господи Боже сил, Боже Израилев, вонми посетити вся языки, да не ущедриши вся делающыя беззаконие. Возвратятся на вечер и взалчут, яко пес, и обыдут град. Се тии отвещают усты своими, и меч во устнах их, яко кто слыша? И Ты, Господи, посмеешися им, уничижиши вся языки. Державу мою к Тебе сохраню, яко Ты, Боже, Заступник мой еси. Бог мой, милость Его предварит мя, Бог мой, явит мне на вразех моих. Не убий их, да не когда забудут закон Твой, расточи я силою Твоею и низведи я, Защитниче мой, Господи. Грех уст их, слово устен их, и яти да будут в гордыни своей, и от клятвы и лжи возвестятся в кончине. Во гневе кончины, и не будут и уведят, яко Бог владычествует Иаковом и концы земли. Возвратятся на вечер, и взалчут, яко пес, и обыдут град. Тии разыдутся ясти. Аще ли же не насытятся, и поропщут. Аз же воспою силу Твою и возрадуюся заутра о милости Твоей, яко был еси Заступник мой и Прибежище мое в день скорби моея. Помощник мой еси, Тебе пою: яко Бог Заступник мой еси, Боже мой, милость моя.

Псалом 142

Господи, услыши молитву мою, внуши моление мое во истине Твоей, услыши мя в правде Твоей и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и уподоблюся низходящым в ров. Слышану сотвори мне заутра милость Твою, яко на Тя уповах. Скажи мне, Господи, путь воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой Благий наставит мя на землю праву. Имене Твоего ради, Господи, живиши мя, правдою Твоею изведеши от печали душу мою. И милостию Твоею потребиши враги моя и погубиши вся стужающыя души моей, яко аз раб Твой есмь.

Псалом 101

Господи, услыши молитву мою, и вопль мой к Тебе да приидет. Не отврати лица Твоего от мене: воньже аще день скорблю, приклони ко мне ухо Твое: воньже аще день призову Тя, скоро услыши мя. Яко исчезоша яко дым дние мои, и кости моя яко сушило сосхошася. Уязвен бых яко трава, и изсше сердце мое, яко забых снести хлеб мой. От гласа воздыхания моего прильпе кость моя плоти моей. Уподобихся неясыти пустынней, бых яко нощный вран на нырищи. Бдех и бых яко птица особящаяся на зде. Весь день поношаху ми врази мои, и хвалящии мя мною кленяхуся. Зане пепел яко хлеб ядях, и питие мое с плачем растворях. От лица гнева Твоего и ярости Твоея: яко вознес низвергл мя еси. Дние мои яко сень уклонишася, и аз яко сено изсхох. Ты же, Господи, во век пребываеши, и память Твоя в род и род. Ты воскрес ущедриши Сиона, яко время ущедрити его, яко прииде время. Яко благоволиша раби Твои камение его, и персть его ущедрят. И убоятся языцы имене Господня, и вси царие земстии славы Твоея. Яко созиждет Господь Сиона, и явится во славе Своей. Призре на молитву смиренных, и не уничижи моления их. Да напишется сие в род ин, и людие зиждемии восхвалят Господа. Яко приниче с высоты святыя Своея, Господь с Небесе на землю призре, услышати воздыхание окованных, разрешити сыны умерщвленных, возвестити в Сионе Имя Господне, и хвалу Его во Иерусалиме: внегда собратися людем вкупе, и царем, еже работати Господеви. Отвеща ему на пути крепости его: умаление дней моих возвести ми. Не возведи мене в преполовение дней моих: в роде родов лета Твоя. В началех Ты, Господи, землю основал еси, и дела руку Твоею суть Небеса. Та погибнут, Ты же пребываеши: и вся, яко риза обетшают, и яко одежду свиеши я и изменятся. Ты же Тойжде еси, и лета твоя не оскудеют. Сынове раб Твоих вселятся, и семя их во век исправится.

Молитвенное правило второе преподобного Амвросия Оптинского

читаемое во время искушений
Псалом 36

Не ревнуй лукавнующым, ниже завиди творящым беззаконие. Зане яко трава скоро изсшут, яко зелие злака скоро отпадут. Уповай на Господа и твори благостыню, и насели землю, и упасешися в богатстве ея. Насладися Господеви, и даст ти прошения сердца твоего. Открый ко Господу путь твой и уповай на Него, и Той сотворит: и изведет, яко свет, правду твою и судьбу твою, яко полудне. Повинися Господеви и умоли Его. Не ревнуй спеющему в пути своем, человеку, творящему законопреступление. Престани от гнева и остави ярость, не ревнуй еже лукавновати. Зане лукавнующии потребятся, терпящии же Господа, тии наследят землю. И еще мало, и не будет грешника, и взыщеши место его, и не обрящеши. Кротцыи же наследят землю и насладятся о множестве мира. Назирает грешный праведнаго и поскрежещет нань зубы своими. Господь же посмеется ему, зане прозирает, яко приидет день его. Мечь извлекоша грешницы, напрягоша лук свой, низложити убога и нища, заклати правыя сердцем. Мечь их да внидет в сердца их, и луцы их да сокрушатся. Лучше малое праведнику, паче богатства грешных многа. Зане мышцы грешных сокрушатся, утверждает же праведныя Господь. Весть Господь пути непорочных, и достояние их в век будет. Не постыдятся во время лютое, и во днех глада насытятся, яко грешницы погибнут. Врази же Господни, купно прославитися им и вознестися, исчезающе яко дым исчезоша. Заемлет грешный и не возвратит, праведный же щедрит и дает. Яко благословящии Его наследят землю, кленущии же Его потребятся. От Господа стопы человеку исправляются, и пути его восхощет зело. Егда падет, не разбиется, яко Господь подкрепляет руку его. Юнейший бых, ибо состарехся, и не видех праведника оставлена, ниже семени его просяща хлебы. Весь день милует и взаим дает праведный, и семя его во благословение будет. Уклонися от зла и сотвори благо, и вселися в век века. Яко Господь любит суд и не оставит преподобных Своих, во век сохранятся. Беззаконницы же изженутся, и семя нечестивых потребится. Праведницы же наследят землю и вселятся в век века на ней. Уста праведнаго поучатся премудрости, и язык его возглаголет суд. Закон Бога его в сердце его, и не запнутся стопы его. Сматряет грешный праведнаго и ищет еже умертвити его. Господь же не оставит его в руку его, ниже осудит его, егда судит ему. Потерпи Господа и сохрани путь Его, и вознесет тя, еже наследити землю, внегда потреблятися грешником узриши. Видех нечестиваго превозносящася и высящася, яко кедры Ливанския. И мимо идох, и се не бе, и взысках его, и не обретеся место его. Храни незлобие и виждь правоту, яко есть останок человеку мирну. Беззаконницы же потребятся вкупе: останцы же нечестивых потребятся. Спасение же праведных от Господа, и Защититель их есть во время скорби. И поможет им Господь, и избавит их, и измет их от грешник, и спасет их, яко уповаша на Него.

Псалом 26

Господь просвещение мое и Спаситель мой, кого убоюся? Господь Защититель живота моего, от кого устрашуся? Внегда приближатися на мя злобующым, еже снести плоти моя, оскорбляющии мя и врази мои, тии изнемогоша и падоша. Аще ополчится на мя полк, не убоится сердце мое, аще востанет на мя брань, на Него аз уповаю. Едино просих от Господа, то взыщу: еже жити ми в дому Господни вся дни живота моего, зрети ми красоту Господню и посещати храм святый Его. Яко скры мя в селении Своем в день зол моих, покры мя в тайне селения Своего, на камень вознесе мя. И ныне се вознесе главу мою, на враги моя: обыдох и пожрох в селении Его жертву хваления и воскликновения, пою и воспою Господеви. Услыши, Господи, глас мой, имже воззвах: помилуй мя и услыши мя. Тебе рече сердце мое, Господа взыщу. Взыска Тебе лице мое, лица Твоего, Господи, взыщу. Не отврати лица Твоего от мене и не уклонися гневом от раба Твоего: помощник мой буди, не отрини мене, и не остави мене, Боже Спасителю мой. Яко отец мой и мати моя остависта мя, Господь же восприят мя. Законоположи ми, Господи, в пути Твоем и настави мя на стезю правую враг моих ради. Не предаждь мене в душы стужающих ми, яко восташа на мя свидетеле неправеднии и солга неправда себе. Верую видети благая Господня на земли живых. Потерпи Господа, мужайся и да крепится сердце твое, и потерпи Господа.

Псалом 90

Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходяшия, от сряща, и беса полуденнаго. Падет от страны твоея тысяща, и тма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко aнгелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его, и прославлю его, долготою дней исполню его, и явлю ему спасение Мое.

