Последование молебна текст

Диакон: Благослови, владыко.

Священник: Благословен Бог наш всегда, ныне и присно, и во веки веков.

Хор: Аминь. Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Чтец: Святый Боже, Святый Крепкий, Святый Безсмертный, помилуй нас. (Трижды.)

Слава Отцу и Сыну и Святому Духу, и ныне и присно и во веки веков. Аминь. Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй (трижды).

Слава Отцу и Сыну и Святому Духу, и ныне и присно и во веки веков (далее: Слава, и ныне). Аминь.

Отче наш, Иже еси на Небесех, да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Священник: Ибо Твое Царство, и сила, и слава, Отца, и Сына, и Святого Духа ныне, и присно, и во веки веков.

Чтец: Аминь. Господи, помилуй (12 раз). Слава, и ныне:

Приидите, поклонимся Цареви нашему Богу.
Приидите, поклонимся и припадем Христу, Цареви нашему Богу.
Приидите, поклонимся и припадем Самому Христу, Цареви и Богу нашему.

Псалом 142

Господи, услыши молитву мою, внуши моление мое во истине Твоей, услыши мя в правде Твоей и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и уподоблюся низходящым в ров. Слышану сотвори мне заутра милость Твою, яко на Тя уповах. Скажи мне, Господи, путь воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой благий наставит мя на землю праву. имене Твоего ради, Господи, живиши мя, правдою Твоею изведеши от печали душу мою. И милостию Твоею потребиши враги моя и погубиши вся стужающыя души моей, яко аз раб Твой есмь.

Слава, и ныне: Аллилуиа, трижды.

Бог Господь: по гласу тропаря (глас 4)

Бог Господь и явися нам, благословен Грядый во имя Господне.

Стих 1: Исповедайтеся Господеви, яко благ, яко в век милость Его.

Стих 2: Обышедше обыдоша мя и именем Господним противляхся им.

Стих 3: Не умру, но жив буду и повем дела Господня.

Стих 4: Камень, егоже небрегоша зиждущии, сей бысть во главу угла, от Господа бысть сей и есть дивен во очесех наших.

Тропарь, глас 4

К Богородице прилежно ныне притецем, / грешнии и смиреннии, и припадем, / в покаянии зовуще из глубины души: / Владычице, помози, на ны милосердовавши, / потщися, погибаем от множества прегрешений, / не отврати Твоя рабы тщи, / Тя бо и едину надежду имамы. Дважды.

Слава, и ныне: Не умолчим никогда, Богородице, / силы Твоя глаголати, недостойнии: / аще бо Ты не бы предстояла молящи, / кто бы нас избавил от толиких бед; / кто же бы сохранил до ныне свободны; / не отступим, Владычице, от Тебе, / Твоя бо рабы спасаеши присно от всяких лютых.

Если совершается молебен святому, то читается тропарь и богородичен.

Псалом 50-й

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.

Читается акафист (если молебен с акафистом) или канон (если молебен с каноном). Приводим здесь канон молебный ко Пресвятой Богородице.

Песнь 1

Припев: Пресвятая Богородице, спаси нас.

Многими содержимь напастьми, / к Тебе прибегаю, спасения иский: / о, Мати Слова и Дево, / от тяжких и лютых мя спаси.

Припев: Пресвятая Богородице, спаси нас.

Страстей мя смущают прилози, / многаго уныния исполнити мою душу; / умири, Отроковице, / тишиною Сына и Бога Твоего, Всенепорочная.

Слава: Спаса рождшую Тя и Бога, / молю, Дево, избавитися ми лютых: / к Тебе бо ныне прибегая, / простираю и душу и помышление.

И ныне: Недугующа телом и душею, / посещения Божественнаго и промышления от Тебе сподоби, едина Богомати, / яко благая, Благаго же Родительница.

Песнь 3

Пресвятая Богородице, спаси нас.

Предстательство и покров жизни моея / полагаю Тя, Богородительнице Дево: / Ты мя окорми ко пристанищу Твоему, благих виновна; / верных утверждение, едина Всепетая.

Пресвятая Богородице, спаси нас.

Молю, Дево, душевное смущение и печали моея бурю разорити: / Ты бо, Богоневестная, / начальника тишины Христа родила еси, едина Пречистая.

Слава: Благодетеля рождши добрых виновнаго, / благодеяния богатство всем источи, / вся бо можеши, / яко сильнаго в крепости Христа рождши, Богоблаженная.

И ныне: Лютыми недуги и болезненными страстьми истязаему, Дево, Ты ми помози: / исцелений бо неоскудное Тя знаю сокровище, Пренепорочная, неиждиваемое.

По 3-й песни припеваем

Богородице: Спаси от бед рабы Твоя, Богородице, / яко вси по Бозе к Тебе прибегаем, / яко к нерушимей Стене и Предстательству.

Призри благосердием, Всепетая Богородице, / на мое лютое телесе озлобление, / и исцели души моея болезнь.

Спасителю: Избави от бед рабы Твоя, Многомилостиве, / яко мы усердно к Тебе прибегаем, / милостивому Избавителю, всех Владыце, / Господу Иисусу.

Святому: Моли Бога о нас, имярек, / яко мы усердно к тебе прибегаем, / скорому помощнику и молитвеннику о душах наших.

Ектения

Диакон: Помилуй нас, Боже, по велицей милости Твоей, молим Ти ся, услыши и помилуй.

Хор: Господи, помилуй, трижды.

Еще молимся о Великом Господине и отце нашем Святейшем Патриархе имярек, и о господине нашем преосвященнейшем митрополите (или архиепископе, или епископе) (имярек), и о всей во Христе братии нашей.

Хор: Господи, помилуй, трижды.

Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.

Хор: Господи, помилуй, трижды.

Еще молимся о милости, жизни, мире, здравии, спасении, посещении, прощении, благопоспешении рабов Божиих имярек, и о еже сохранитися святому храму сему (аще во обители: святей обители сей).

Хор: Господи, помилуй, трижды.

Еще молимся за всю братию и за вся христианы.

Хор: Господи, помилуй, трижды.

Возглас: яко милостив и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Тропарь, глас 2

Моление теплое и стена необоримая, / милости источниче, мiрови прибежище, / прилежно вопием Ти: / Богородице Владычице, предвари, / и от бед избави нас, / едина вскоре предстательствующая.

Или тропарь святому, в честь которого совершается молебен.

Песнь 4

Пресвятая Богородице, спаси нас.

Страстей моих смущение, / кормчию рождшая Господа, / и бурю утиши моих прегрешений, Богоневестная.

Пресвятая Богородице, спаси нас.

Милосердия Твоего бездну призывающу подаждь ми, / яже Благосердаго рождшая и Спаса всех поющих Тя.

Пресвятая Богородице, спаси нас.

Наслаждающеся, Пречистая, Твоих дарований, / благодарственное воспеваем пение, / ведуще Тя Богоматерь.

Слава: На одре болезни моея и немощи низлежащу ми, / яко благолюбива, помози, Богородице, / едина Приснодево.

И ныне: Надежду и утверждение и спасения стену недвижиму имуще Тя, Всепетая, / неудобства всякаго избавляемся.

Песнь 5

Пресвятая Богородице, спаси нас.

Исполни, Чистая, веселия сердце мое, / Твою нетленную дающи радость, / веселия рождшая Виновнаго.

Пресвятая Богородице, спаси нас.

Избави нас от бед, Богородице Чистая, / вечное рождши избавление, / и мир, всяк ум преимущий.

Слава: Разреши мглу прегрешений моих, Богоневесто, / просвещением Твоея светлости, / Свет рождшая Божественный и превечный.

И ныне: Исцели, Чистая, души моея неможение, / посещения Твоего сподобльшая, / и здравие молитвами Твоими подаждь ми.

Песнь 6

Пресвятая Богородице, спаси нас.

Смерти и тли яко спасл есть, / Сам Ся издав смерти, / тлением и смертию мое естество, ято бывшее, Дево, / моли Господа и Сына Твоего, / врагов злодействия мя избавити.

Пресвятая Богородице, спаси нас.

Предстательницу Тя живота вем / и хранительницу тверду, Дево, / и напастей решащу молвы, и налоги бесов отгоняющу; / и молюся всегда, от тли страстей моих избавити мя.

Слава: Яко стену прибежища стяжахом, / и душ всесовершенное спасение, / и пространство в скорбех, Отроковице, / и просвещением Твоим присно радуемся: / о, Владычице, и ныне нас от страстей и бед спаси.

И ныне: На одре ныне немощствуяй лежу, / и несть исцеления плоти моей: / но, Бога и Спаса миру и Избавителя недугов рождшая, / Тебе молюся, Благой: / от тли недуг возстави мя.

По 6-й песни: припевы, как и по 3-й песни.

Припевы Богородицы: Спаси от бед рабы Твоя, Богородице, / яко вси по Бозе к Тебе прибегаем, / яко к нерушимей Стене и Предстательству.

Призри благосердием, Всепетая Богородице, / на мое лютое телесе озлобление, / и исцели души моея болезнь.

Ектения

Диакон: Помилуй нас, Боже, по велицей милости Твоей, молим Ти ся, услыши и помилуй.