Псалом 39

Терпя, потерпех Господа, и внят ми, и услыша молитву мою. И возведе мя от рова страстей, и от брения тины, и постави на камени нозе мои, и исправи стопы моя, и вложи во уста моя песнь нову, пение Богу нашему. Узрят мнози и убоятся, и уповают на Господа. Блажен муж, емуже есть имя Господне упование его, и не призре в суеты и неистовления ложная. Многа сотворил еси Ты, Господи, Боже мой, чудеса Твоя и помышлением Твоим несть кто уподобится Тебе. Bозвестих и глаголах, умножишася паче числа. Жертвы и приношения не восхотел еси, тело же свершил ми еси, всесожжений и о гресе не взыскал еси. Тогда рех: се прииду, в главизне книжне писано есть о мне: еже сотворити волю Твою, Боже мой, восхотех, и закон Твой посреде чрева моего. Благовестих правду в церкви велицей, се устнам моим не возбраню: Господи, Ты разумел еси. Правду Твою не скрых в сердце моем, истину Твою и спасение Твое рех, не скрых милость Твою и истину Твою от сонма многа. Ты же, Господи, не удали щедрот Твоих от мене: милость Твоя и истина Твоя выну да заступите мя. Яко одержаша мя злая, имже несть числа, постигоша мя беззакония моя, и не возмогох зрети, умножишася паче влас главы моея, и сердце мое остави мя. Благоволи, Господи, избавити мя: Господи, во еже помощи ми вонми. Да постыдятся и посрамятся вкупе ищущии душу мою изъяти ю, да возвратятся вспять и постыдятся хотящии ми злая. Да приимут абие студ свой глаголющии ми: благоже, благоже. Да возрадуются и возвеселятся о Тебе вси ищущии Тебе, Господи, и да рекут выну: да возвеличится Господь, любящии спасение Твое. Аз же нищ есмь и убог, Господь попечется о мне. Помощник мой и Защититель мой еси Ты, Боже мой, не закосни.

Сайт нуждается в вашей помощи!

С каждым днём на сайт molitvoslov.today заходит всё больше и больше людей. Он для этого и создавался: в конечном итоге стать самым популярным и полным в рунете собранием молитв, акафистов, канонов и изображений икон. Но для развития ресурса нужны средства: ежегодное продление домена, оплата хостинга и услуг авторов статей. Обвешивать же сайт рекламой, как новогоднюю ёлку, совсем не хочется. Поэтому маленькая просьба ко всем кто долистал страницу до этого места и кому понравился molitvoslov.today: буду благодарен любой финансовой помощи на его развитие. Мир Вам!

Оптинский молитвослов

Акафист собору оптинских старцев

Служба собору Оптинских старцев

Акафист преподобному Льву Оптинскому

Акафист преподобному Макарию Оптинскому

Акафист преподобному Исаакию Оптинскому

Акафист преподобному Моисею Оптинскому

Акафист преподобному Илариону Оптинскому

Акафист преподобному Антонию Оптинскому

Акафист преподобному Анатолию I Оптинскому

Акафист преподобному Анатолию II Оптинскому

Акафист преподобному Амвросию Оптинскому

Акафист преподобному Иосифу Оптинскому

Акафист преподобному Варсонофию Оптинскому

Акафист преподобному Нектарию Оптинскому

Акафист преподобноисповеднику Никону Оптинскому

Акафист и служба иконе Божией Матери именуемой «Спорительница Хлебов»

Канон собору оптинских старцев

Канон преподобному Амвросию Оптинскому

Канон молебный преподобному и богоносному отцу нашему Амвросию Оптинскому чудотворцу

Молитвенное правило, которое преподобный Амвросий Оптинский благословлял читать во время скорби и искушений

Молитва матери о своих детях

Молитва Оптинских старцев на начало дня

Господи, дай мне с душевным спокойствием встретить все, что принесет мне наступающий день. Дай мне всецело предаться воле Твоей святой. На всякий час сего дня во всем наставь и поддержи меня. Какие бы я ни получал известия в течение дня, научи меня принять их со спокойной душою и твердым убеждением, что на все святая воля Твоя. Во всех словах и делах моих руководи моими мыслями и чувствами. Во всех непредвиденных случаях не дай мне забыть, что все ниспослано Тобою. Научи меня прямо и разумно действовать с каждым членом семьи моей, никого не смущая и не огорчая. Господи, дай мне силу перенести утомление наступающего дня и все события в течение дня. Руководи моею волею и научи меня молиться, верить, надеяться, терпеть, прощать и любить. Аминь.

Молитва Оптинских старцев

Другие молитвы Оптинских старцев

Молитвы преподобного Антония Оптинского

О начале всякого дела

Боже, в помощь мою вонми, Господи, помощи ми потщися. Управи, Господи, все, еже дею, читаю и пишу, все, еже мыслю, глаголю и разумею, во славу Имене Твоего Святаго, да от Тебе на начало приемлет и в Тебе всяко дело мое кончится. Даруй ми, Боже, да ни словом, ни делом, ни помышлением прогневаю Тя, Создателя моего, но вся дела моя, советы и помышления да будут во славу Пресвятаго Имене Твоего. Боже, в помощь мою вонми, Господи, помощи ми потщися.

О семье

В руце превеликаго милосердия, о, Боже мой, вручаю: душу мою и многоболезненное тело, мужа, от Тебе мне даннаго, и всех возлюбленных детей. Ты буди Помощником нашим и Покровителем во всей жизни нашей, во исходе нашем и по кончине, в радости и печали, в счастии и несчастии, в болезни и здоровье, в жизни и смерти, во всем да будет с нами воля Твоя святая, яко на небеси и на земли. Аминь.

За врагов

Ненавидящих и обидящих нас, рабов Твоих (имена), прости, Господи, Человеколюбче: не ведят бо, что творят, и согрей их сердце на любовь к нам, недостойным.

Молитва преподобного Макария Оптинского

При плотской брани

О, Мати Господа моего Творца, Ты еси корень девства и неувядаемый цвет чистоты. О, Богородительнице! Ты ми помози, немощному плотскою страстию и болезненну сущу, едино бо Твое и с Тобою Твоего Сына и Бога имам заступление. Аминь.

Молитва преподобного Иосифа Оптинского

При нашествии помыслов

Господи Иисусе Христе, отжени от мене всякия неподобныя помыслы! Помилуй мя, Господи, яко немощен есмь… Ты бо еси Бог мой, содержай ум мой, да не преодолеют его помыслы нечистыя, но в Тебе, Творце моем, (он) да услаждается, яко велико есть Имя Твое любящим Тя.

Молитва преподобного Никона Оптинского исповедника

При скорби

Слава Тебе, Боже мой, за посланную мне скорбь, достойное по делом моим ныне приемлю. Помяни мя, егда приидеши во Царствии Твоем, и да будет на вся воля Твоя едина, благая и совершенная.

Молитва преподобного Анатолия Оптинского (Потапова)

От антихриста

Избави мя, Господи, от обольщения богомерзкаго злохитраго антихриста близгрядущаго, и укрый мя от сетей его в сокровенней пустыне спасения Твоего. Даждь ми, Господи, крепость и мужество твердаго исповедания Имени Твоего Святаго, да не отступлю страха ради диавольскаго, да не отрекуся от Тебе, Спасителя и Искупителя моего, от святыя Твоея Церкве. Но даждь ми, Господи, день и ночь плач и слезы о гресех моих и пощади мя, Господи, в час Страшнаго Суда Твоего. Аминь.

Молитва преподобного Нектария Оптинского

От антихриста

Господи, Иисусе Христе, Сыне Божий, грядый судити живым и мертвым, помилуй нас, грешных, прости грехопадения всей нашей жизни и ими же веси судьбами сокрый нас от лица антихриста в сокровенной пустыне спасения Твоего. Аминь.

Молитва преподобного Льва Оптинского

О некрещеных, умерших без покаяния и самоубийцах

Взыщи, Господи, погибшую душу раба Твоего (имярек): аще возможно есть, помилуй. Неизследимы судьбы Твои. Не постави мне в грех молитвы сей моей, но да будет святая воля Твоя.

Преподобный Амвросий Оптинский

Дни памяти:
10 июля — обретение мощей святого Амвросия Оптинского.
10 августа— Собор Тамбовских святых (утвержден по благословению святейшего патриарха Пимена в 1988 г.). Преподобный Амвросий утвержден в Соборе Тамбовских святых, как тамбовский уроженец.
23 сентября— Собор Липецких святых (утвержден в 2010 году для прославления святых, в земле Липецкой просиявших). Преподобный Амвросий некоторое время жил и трудился в Липецке
23 октября– день памяти преподобного Амвросия Оптинского.
24 октября— Собор преподобных Оптинских старцев

О чем молятся Амвросию Оптинскому
Житие преподобного Амвросия Оптинского
Акафист святому Амвросию Оптинскому
Молитвы преподобному Амвросию Оптинскому
Величание
Видео

О ЧЕМ МОЛЯТСЯ СВЯТОМУ ПРЕПОДОБНОМУ АМВРОСИЮ ОПТИНСКОМУ

Преподобному Амвросию Оптинскому можно молиться в самых разных случаях- в болезнях, для помощи в любых житейских нуждах, он поможет утешить в скорбях, укрепить в православной вере. Существует очень много свидетельств помощи преподобного старца в болезнях, в налаживании отношений в семье, в работе, в защите от опасности и многих, совершенно необычных случаях.