Хор: Господи, помилуй, трижды.

Еще молимся о Великом Господине и отце нашем Святейшем Патриархе имярек, и о господине нашем преосвященнейшем митрополите (или архиепископе, или епископе) (имярек), и о всей во Христе братии нашей.

Хор: Господи, помилуй, трижды.

Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.

Хор: Господи, помилуй, трижды.

Еще молимся о милости, жизни, мире, здравии, спасении, посещении, прощении, благопоспешении рабов Божиих имярек, и о еже сохранитися святому храму сему (аще во обители: святей обители сей).

Хор: Господи, помилуй, трижды.

Еще молимся за всю братию и за вся христианы.

Хор: Господи, помилуй, трижды.

Возглас: яко милостив и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Кондaк, глас 6

Предстательство христиан непостыдное, / ходатайство ко Творцу непреложное, / не презри грешных молений гласы, / но предвари, яко Благая, на помощь нас, / верно зовущих Ти; / ускори на молитву, и потщися на умоление, / предстательствующи присно, Богородице, чтущих Тя.

Или святому, в честь которого совершается молебен.

Диакон: Вонмем.

Священник: Мир всем.

Людие: И духови твоему.

Диакон: Премудрость!

Прокимен, глас 4: Помяну имя Твое / во всяком роде и роде. Стих: Слыши, Дщи, и виждь, и приклони ухо Твое.

Или святому, в честь которого совершается молебен.

Диакон: Господу помолимся.

Хор: Господи, помилуй.

Священник возглашает: Яко свят еси, Боже наш, и во святых почиваеши, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Другой прокимен: Всякое дыхание / да хвалит Господа. Стих: Хвалите Бога во святых Его, хвалите Его в утвержении силы Его.

Диакон: И о сподобитися нам слышанию святаго Евангелия Господа Бога молим.

Хор: Господи, помилуй, трижды.

Диакон: Премудрость, прости, услышим святаго Евангелия.

Священник: Мир всем.

Людие: И духови твоему.

И абие: От Луки святаго Евангелия чтение.

Хор: Слава Тебе, Господи, слава Тебе.

Диакон: Вонмем.

Евангелие от Луки, зачало 4

Во дни оны, воставши, Мариам, иде в горняя со тщанием, во град Иудов. И вниде в дом Захариин, и целова Елисавет. И бысть яко услыша Елисавет целование Мариино, взыграся младенец во чреве ея: и исполнися Духа Свята Елисавет. И возопи гласом велиим, и рече: благословена Ты в женах, и благословен плод чрева Твоего. И откуду мне сие, да прииде Мати Господа моего ко мне? Се бо, яко бысть глас целования Твоего во ушию моею, взыграся младенец радощами во чреве моем. И блаженна Веровавшая, яко будет совершение глаголанным Ей от Господа. И рече Мариам: величит душа Моя Господа, и возрадовася дух Мой о Бозе Спасе Моем. яко призре на смирение Рабы Своея: се бо, отныне ублажат Мя вси роди. яко сотвори Мне величие Сильный, и свято имя Его. Пребысть же Мариам с нею яко три месяцы, и возвратися в дом Свой.

Вместо этого отрывка из Евангелия может читаться другой или вообще не читаться Евангелие.

Хор: Слава Тебе, Господи, слава Тебе.

Слава, глас 6

Молитвами Богородицы, / Милостиве, очисти / множества согрешений наших.

Или: Молитвами святаго , / Милостиве, очисти / множества согрешений наших.

И ныне: Молитвами Богородицы, / Милостиве, очисти / множества согрешений наших.

Помилуй мя, Боже, / по велицей милости Твоей / и по множеству щедрот Твоих / очисти беззаконие мое.

Стихира, глас 6

Не ввери мя человеческому предстательству, / Пресвятая Владычице, / но приими моление раба Твоего: / скорбь бо обдержит мя, / терпети не могу демонскаго стреляния, / покрова не имам, / ниже где прибегну, окаянный, / всегда побеждаемь, / и утешения не имам, разве Тебе, Владычице мiра, / упование и предстательство верных, / не презри моление мое, полезно сотвори.

Если совершается молебен святому, то поется его стихира.