Случай, который произошел со мной… Первый раз мы приехали в Оптину Пустынь на машине на один день. Находясь в одном из храмов, моя супруга услышала разговор двух женщин, одной из которых нужно было в тот день попасть в Москву (расстояние 250 км) и предложила ей поехать с нами. По дороге, в разговоре, выяснилось, что эта женщина просила преподобного Амвросия помочь ей добраться до Москвы.

Необходимо помнить, что иконы или святые не «специализируются» в каких-то конкретных областях. Будет правильно, когда человек обращается с верой в силу Божию, а не в силу этой иконы, этого святого или молитвы.
Каким святым и кому нужно молиться в разных случаях и почему наши молитвы остаются без ответа.

ЖИТИЕ СВЯТОГО ПРЕПОДОБНОГО АМВРОСИЯ ОПТИНСКОГО

Александр Гренков, будущий отец Амвросий, родился 21 или 23 ноября 1812 года в духовной семье села Большие Липовицы Тамбовской епархии. Дед его был священником, отец, Михаил Фёдорович, – пономарем. Перед рождением ребёнка к деду – священнику съехалось множество гостей и родильницу, Марфу Николаевну, перевели в баню, где она и родила сына, названного в святом крещении в честь благоверного великого князя Александра Невского, и она в этой суматохе забыла число, когда он родился. Позднее, Александр Гренков, став уже старцем, шутил: «Как на людях я родился, так всё на людях и живу».

В 12 лет Александр поступил в Тамбовское духовное училище, которое блестяще закончил первым из 148 человек. Затем учился в Тамбовской семинарии, но не пошел ни в Духовную академию, ни в священники. Какое-то время он был домашним учителем в одной помещичьей семье, а потом преподавал в Липецком духовном училище. Товарищи и сослуживцы любили доброго и остроумного Александра Михайловича, у него был живой и веселый характер. В последнем классе семинарии он перенес опасную болезнь и дал обет постричься в монахи, если выздоровеет.

Болезнь отступила, но Александр все откладывал исполнение своего обета, хотя укоры совести, со временем, становились все острее. Однажды, гуляя в лесу, он, стоя на берегу ручья, явственно расслышал в его журчанье слова: «Хвалите Бога, любите Бога…»

Дома, он горячо молился Божией Матери просветить его ум и направить его волю. Честно говоря, преподобный Амвросий не обладал настойчивою волею и уже в старости говорил своим духовным детям:

«Вы должны слушаться меня с первого слова. Я – человек уступчивый. Если будете спорить со мною, я могу уступить вам, но это не будет вам на пользу».

Александр Михайлович решился просить совета у проживавшего в той местности известного подвижника Илариона. «Иди в Оптину, – сказал ему старец, – и будешь опытен».

Оптина Пустынь

Гренков послушался и осенью 1839 года он приехал в Оптину Пустынь, где его принял старец Лев. Через некоторое время он принял постриг и был наречен Амвросием, в память святителя Медиоланского, затем был рукоположен в иеродьякона и позднее – во иеромонаха. Это заняло пять лет его аскетической жизни и тяжелых физических трудов.
Известно, что Александр работал в пекарне, пек хлеб, помогал повару. Видимо, эти послушания нужны были для образованного, знающего пять языков послушника, чтобы воспитать в себе смирение, терпение и умение обуздывать свою волю.
Какое-то время он был келейником и чтецом старца Льва, который любил молодого послушника Сашу. Так ласково называл его старец, но на людях делал вид строгого к нему отношения, воспитывая смирение Александра. При этом говорил про молодого послушника: «Великий будет человек».

После смерти старца Льва юноша стал келейником старца Макария. Скоро, после своего рукоположения, он заболел тяжелой и продолжительной болезнью, которая до конца дней подорвала здоровье отца Амвросия. Вследствие своего болезненного состояния он до самой своей кончины не мог совершать литургии и участвовать в длинных монастырских богослужениях. Но, несмотря на свое физическое состояние, отец Амвросий остался по-прежнему в полном послушании у старца Макария.
Когда отец Макарий начал свое дело издательства, о. Амвросий, окончивший семинарию и знакомый с древними и новыми языками, был одним из его ближайших помощников.

Постигшая о. Амвросия тяжелая болезнь имела для него, несомненно, огромное значение. Она умерила его живой характер, предохранила его, возможно, от развития в нем самомнения и заставила его глубже войти в себя, лучше понять и самого себя, и человеческую природу.
Исходя из такого опыта, позже, о. Амвросий говорил:

«Монаху полезно болеть. И в болезни не надо лечиться, а только подлечиваться!»

Отец Амвросий и после кончины старца Макария продолжал заниматься издательской деятельностью. Под его руководством были изданы: «Лествица» преп. Иоанна Лествичника, письма и жизнеописание о. Макария и другие книги.
Но не одно издательство было целью жизни о. Амвросия. Еще при жизни старца Макария, с его благословения, некоторые из братии приходили к о. Амвросию для откровения помыслов. Так старец Макарий постепенно готовил себе достойного преемника, шутя по этому поводу:

«Посмот­рите-ка, посмотрите! Амвросий-то у меня хлеб отнимает».

После преставления старца Макария, отец Амвросий постепенно занял его место. Он обладал живым, острым, наблюдательным и проницательным умом, просветленным и углубленным постоянною сосредоточенною молитвою, вниманием к себе и знанием подвижнической литературы. По благодати Божией его проницательность переходила в прозорливость.
Лицо его, крестьянина-великоросса, с выдающимися скулами и с седой бородой, светилось умными и живыми глазами. Со всеми качествами своей богато одаренной души о. Амвросий, несмотря на свою постоянную болезнь и хилость, соединял неиссякаемую жизнерадостность и умел давать свои наставления в такой простой и шутливой форме, что они легко и навсегда запоминались каждым слушающим:

  • Мы должны жить на земле так, как колесо вертится, чуть одной точкой касается земли, а остальным стремится вверх; а мы, как заляжем, так и встать не можем.
  • Где просто, там ангелов со сто, а где мудрено — там ни одного.
  • Не хвались горох, что ты лучше бобов, размокнешь — сам лопнешь.
  • Отчего человек бывает плох? — Оттого, что забывает, что над ним Бог.
  • Кто мнит о себе, что имеет нечто, тот потеряет.
  • Жить проще — лучше всего. Голову не ломай. Молись Богу. Господь всё устроит, только живи проще. Не мучь себя, обдумывая, как и что сделать. Пусть будет – как случится, — это и есть жить проще.
  • Нужно жить, не тужить, никого не обижать, никому не досаждать, и всем моё почтение.
  • Если хочешь иметь любовь, то делай дела любви, хоть сначала и без любви.

Как-то ему сказали: «Вы, батюшка, очень просто говорите», старец улыбнулся: «Да я двадцать лет этой простоты у Бога просил».

Когда это было необходимо, он умел быть взыскательным, строгим и требовательным, применяя «наставление» палкой или же накладывая на наказуемого епитимью. Старец не делал никакого различия между людьми. Каждый имел к нему доступ и мог говорить с ним: петербургский сенатор и старая крестьянка, профессор университета и столичная модница, Соловьев и Достоевский, Леонтьев и Толстой.

С какими только просьбами, жалобами, с какими только своими горестями и нуждами ни приходили к старцу люди! Приходит к нему молодой священник, год тому назад назначенный, по собственному желанию, на самый последний приход в епархии. Не выдержал он скудости своего приходского существования и пришел к старцу просить благословения на перемену места. Увидев его издали, старец закричал:
«Иди назад, отец! Он один, а вас двое!» Священник, недоумевая, спросил старца, что значат его слова. Старец ответил: «Да ведь дьявол, который тебя искушает, один, а у тебя помощник – Бог! Иди назад и не бойся ничего; грешно уходить с прихода! Служи каждый день литургию, и все будет хорошо!» Обрадованный священник воспрянул духом и, вернувшись на свой приход, терпеливо повел там свою пастырскую работу и через много лет прославился как второй старец Амвросий.

Толстой после беседы с о. Амвросием радостно сказал: «Этот о. Амвросий совсем святой человек. Поговорил с ним, и как-то легко и отрадно стало у меня на душе. Вот когда с таким человеком говоришь, то чувствуешь близость Бога».

Другой писатель, Евгений Погожев (Поселянин) говорил: «Меня поразила его святость и та непостижимая бездна любви, которые были в нем. И я, смотря на него, стал понимать, что значение старцев – благословлять и одобрять жизнь и посылаемые Богом радости, учить людей жить счастливо и помогать им нести выпадающие на их долю тягости, в чем бы они ни состояли».

Старец Амвросий часто научал других предпринять какое-нибудь дело, и, когда к нему приходили сами за благословением на подобную вещь частные люди, он с горячностью принимался обсуждать и давал не только благословение, но и мудрые советы, ему очень нравилось что-то создавать.

Келия старца Амвросия

День старца в Оптинском скиту начинался часа в четыре-пять утра. В это время он звал к себе келейников, и читалось утреннее правило. Оно продолжалось более двух часов, после чего келейники уходили, а старец, оставшись один, предавался молитве и готовился к своему великому дневному служению.
С девяти часов начинался прием: сперва монашествующих, затем мирян. Прием длился до обеда. Часа в два ему приносили скудную еду, после которой он час-полтора оставался один. Затем читалась вечерня, и до ночи возобновлялся прием. Часов в 11 совершалось длинное вечернее правило, и не раньше полуночи старец оставался, наконец, один.
Отец Амвросий не любил молиться на виду. Келейник, читавший правило, должен был стоять в другой комнате. Однажды, один монах нарушил запрещение и вошел в келию старца: он увидел его сидящим на постели с глазами, устремленными в небо, и лицом, осиянным радостью, а вокруг старца было яркое сияние.

В течение более тридцати лет, ежедневно, старец Амвросий совершал свой подвиг. Невзирая на болезнь, он с утра до вечера принимал посетителей, утешая их и давая советы. Что касается исцелений, то им не было числа и эти исцеления старец старался прикрывать. Иногда он, как бы в шутку, стукнет рукой по голове, и болезнь проходит. Случилось, чтец, читавший молитвы, страдал сильной зубной болью. Вдруг старец ударил его. Присутствующие усмехнулись, думая, что чтец сделал ошибку в чтении. На деле же у него прекратилась зубная боль.
Зная старца, некоторые женщины обращались к нему: «Батюшка Абросим! Побей меня, у меня голова болит».

В последние десять лет своей жизни он взял на себя еще одну заботу: основание и устройство женской обители в Шамордине, в 12 верстах от Оптины, где, кроме монахинь, имелись еще приют и школа для девочек, богадельня для старух и больница. В отличие от других монастырей того времени, в Казанскую Шамординскую пустынь принимали больше неимущих и больных женщин. Там не спрашивали, способен ли человек принести пользу и доставить выгоду монастырю а просто всех принимали, упокоевали. К 90-м годам XIX века число инокинь в ней достигло 500 человек.

Шамордино

Эта новая деятельность была для старца не только лишней материальной заботой, но и крестом, возложенным на него Провидением и закончившим его подвижническую жизнь.

Последнее лето 1891 года своей земной жизни старец Амвросий провел в Шамординской обители, где он руководил работами, да и новая настоятельница нуждалась в его указаниях. Старец, повинуясь распоряжениям консистории, неоднократно назначал дни своего отъезда, но в связи с ухудшением здоровья и наступавшей слабости, следствием его хронической болезни, его отъезд неоднократно откладывался. Так и наступила осень.
Сам преосвященный уже собрался приехать в Шамордино и увезти его. Тем временем старец Амвросий слабел с каждым днем. И вот – едва преосвященный успел проехать половину пути до Шамордина и остановился ночевать в Перемышльском монастыре, как ему подали телеграмму, извещающую его о кончине старца. Преосвященный изменился в лице и смущенно сказал: «Что же это значит?» Был вечер 10 (22) октября. Преосвященному советовали на другой день вернуться в Калугу, но он ответил:

«Нет, вероятно, такова уж воля Божия! Простых иеромонахов архиереи не отпевают, но это особенный иеромонах – я хочу сам совершить отпевание старца».

Было решено перевезти его в Оптину пустынь, где провел он свою жизнь и где покоились его духовные руководители – старцы Лев и Макарий.
Вскоре от тела покойного стал ощущаться тяжелый мертвенный запах, но об этом он еще при жизни говорил своему келейнику о. Иосифу. На вопрос, почему так, смиренный старец сказал:

«Это мне за то, что в жизни я принял слишком много незаслуженной чести».

Но удивительно, чем дольше стояло в церкви тело почившего, тем меньше ощущался мертвенный запах. И это несмотря на то, что в церкви была жарко от множества людей, которые несколько суток приходили ко гробу для прощания. В последний день отпевания старца от тела его уже стал ощущаться приятный запах, как бы от свежего меда.

Погребли старца 15 октября, в тот день, старец Амвросий установил праздник в честь чудотворной иконы Божией Матери «Спорительница хлебов», перед которой он сам много раз возносил свои горячие молитвы.

На мраморном надгробии выгравированы слова апостола Павла:

«Бых немощным, яко немощен, да немощныя приобрящу. Всем бых вся, да всяко некия спасу» (1Кор.9:22).

Для немощных был как немощный, чтобы приобрести немощных. Для всех я сделался всем, чтобы спасти по крайней мере некоторых. Слова эти точно выражают смысл жизненного подвига старца.

Мироточивая икона над ракой святого старца Амвросия

Православная молитва — Православная книга

Великий Оптинский старец преподобный Амвросий (в миру Александр Михайлович Гренков) принимал огромное количество людей, которые приезжали к нему со своими скорбями со всей России и даже из-за границы. Вел переписку со своими духовными чадами – монашествующими и мирянами. Обладал дарами умной молитвы, терпения, смирения, любви к ближним, исцеления, выдающейся прозорливости, чудотворения. Имеются свидетельства о том, что старец явился в лесу женщине и указал ей путь к обители, находясь в это время в своей келье. Он провидел мысли людей и обстоятельства их жизни, даже если посетители ничего не рассказывали о себе; давал советы не только по духовным, но также по строительным, хозяйственным и другим житейским вопросам, хотя сам почти не покидал свою келью. Мог шутя стукнуть человека рукой по больному месту, и болезнь проходила. Давал ответы в самой простой, иногда шутливой форме, за которой скрывался глубокий смысл. Учил постоянно молиться, особое внимание уделяя молитве Иисусовой. Преподобный Амвросий скончался 10.10.1891 г.; его мощи обретены 10.07.1998 г.
По молитвам и советам старца многие получали и получают исцеление от тяжких душевных и телесных недугов, а также грехов и страстей – чревоугодия (в том числе пьянства), табакокурения и других, помощь в духовных и житейских вопросах, утешение в скорбях и печалях. Даже для многих наших современников батюшка является духовным отцом и учителем. Ему молятся об избавлении от бед и скорбей, болезней души и тела, вредоносных страстей и привычек, лукавых помыслов и искушений, о благополучии, мире и спокойствии в нашем Отечестве.

Молитва
преподобному Амвросию Оптинскому

О великий старче и угодниче Божий, преподобне отче наш Амвросие, Оптинская похвало и всея Руси учителю благочестия! Славим твое во Христе смиренное житие, егоже ради Бог превознесе имя твое еще на земли тебе сущу, наипаче же увенча тя небесною честию по отшествии твоем в чертог славы вечныя. Приими ныне моление нас, недостойных чад твоих, чтущих тя и призывающих имя твое святое, избави нас твоим предстательством пред Престолом Божиим от всех скорбных обстояний, душевных и телесных недугов, злых напастей, тлетворных и лукавых искушений, испроси Отечеству нашему от Великодаровитаго Бога мир, тишину и благоденствие, буди непрелож-ный покровитель святыя обители сия, в нейже в преуспеянии сам подвизался еси и угодил еси всеми в Троице славимому Богу нашему, Емуже подобает всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Скрыть перевод

Тропарь, глас 5

Аудио:

Я́ко к целе́бному исто́чнику/ притека́ем к тебе́, Амвро́сие, о́тче наш./ Ты бо на путь спасе́ния нас ве́рно наставля́еши,/ моли́твами от бед и напа́стей охраня́еши,/ в те́лесных и душе́вных ско́рбех утеша́еши,/ па́че же смире́нию, терпе́нию и любви́ науча́еши./ Моли́ Человеколю́бца Христа́/ и Засту́пницу усе́рдную// спасти́ся душа́м на́шим.

Перевод: Как к целебному источнику приходим к тебе, Амвросий, отче наш. Ибо ты на путь спасения нас с верой направляешь, молитвами от бед и напастей охраняешь, в телесных и душевных скорбях утешаешь, более всего же смирению, терпению и любви обучаешь. Моли Человеколюбца Христа и Защитницу усердную о спасении душ наших.