Священник: Спаси, Боже, люди Твоя и благослови достояние Твое, посети мiр Твой милостию и щедротами, возвыси рог христиан православных и низпосли на ны милости Твоя богатыя, молитвами всепречистыя Владычицы нашея Богородицы и Приснодевы Марии, силою Честнаго и Животворящаго Креста, предстательствы честных Небесных Сил безплотных, честнаго, славнаго пророка, Предтечи и Крестителя Иоанна, святых славных и всехвальных Апостол, иже во святых отец наших и вселенских великих учителей и святителей, Василия Великаго, Григория Богослова и Иоанна Златоустаго, иже во святых отца нашего Николая, архиепископа Мирликийскаго, чудотворца, святых равноапостольных Мефодия и Кирилла, учителей словенских, святых равноапостольных великаго князя Владимира и великия княгини ольги, иже во святых отец наших всея России чудотворцев, Михаила, Петра, Алексия, Ионы, Филиппа и Ермогена, святых, славных и добропобедных мучеников, преподобных и богоносных отец наших, святых и праведных богоотец Иоакима и анны (и святаго имярек, егоже есть храм и егоже есть день), и всех святых. Молим Тя, многомилостиве Господи, услыши нас, грешных, молящихся Тебе, и помилуй нас.

Хор: Господи, помилуй, 12.

Возглас: Милостию и щедротами и человеколюбием единороднаго Твоего Сына, с Нимже благословен еси, со пресвятым, и благим, и животворящим Твоим Духом, ныне и присно, и во веки веков.

Хор: Аминь

Песнь 7

Пресвятая Богородице, спаси нас.

Наше спасение якоже восхотел еси, Спасе, устроити, / во утробу Девыя вселился еси, / юже миру предстательницу показал еси: / отец наших Боже, благословен еси.

Пресвятая Богородице, спаси нас.

Волителя милости, Егоже родила еси, Мати чистая, / умоли избавитися от прегрешений и душевных скверн верою зовущим: / отец наших Боже, благословен еси.

Слава: Сокровище спасения и Источник нетления, Тя Рождшую, / и столп утверждения, и дверь покаяния, зовущим показал еси: / отец наших Боже, благословен еси.

И ныне: Телесныя слабости и душевныя недуги, Богородительнице, / любовию приступающих к крову Твоему, Дево, исцелити сподоби, / Спаса Христа нам рождшая.

Песнь 8

Пресвятая Богородице, спаси нас.

Помощи яже от Тебе требующия не презри, Дево, / поющия и превозносящия Тя во веки.

Пресвятая Богородице, спаси нас.

Неможение души моея исцеляеши и телесныя болезни, Дево, / да Тя прославлю, Чистая, во веки.

Слава: Исцелений богатство изливаеши верно поющим Тя, Дево, / и превозносящим неизреченное Твое Рождество.

И ныне: Напастей Ты прилоги отгоняеши и страстей находы, Дево: / темже Тя поем во вся веки.

Песнь 9

Пресвятая Богородице, спаси нас.

Тока слез моих не отвратися, / яже от всякаго лица всяку слезу отъемшаго, / Дево, Христа рождшая.

Пресвятая Богородице, спаси нас.

Радости мое сердце исполни, Дево, / яже радости приемшая исполнение, / греховную печаль потребляющи.

Пресвятая Богородице, спаси нас.

Пристанище и предстательство к Тебе прибегающих / буди, Дево, и стена нерушимая, / прибежище же и покров и веселие.

Слава: Света Твоего зарями просвети, Дево, / мрак неведения отгоняющи, / благоверно Богородицу Тя исповедающих.

И ныне: На месте озлобления немощи смирившагося, Дево, исцели, / из нездравия во здравие претворяющи.

Достойно есть яко воистинну / блажити Тя, Богородицу, / Присноблаженную и Пренепорочную / и Матерь Бога нашего. / Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу Тя величаем.

Если совершается молебен Богородице, кадит священник жертвенник и молящихся. Поются Богородичны:

Вышшую небес, / и чистшую светлостей солнечных, / избавльшую нас от клятвы, / Владычицу мiра / песньми почтим.

От многих моих грехов / немощствует тело, / немощствует и душа моя: / к Тебе прибегаю Благодатней, / надежде ненадежных, / Ты ми помози.

Владычице и Мати Избавителя, / приими моление / недостойных раб Твоих, / да ходатайствуеши к Рождшемуся от Тебе. / О Владычице мира, буди Ходатаица!

Поем прилежно Тебе песнь ныне / всепетой Богородице радостно, / со Предтечею, и всеми святыми, / моли Богородице, / еже ущедрити ны.

Вся ангелов воинства, / Предтече Господень, / апостолов двоенадесятице, святии вси / с Богородицею, сотворите молитву, / во еже спастися нам.

Святый Боже, Святый Крепкий, Святый Безсмертный, помилуй нас. Трижды.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Отче наш, Иже еси на Небесех, да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Священник: Яко Твое Царство, и сила, и слава, Отца, и Сына, и Святого Духа ныне, и присно, и во веки веков.