Кондак, глас 2

Заве́т Пастыренача́льника испо́лнив/ ста́рчества благода́ть насле́довал еси́,/ боле́знуя се́рдцем о всех, с ве́рою притека́ющих к тебе́,/ те́мже и мы, ча́да твоя́, с любо́вию вопие́м ти:/ о́тче святы́й Амвро́сие,// моли́ Христа́ Бо́га спасти́ся душа́м на́шим.

Перевод: Завет Пастыреначальника исполнив, ты наследовал благодать старчества, болея сердцем обо всех, с верой приходящих к тебе, потому и мы, чада твои, с любовью взываем к тебе: «Отче святой Амвросий, моли Христа Бога о спасении душ наших».

Молитва 1-я

Аудио:

О, вели́кий ста́рче и уго́дниче Бо́жий, преподо́бне о́тче наш Амвро́сие, О́птинская похвало́ и всея Руси́ учи́телю благоче́стия! Сла́вим твое́ во Христе́ смире́нное житие́, и́мже Бог превознесе́ и́мя твое́ еще́ на земли́ тебе́ су́ща, наипа́че же увенча́ тя Небе́сною че́стию по отше́ствии твое́м в черто́г сла́вы ве́чныя. Приими́ ны́не моле́ние нас, недосто́йных чад твои́х (имена́), чту́щих тя и призыва́ющих и́мя твое́ свято́е. Изба́ви нас твои́м предста́тельством пред Престо́лом Бо́жиим от всех ско́рбных обстоя́ний, душе́вных и теле́сных неду́гов, злых напа́стей, тлетво́рных и лука́вых искуше́ний. Низпосли́ оте́честву на́шему от Великодарови́таго Бо́га мир, тишину́ и благоде́нствие. Бу́ди непрело́жный покрови́тель Святы́я оби́тели сия́, в не́йже в преуспе́янии сам подвиза́лся еси́ и угоди́л еси́ все́ми в Тро́ице сла́вимому Бо́гу на́шему. Ему́ же подоба́ет вся́кая сла́ва, честь и поклоне́ние, Отцу́, и Сы́ну, и Свято́му Ду́ху ны́не и при́сно и во ве́ки веко́в. Ами́нь.

Молитва 2-я

О, преподо́бне и богоно́сне о́тче наш Амвро́сие! Ты порабо́тати Го́сподеви жела́я, зде всели́лся еси́, и неле́ностно во труде́х, бде́ниех, моли́твех и посте́х подвиза́лся еси́, и был еси наста́вник мона́шествующим, всем же лю́дем учи́телю ре́вностный. Ны́не у́бо, по отше́ствии твое́м от земны́х, Небе́сному Царю́ предстоя́, моли́ бла́гость Его́, е́же уще́дрити ме́сто селе́ния твоего́, святу́ю оби́тель сию́, иде́же ду́хом любве́ твоея́ неотсту́пно пребыва́еши, и всем лю́дем твои́м, с ве́рою к ра́це моще́й твои́х припа́дающим, во блага́я проше́ния их испо́лнити. Испроси́ у ми́лостиваго Го́спода на́шего, да низпо́слет нам оби́лие Небе́сных и земны́х благ, па́че же я́же на по́льзу душ на́ших да да́рует нам, и сконча́ти житие́ сие́ привре́менное в покая́нии да сподо́бит, в день же су́дный десна́го предстоя́ния и наслажде́ния во Ца́рствии Свое́м да удосто́ит во ве́ки веко́в. Ами́нь.

Молитва 3-я

О, всечестны́й ста́рче пресла́вныя и ди́вныя О́птины пу́стыни, преподо́бне и богоно́сне о́тче наш Амвро́сие, Це́ркве на́шея до́брое украше́ние и благода́тный свети́льниче, небе́сным све́том всех озаря́яй, кра́сный и духо́вный плод Росси́и и всея́ подсо́лнечныя, ду́ши ве́рных оби́льно услажда́яй и увеселя́яй! Ны́не с ве́рою и тре́петом припа́даем пред цельбоно́сною ра́кою святы́х моще́й твои́х, и́хже на утеше́ние и по́мощь стра́ждущим ми́лостивно дарова́л еси́, смире́нно мо́лим Тя се́рдцем и усты́, о́тче святы́й, я́ко всеросси́йскаго наста́вника и учи́теля благоче́стия, па́стыря и врача́ душе́вных и теле́сных неду́гов на́ших: воззри́ на чад твои́х зело́ согреша́ющих в словесе́х и де́лех и посети́ нас мно́гою и свято́ю свое́ю любо́вию, е́юже сла́вно преуспе́л еси́ еще́ во дни земны́я, а наипа́че по пра́ведней твое́й кончи́не, наставля́я в пра́вилех святы́х и богопросвеще́нных отце́в, вразумля́я нас в за́поведех Христо́вых, в ни́хже до́бре поревнова́л еси́ до после́дняго часа́ твоея́ многотру́дныя и́ноческия жи́зни; испроси́ нам, немощству́ющим душе́ю и бе́дствующим в ско́рбех, благоприя́тное и спаси́тельное вре́мя на покая́ние, и́стинное исправле́ние и обновле́ние на́шего жития́, в не́мже мы, гре́шнии, осуети́хомся умо́м и се́рдцем, преда́хом себе́ непотре́бным и лю́тым страсте́м, поро́ком и беззако́нием, и́мже несть числа́; приими́ у́бо, соблюди́ и покры́й нас кро́вом твоея́ мно́гия ми́лости, низпосли́ нам благослове́ние от Го́спода, да понесе́м благо́е и́го Христо́во в долготерпе́нии до конца́ дней на́ших, ча́юще бу́дущаго живота́ и Ца́рствия, иде́же несть печа́ль ни воздыха́ние, но жизнь и ра́дость безконе́чная, изоби́льно проистека́емая от Еди́наго, Всесвята́го и Блаже́ннаго Исто́чника безсме́ртия в Тро́ице поклоня́емаго Бо́га Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.

Краткое житие

День памяти 10/23 октября

Богомудрый наставник, утешитель и молитвенник за Россию, прп. Амвросий сделался воистину венцом и украшением Оптинского старчества. К дверям его убогой келии притекала за советом и утешением едва ли не вся православная Россия. Старец Амвросий прославился прозорливостью, даром исцелять телесные недуги и врачевать душевные раны. Ему молятся о помощи в различных житейских нуждах, об исцелении в болезнях, о твердом стоянии русского народа в вере отеческой, о добром нраве и христианском воспитании детей.

  • Акафист преподобному Амвросию Оптинскому
  • Канон преподобному Амвросию Оптинскому
  • Канон молебный преподобному и богоносному отцу нашему Амвросию Оптинскому чудотворцу

Акафист и молитвы преподобному Амвросию Оптинскому

Тропарь и кондак святому Амвросию Оптинскому
Молитвы преподобному Амвросию Оптинскому
Акафист преподобному Амвросию Оптинскому
Величание

ТРОПАРЬ И КОНДАК СВЯТОМУ ПРЕПОДОБНОМУ АМВРОСИЮ ОПТИНСКОМУ

Тропарь, глас 5

Я́ко к целе́бному исто́чнику притека́ем к тебе́, Амвро́сие, о́тче наш. Ты бо на путь спасе́ния нас ве́рно наставля́еши, моли́твами от бед и напа́стей охраня́еши, в те́лесных и душе́вных ско́рбех утеша́еши, па́че же смире́нию, терпе́нию и любви́ науча́еши. Моли́ Человеколю́бца Христа́ и Засту́пницу усе́рдную спасти́ся душа́м на́шим.

Кондак, глас 2

Заве́т Пастыренача́льника испо́лнив ста́рчества благода́ть насле́довал еси́, боле́знуя се́рдцем о всех, с ве́рою притека́ющих к тебе́, те́мже и мы, ча́да твоя́, с любо́вию вопие́м ти: о́тче святы́й Амвро́сие, моли́ Христа́ Бо́га спасти́ся душа́м на́шим.

МОЛИТВЫ ПРЕПОДОБНОМУ АМВРОСИЮ ОПТИНСКОМУ

Молитва первая

О, вели́кий ста́рче и уго́дниче Бо́жий, преподо́бне о́тче наш Амвро́сие, О́птинская похвало́ и всея Руси́ учи́телю благоче́стия! Сла́вим твое́ во Христе́ смире́нное житие́, и́мже Бог превознесе́ и́мя твое́ еще́ на земли́ тебе́ су́ща, наипа́че же увенча́ тя Небе́сною че́стию по отше́ствии твое́м в черто́г сла́вы ве́чныя. Приими́ ны́не моле́ние нас, недосто́йных чад твои́х, чту́щих тя и призыва́ющих и́мя твое́ свято́е. Изба́ви нас твои́м предста́тельством пред Престо́лом Бо́жиим от всех ско́рбных обстоя́ний, душе́вных и теле́сных неду́гов, злых напа́стей, тлетво́рных и лука́вых искуше́ний. Низпосли́ оте́честву на́шему от Великодарови́таго Бо́га мир, тишину́ и благоде́нствие. Бу́ди непрело́жный покрови́тель Святы́я оби́тели сия́, в не́йже в преуспе́янии сам подвиза́лся еси́ и угоди́л еси́ все́ми в Тро́ице сла́вимому Бо́гу на́шему. Ему́ же подоба́ет вся́кая сла́ва, честь и поклоне́ние, Отцу́, и Сы́ну, и Свято́му Ду́ху ны́не и при́сно и во ве́ки веко́в. Ами́нь.

Молитва вторая

О, преподо́бне и богоно́сне о́тче наш Амвро́сие! Ты порабо́тати Го́сподеви жела́я, зде всели́лся еси́, и неле́ностно во труде́х, бде́ниех, моли́твех и посте́х подвиза́лся еси́, и был еси наста́вник мона́шествующим, всем же лю́дем учи́телю ре́вностный. Ны́не у́бо, по отше́ствии твое́м от земны́х, Небе́сному Царю́ предстоя́, моли́ бла́гость Его́, е́же уще́дрити ме́сто селе́ния твоего́, святу́ю оби́тель сию́, иде́же ду́хом любве́ твоея́ неотсту́пно пребыва́еши, и всем лю́дем твои́м, с ве́рою к ра́це моще́й твои́х припа́дающим, во блага́я проше́ния их испо́лнити. Испроси́ у ми́лостиваго Го́спода на́шего, да низпо́слет нам оби́лие Небе́сных и земны́х благ, па́че же я́же на по́льзу душ на́ших да да́рует нам, и сконча́ти житие́ сие́ привре́менное в покая́нии да сподо́бит, в день же су́дный десна́го предстоя́ния и наслажде́ния во Ца́рствии Свое́м да удосто́ит во ве́ки веко́в. Ами́нь.

Молитва третья

О, всечестны́й ста́рче пресла́вныя и ди́вныя О́птины пу́стыни, преподо́бне и богоно́сне о́тче наш Амвро́сие, Це́ркве на́шея до́брое украше́ние и благода́тный свети́льниче, небе́сным све́том всех озаря́яй, кра́сный и духо́вный плод Росси́и и всея́ подсо́лнечныя, ду́ши ве́рных оби́льно услажда́яй и увеселя́яй! Ны́не с ве́рою и тре́петом припа́даем пред цельбоно́сною ра́кою святы́х моще́й твои́х, и́хже на утеше́ние и по́мощь стра́ждущим ми́лостивно дарова́л еси́, смире́нно мо́лим Тя се́рдцем и усты́, о́тче святы́й, я́ко всеросси́йскаго наста́вника и учи́теля благоче́стия, па́стыря и врача́ душе́вных и теле́сных неду́гов на́ших: воззри́ на чад твои́х зело́ согреша́ющих в словесе́х и де́лех и посети́ нас мно́гою и свято́ю свое́ю любо́вию, е́юже сла́вно преуспе́л еси́ еще́ во дни земны́я, а наипа́че по пра́ведней твое́й кончи́не, наставля́я в пра́вилех святы́х и богопросвеще́нных отце́в, вразумля́я нас в за́поведех Христо́вых, в ни́хже до́бре поревнова́л еси́ до после́дняго часа́ твоея́ многотру́дныя и́ноческия жи́зни; испроси́ нам, немощству́ющим душе́ю и бе́дствующим в ско́рбех, благоприя́тное и спаси́тельное вре́мя на покая́ние, и́стинное исправле́ние и обновле́ние на́шего жития́, в не́мже мы, гре́шнии, осуети́хомся умо́м и се́рдцем, преда́хом себе́ непотре́бным и лю́тым страсте́м, поро́ком и беззако́нием, и́мже несть числа́; приими́ у́бо, соблюди́ и покры́й нас кро́вом твоея́ мно́гия ми́лости, низпосли́ нам благослове́ние от Го́спода, да понесе́м благо́е и́го Христо́во в долготерпе́нии до конца́ дней на́ших, ча́юще бу́дущаго живота́ и Ца́рствия, иде́же несть печа́ль ни воздыха́ние, но жизнь и ра́дость безконе́чная, изоби́льно проистека́емая от Еди́наго, Всесвята́го и Блаже́ннаго Исто́чника безсме́ртия в Тро́ице поклоня́емаго Бо́га Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.

АКАФИСТ СВЯТОМУ ПРЕПОДОБНОМУ АМВРОСИЮ ОПТИНСКОМУ

Как правильно читать акафист

Кондак 1

Избра́нный уго́дниче Бо́жий и чудотво́рче, вели́кий ста́рче, Амвро́сие, О́птинская похвало́ всея́ Руси́ ди́вный наста́вниче, прославля́юще твое́ в по́двизех изря́дное житие́, прино́сим многохва́льное пе́ние, ты́ же, я́ко име́яй дерзнове́ние ко Го́споду, моли́ся о все́х на́с, ча́дех твои́х, со умиле́нием зову́щих:
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Икос 1

А́нгельскому житию́ подража́я, отве́ргл еси́ вся́ кра́сная и скоропреходя́щая тле́ннаго ми́ра сего́ и стопы́ своя́ напра́вил еси́ к духо́вному учи́телю и прозорли́вцу ста́рцу Иларио́ну, да наста́вит тя́ на пу́ть и́стиннаго жи́тельства и благослови́т на по́двиги спасе́ния. О́н же, прови́дев гряду́щее твое́ богоуго́дное житие́, посла́ тя́ в оби́тель О́птину, и та́мо ты́ обре́л еси́ себе́ до́брое приста́нище. Сие́ уви́девше таково́е Бо́жие изволе́ние о тебе́, глаго́лем сицева́я:
Ра́дуйся, Бо́гом избра́нная о́трасле благоче́стия роди́телей;
Ра́дуйся, измла́да ле́т твои́х Го́спода возлюби́вый.
Ра́дуйся, к кни́жней му́дрости усе́рдие от ю́ности име́вый;
Ра́дуйся, святы́х отце́в духоно́сное уче́ние позна́вый.
Ра́дуйся, скороги́бнущих бла́г ми́ра сего́ отверже́ние;
Ра́дуйся, нетле́нных сокро́вищ неосла́бное жела́ние.
Ра́дуйся, Бо́жия произволе́ния о спасе́нии души́ твоея́ иска́вый;
Ра́дуйся, благослове́ние на пу́ть мона́шеский получи́вый.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 2

Ви́дя се́рдца твоего́ благо́е наме́рение, Христо́с предначерта́ у́зкий и терни́стый пу́ть твоего́ спасе́ния, и, егда́ бы́л еси́ внеза́пу на сме́ртном одре́ боле́зни, даде́ Го́споду обеща́ние: а́ще исцели́т тя́, всего́ себе́ преда́ти подвиго́м и́ночества. Воста́в же по ми́лости Бо́жией с одра́ боле́зни, а́бие просла́вил еси́ всеще́драго Бо́га, Врача́ ду́ш и теле́с, зовя́: Аллилу́иа.

Икос 2

Ра́зум Боже́ственных писа́ний стяжа́в, в стра́се Бо́жием помышля́л еси́, ка́ко Госпо́дь устро́ит гряду́щий пу́ть твоего́ спасе́ния и ка́ко вступи́ти на стезю́ многотру́днаго и ско́рбнаго мона́шескаго жи́тельства. Мы́ же, дивя́щеся твоему́ благо́му наме́рению, воспева́ем ти́:
Ра́дуйся, на Бо́га Промысли́теля всю́ наде́жду возложи́вый;
Ра́дуйся, то́кмо Его́ благоизволе́ния взыска́вый.
Ра́дуйся, вся́кое испыта́ние во спасе́ние души́ понести́ гото́вый;
Ра́дуйся, со́вести своея́ веле́нию после́довавый.
Ра́дуйся, увеселе́ния мирска́я возненави́девый;
Ра́дуйся, бога́тства земна́я не возлюби́вый.
Ра́дуйся, Бо́гу еди́ному порабо́тати всего́ себе́ подви́гнувый;
Ра́дуйся, Тому́ то́чию угоди́ти восхоте́вый.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 3

Си́лою любве́ утвержда́яся, в ве́ре поревнова́л еси́ Ева́нгельское житие́ стяжа́ти по о́бразу преподо́бных отце́в Це́ркве дре́вния. Егда́ же даде́ ти́ Госпо́дь разуме́ние сего́ благоугожде́ния, воспе́л еси́ со умиле́нием: Аллилу́иа.

Икос 3

Име́я кре́пкую ве́ру во благо́е промышле́ние Бо́жие о спасе́нии челове́ка, прите́кл еси́ к честно́му о́бразу Пресвяты́я Богоро́дицы «Тамбо́вския», е́же бы́сть тебе́ благослове́ние роди́тельское, и смире́нно моли́л еси́ Влады́чицу, да упра́вит пу́ть тво́й. Мы́ же, ви́дяще твое́ неотсту́пное упова́ние на ми́лость Цари́цы Небе́сныя, пое́м ти́:
Ра́дуйся, Бо́жия Ма́тере ве́рное и возлю́бленное ча́до:
Ра́дуйся, Ея́ свяще́ннаго покро́ва си́лы та́йное постиже́ние.
Ра́дуйся, благослове́ния роди́тельскаго чрез Ея́ о́браз добронра́вный храни́телю;
Ра́дуйся, Засту́пницы усе́рдныя благогове́йный почита́телю.
Ра́дуйся, многоча́стне в нощи́ моли́твы к Не́й сле́зно возноси́вый;
Ра́дуйся, небе́сный по́мощи от Нея́ непосты́дно восприе́мый.
Ра́дуйся, та́ко утеше́ние в се́рдце свое́м обреты́й сла́достное;
Ра́дуйся, я́ко умиле́ние прия́л еси́ благоти́шное.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 4

Бу́рею помышле́ний дви́жимый, прише́л еси́ в оби́тель преподо́бнаго Се́ргия Ра́донежскаго, да укрепи́т твое́ се́рдце на по́двиги предстоя́щаго и́ноческаго по́прища всея́ Росси́и чудотво́рец и учи́тель мона́шескаго де́лания, преизлива́ющий от ра́ки свои́х честны́х моще́й то́ки благода́тныя по́мощи Умили́вся же та́мо се́рдцем взыва́л еси́ с ра́достию: Аллилу́иа.

Икос 4

Слы́ша ве́лие житие́ и благоче́стие богому́дрых отце́в и ста́рцев О́птины пу́стыни, та́йно оста́вил еси́ ми́р и вся́, я́же в не́м, и прише́л еси́ необину́яся в оби́тель сию́ в смире́нии души́, во е́же спасти́ся и угоди́ти Бо́гу. Мы́ же, ви́дяще вя́щшую ре́вность души́ твоея́, прино́сим ти́ хвале́бную пе́снь:
Ра́дуйся, тле́нныя бла́га ми́ра сего́ ни во что́же вмени́вый;
Ра́дуйся, сла́дость церко́вную позна́вый.
Ра́дуйся, во оби́тель святу́ю всели́выйся;
Ра́дуйся, всего́ себе́ Бо́гу отда́вый.
Ра́дуйся, за́поведи Бо́жия неле́ностно испо́лнивый;
Ра́дуйся, плоды́ Христо́ва уче́ния сла́дце вкуси́вый.
Ра́дуйся, подвиго́в святы́х отце́в ревни́телю;
Ра́дуйся, чистоты́ душе́вныя неусы́пный храни́телю.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 5

Богозда́нная пу́стынь прия́ тя́, я́ко во объя́тия о́тча, в ню́же кро́тко всели́лся еси́ и та́мо пе́рвее поне́сл еси́ труды́ послуша́ния в ке́ллии вели́каго ста́рца богопросвеще́ннаго Льва́, и́м же наста́влен бы́л еси́ к духо́вному де́ланию. Уве́дев же сла́дость отрече́ния во́ли своея́, возопи́л еси́: Аллилу́иа.

Икос 5

Ви́дяще твое́ и́ноческое преуспе́яние, облеко́ша тя́ отцы́ пу́стыни в ри́зы схи́мы вели́кия. И сподо́би тя́ подвигонача́льник Христо́с благода́ти а́нгельскаго чи́на приобщи́тися, сего́ ра́ди вопие́м ти́:
Ра́дуйся, все́м се́рдцем Бо́га возлюби́вый;
Ра́дуйся, все́ю душе́ю Ему́ послужи́вый.
Ра́дуйся, ве́ру чрез мно́гия труды́ непрело́жно утверди́вый;
Ра́дуйся, наде́ждою на по́мощь свы́ше себе́ вооружи́вый.
Ра́дуйся, любве́ Ева́нгельския сокро́вище;
Ра́дуйся, Ду́ха Свята́го вмести́лище.
Ра́дуйся, подвиго́в мона́шеских во́ине до́блественный;
Ра́дуйся, равноа́нгельскаго жития́ подража́телю преди́вный.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 6

Пропове́дник правосла́вный ве́ры и и́стиннаго жития́ во Христе́ Иису́се яви́лся еси́, проти́вныя Ева́нгелию и Це́ркви уче́ния отрица́я, и мно́гия от пути́ заблужде́ния обрати́л еси́ ко Христу́ Жизнода́вцу, поя́ благода́рственно: Аллилу́иа.

Икос 6

Возсия́л еси́, я́ко свеща́ многосве́тлая, в земли́ Росси́йстей, просвеща́я вся́каго челове́ка приходя́щаго к тебе́, све́том и́стины, лю́дие же, обремене́ннии грехми́ и скорбьми́ мно́гими, обрето́ша в тебе́ богоразу́мнаго наста́вника благоче́стия и до́браго отца́ все́м немощству́ющим, стра́ждущим и уничиже́нным, воспева́юще такова́я:
Ра́дуйся, свети́льниче правосла́вныя страны́ Росси́йския;
Ра́дуйся, зерца́ло Боже́ственныя любве́.
Ра́дуйся, сто́лпе ве́ры апо́стольския;
Ра́дуйся, ка́меню наде́жды жи́зни ве́чныя.
Ра́дуйся, наста́вниче во вся́ких обстоя́ниях боговдохнове́нный;
Ра́дуйся, пропове́дниче покая́ния рачи́тельный.
Ра́дуйся, врачу́ неду́гов теле́сных; Ра́дуйся, цели́телю боле́зней душе́вных.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 7

Хотя́ после́довати самому́ Христу́, подража́л еси́ Ему́ всеусе́рдно, взе́м и́го Его́ на себе́, и, научи́вся от Него́ кро́тости и смире́нию, обре́л еси́ поко́й души́ свое́й, зову́щей при́сно: Аллилу́иа.

Икос 7

Но́вая и ди́вная звезда́ свя́тости яви́ся на не́бе церко́внем, егда́ возше́л еси́ по ле́ствице духо́вней к соверше́нству ангелоподо́бному, просте́рл еси́ лучи́ любве́ своея́ по лицу́ всея́ земли́ ру́сския и привле́кл еси́ к себе́ зна́тныя и худоро́дная, му́драя ве́ка сего́ и нему́дрыя, вопию́щая к тебе́ сицева́я:
Ра́дуйся, гра́де, верху́ горы́ стоя́й;
Ра́дуйся, свети́ло, мра́к неве́дения прогоня́ющее.
Ра́дуйся, вся́ немощна́я врачу́яй;
Ра́дуйся, от бе́д и прельще́ний вра́жеских избавля́яй.
Ра́дуйся, печа́льных уте́шителю;
Ра́дуйся, жа́ждущих духо́вный напои́телю.
Ра́дуйся, хитрослове́снаго мудрова́ния ве́ка сего́ обличи́телю;
Ра́дуйся, мно́гих заблу́дших на пу́ть и́стины исправи́телю.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 8

Стра́нником и прише́льцем в земне́м ми́ре предста́л еси́, взыску́ющим гра́да небе́снаго, и поне́сл еси́ тяготы́ и не́мощи и́щущаго у тебе́ по́мощи бли́жняго, и та́ко испо́лнил еси́ зако́н Христо́в, поя́ с благодаре́нием: Аллилу́иа.

Икос 8

Ве́сь огне́м Боже́ственныя любве́ испо́лненный, кре́ст многотру́дный боле́зней теле́сных проне́сл еси́ чрез все́ твое́ и́ноческое житие́, в терпе́нии стяжа́в ду́шу твою́, по сло́ву Ева́нгелия Христо́ва, и все́х на́с научи́л еси́ безро́потному крестоноше́нию, зову́щих ти́:
Ра́дуйся, вождю́ и́щущих спасе́ния;
Ра́дуйся, о́бразе и́стиннаго послуша́ния.
Ра́дуйся, са́м тя́жкия неду́ги до конца́ претерпе́вый;
Ра́дуйся, приходя́щия к тебе́ в боле́знех и печа́лех терпе́нию научи́вый.
Ра́дуйся, па́ствы твоея́ изря́дный душепопечи́телю;
Ра́дуйся, а́лчущих жи́зни ве́чныя пита́телю.
Ра́дуйся, оби́димых покрови́телю;
Ра́дуйся, непоко́рных во́ли Бо́жией вразуми́телю.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 9

Все́ естество́ челове́ческое в боле́знех и теле́сных не́мощех испыта́л еси́, пло́ть распя́в со страстьми́ и похотьми́, и моли́твою неуста́нною отгоня́л еси́ напа́сти и искуше́ния лука́вых духо́в и те́м вся́ науча́л еси́ противоста́ти ко́знем диа́вольским, взыва́я с ве́рою: Аллилу́иа.

Икос 9

Вити́йства суему́дрых, неве́давших си́лы ве́ры правосла́вныя, отмета́л еси́ сло́вом Бо́жиим и чи́стым житие́м твои́м, и вои́стину возсия́л еси́, я́ко светоза́рный сто́лп благоче́стия и храни́тель святооте́ческаго преда́ния, усе́рдно прелага́я дре́вняя писа́ния отце́в в письмена́ удобовразуми́тельная. Мы́ же, дивя́щеся трудо́м твои́м, воспева́ем си́це:
Ра́дуйся, ве́ры пра́выя адама́нте;
Ра́дуйся, жития́ по ве́ре кре́посте.
Ра́дуйся, ду́ха благоче́стия насади́телю;
Ра́дуйся, доброде́телей христиа́нских се́ятелю.
Ра́дуйся, подвиго́в ста́рчества преуспе́яние;
Ра́дуйся, мно́жества и́ноков духо́вное просвеще́ние.
Ра́дуйся, приведы́й те́х ко спасе́нию;
Ра́дуйся, обрати́вый мно́гия гре́шныя к покая́нию.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 10

Спасти́ся взыску́ющим Ца́рства Небе́снаго вспомоществу́я, ве́рный путеводи́тель яви́лся еси́, мирски́я и духо́вныя управля́я: в коне́ц ле́т свои́х мно́гия труды́ положи́л еси́, оби́тель Шаморди́нскую убо́гим устроя́я, да сестры́ тоя́ обрету́т душе́вный поко́й и спасе́ние, воспева́юще пе́снь хвале́бную: Аллилу́иа.

Икос 10

Стена́ и прибе́жище бы́л еси́ ча́дом твои́м, моли́твами неусы́пными от де́монских наважде́ний охраня́я; на неви́димую бра́нь с ду́хи зло́бы и́х вдохновля́л еси́, го́рдость и славолю́бие смире́нием упраздня́я, те́мже ра́дующеся, зове́м ти́:
Ра́дуйся, стре́лы вра́жия угаси́вый;
Ра́дуйся, де́монския полки́ победи́вый.
Ра́дуйся, пле́нных от духо́в зло́бы свободи́вый;
Ра́дуйся, из темни́цы страсте́й мно́гия ду́ши изведы́й.
Ра́дуйся, любо́вию и моли́твами заблу́дшия к Бо́гу обрати́вый;
Ра́дуйся, сиро́т и вдови́ц до́брый попечи́телю.
Ра́дуйся, води́тельства и́ноков и и́нокинь богоно́сный зижди́телю;
Ра́дуйся, смиренному́дрия и кро́тости доброгла́сный пропове́дниче.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 11

Пе́ние умиле́нное прино́сим ти́, ско́рому помо́щнику в ну́ждах и печа́лех все́м, к тебе́ с ве́рою и любо́вию притека́ющим, до конца́ дне́й свои́х бы́л еси́ чадолюби́вый оте́ц стра́ждущих и обремене́нных, ча́ющих утеше́ния ду́ши. Те́мже нело́жно прославля́ется тобо́ю Бо́г, ди́вный во святы́х Свои́х, зову́щих непреста́нно: Аллилу́иа.

Икос 11

Свети́льника доброде́телей ви́деша в тебе́ вси́ концы́, о́тче на́ш Амвро́сие, я́ко в терпе́нии и смире́нии земно́е стра́нствие сконча́л еси́ и испо́лнил еси́ вся́, я́же запове́да на́м Христо́с во Святе́м уче́нии, и пресели́лся еси́ от земли́ на не́бо, вше́дый в ра́дость Го́спода своего́, я́ко ве́рный ра́б Христо́в. Те́мже ра́дующеся, воспева́ем ти́ такова́я:
Ра́дуйся, усе́рдный слуго́, сотвори́вый во́лю Господи́на своего́;
Ра́дуйся, во́ине Христо́в, суету́ жите́йскую оста́вивый.
Ра́дуйся, Бо́гу еди́ному послужи́вый;
Ра́дуйся, вся́ за́поведи Бо́жия испо́лнивый.
Ра́дуйся, оби́тели небе́сныя удосто́ивыйся;
Ра́дуйся, го́рния сла́вы приобщи́выйся.
Ра́дуйся, насле́дниче жи́зни ве́чныя;
Ра́дуйся, уго́дниче Бо́жий прехва́льный.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 12

Благода́ти Бо́жия сокро́вище некра́домое унасле́довал еси́ и ти́хое, безмяте́жное приста́нище на небесе́х обре́л еси́. Де́йствием же про́мысла Бо́жия во дни́ торжеству́емаго тысящеле́тия Креще́ния Руси́ просла́влен и к ли́ку святы́х причи́слен бы́л еси́, ублажа́юще па́мять твою́ святу́ю, пое́м вси́: Аллилу́иа.

Икос 12

Пою́ще твое́ всеросси́йское прославле́ние, возно́сим ти́, я́ко благоуха́ние кади́льное, смире́нныя на́ша моли́твы, не забу́ди ча́д твои́х, почита́ющих и́мя твое́ свято́е и взыва́ющих к тебе́ в благодаре́нии:
Ра́дуйся Амвро́сие, Боже́ственнаго безсме́ртия тезоимени́тый;
Ра́дуйся, Це́ркве Правосла́вныя честна́я похвало́.
Ра́дуйся, ли́ка святы́х уго́дников прича́стниче;
Ра́дуйся, со́нма преподо́бных отце́в сотаи́нниче.
Ра́дуйся, пред престо́лом Бо́га Всевы́шняго на́ш тве́рдый предста́телю;
Ра́дуйся, пред судо́м Бо́жиим на́ш те́плый хода́таю.
Ра́дуйся, на́с, стра́нствующих в юдо́ли плаче́вней, путеводи́телю;
Ра́дуйся, о все́й земли́ Росси́йстей неусы́пный моли́твенниче.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 13

О ди́вный уго́дниче Христо́в и чудотво́рче, преподо́бне ста́рче на́ш Амвро́сие, приими́ ны́не ма́лое моле́ние недосто́йных ча́д твои́х, не оста́ви на́с в ско́рбех и боле́знех, прииди́ и простри́ ру́ку по́мощи, наста́ви на́с на пу́ть покая́ния и спасе́ния, во е́же изба́витися му́ки ве́чныя, да тобо́ю при́сно сла́вим Бо́га, вопию́ще: Аллилу́иа.

(Этот кондак читается трижды, затем икос 1 и кондак 1)

Икос 1

А́нгельскому житию́ подража́я, отве́ргл еси́ вся́ кра́сная и скоропреходя́щая тле́ннаго ми́ра сего́ и стопы́ своя́ напра́вил еси́ к духо́вному учи́телю и прозорли́вцу ста́рцу Иларио́ну, да наста́вит тя́ на пу́ть и́стиннаго жи́тельства и благослови́т на по́двиги спасе́ния. О́н же, прови́дев гряду́щее твое́ богоуго́дное житие́, посла́ тя́ в оби́тель О́птину, и та́мо ты́ обре́л еси́ себе́ до́брое приста́нище. Сие́ уви́девше таково́е Бо́жие изволе́ние о тебе́, глаго́лем сицева́я:
Ра́дуйся, Бо́гом избра́нная о́трасле благоче́стия роди́телей;
Ра́дуйся, измла́да ле́т твои́х Го́спода возлюби́вый.
Ра́дуйся, к кни́жней му́дрости усе́рдие от ю́ности име́вый;
Ра́дуйся, святы́х отце́в духоно́сное уче́ние позна́вый.
Ра́дуйся, скороги́бнущих бла́г ми́ра сего́ отверже́ние;
Ра́дуйся, нетле́нных сокро́вищ неосла́бное жела́ние.
Ра́дуйся, Бо́жия произволе́ния о спасе́нии души́ твоея́ иска́вый;
Ра́дуйся, благослове́ние на пу́ть мона́шеский получи́вый.
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Кондак 1

Избра́нный уго́дниче Бо́жий и чудотво́рче, вели́кий ста́рче, Амвро́сие, О́птинская похвало́ всея́ Руси́ ди́вный наста́вниче, прославля́юще твое́ в по́двизех изря́дное житие́, прино́сим многохва́льное пе́ние, ты́ же, я́ко име́яй дерзнове́ние ко Го́споду, моли́ся о все́х на́с, ча́дех твои́х, со умиле́нием зову́щих:
Ра́дуйся, преподо́бне Амвро́сие, богому́дрый учи́телю ве́ры и благоче́стия.

Оставить комментарий

Ваш e-mail не будет опубликован. Обязательные поля помечены *