Чтец: Аминь.

И тропари, глас 6

Помилуй нас, Господи, помилуй нас; / всякаго бо ответа недоумеюще, / сию Ти молитву / яко Владыце, грешнии приносим: / помилуй нас.

И ныне: Милосердия двери отверзи нам, / благословенная Богородице, / надеющиися на Тя да не погибнем, / но да избавимся Тобою от бед: / Ты бо еси спасение рода христианскаго.

Или тропарь святого, Слава, и ныне: Богородичен его.

Ектения

Диакон: Помилуй нас, Боже, по велицей милости Твоей, молим Ти ся, услыши и помилуй.

Хор: Господи, помилуй (трижды).

Еще молимся о Великом Господине и отце нашем Святейшем Патриархе имярек, и о господине нашем преосвященнейшем митрополите (или архиепископе, или епископе) (имярек), и о всей во Христе братии нашей.

Хор: Господи, помилуй (трижды).

Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.

Хор: Господи, помилуй, трижды.

Еще молимся о милости, жизни, мире, здравии, спасении, посещении, прощении, благопоспешении рабов Божиих имярек, и о еже сохранитися святому храму сему.

Хор: Господи, помилуй, трижды.

Еще молимся за всю братию и за вся христианы.

Хор: Господи, помилуй, трижды.

Возглас: яко милостив и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

По ектении молитва Господу, Богородице или святому, которому служится молебен.

Если Пресвятей Богородице, священник: Ко Пресвятей Владычице Деве Богородице помолимся.

Хор: Пресвятая Богородице, спаси нас.

Молитва ко Пресвятой Богородице

О Пресвятая Госпоже Владычице Богородице, вышши еси всех ангел и Архангел, и всея твари честнейши, Помощница еси обидимых, ненадеющихся надеяние, убогих Заступница, печальных утешение, алчущих кормительница, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице Владычице, милостию Твоею спаси и помилуй святейшия патриархи православныя, и преосвященныя митрополиты, архиепископы и епископы, и весь священнический и иноческий чин, и вся православныя христианы ризою Твоею честною защити, и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше, на невидимыя и видимыя враги наша. О Всемилостивая Госпоже Владычице Богородице, воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению; и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословенна и препрославленна, со Безначальным Его Отцем, и с Пресвятым, и Благим, и Животворящим Его Духом, ныне и присно, и во веки веков, аминь.

Или молитва иная

Царице моя преблагая, надеждо моя Богородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Или иная

К кому возопию, Владычице? К кому прибегну в горести моей, аще не к Тебе, Царице Небесная? Кто плач мой и воздыхание мое приимет, аще не Ты, Пренепорочная, надеждо христиан и прибежище нам, грешным? Кто паче Тебе в напастех защитит? Услыши убо стенание мое, и приклони ухо Твое ко мне, Владычице Мати Бога моего, и не презри мене, требующаго Твоея помощи, и не отрини мене, грешнаго. Вразуми и научи мя, Царице Небесная; не отступи от мене, раба Твоего, Владычице, за роптание мое, но буди мне Мати и заступница. Вручаю себе милостивому покрову Твоему: приведи мя, грешнаго, к тихой и безмятежной жизни, да плачуся о гресех моих. К кому бо прибегну повинный аз, аще не к Тебе, упованию и прибежищу грешных, надеждою на неизреченную милость Твою и щедроты Твоя окриляемь? О, Владычице Царице Небесная! Ты ми упование и прибежище, покров и заступление и помощь. Царице моя преблагая и скорая заступнице! Покрый Твоим ходатайством моя прегрешения, защити мене от враг видимых и невидимых; умягчи сердца злых человек, возстающих на мя. О, Мати Господа моего Творца! Ты еси корень девства и неувядаемый цвет чистоты. О, Богородительнице! Ты подаждь ми помощь немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление; и Твоим пречудным заступлением да избавлюся от всякия беды и напасти, о Пренепорочная и Преславная Божия Мати Марие. Темже со упованием глаголю и вопию: радуйся, благодатная, радуйся, обрадованная; радуйся, преблагословенная, Господь с Тобою.

Величание Богородице

Величаем Тя, / Пресвятая Дево / Богоизбранная Отроковице / и чтим образ Твой святый, / имже точиши исцеления / всем с верою притекающим.

Если совершается молебен святому, то читаются молитвы ему.

Диакон: Премудрость.

Священник: Пресвятая Богородице, спаси нас.

Хор: Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу, Тя величаем.

Священник: Слава Тебе, Христе Боже, упование наше, слава Тебе.

Хор: Слава, и ныне: Господи, помилуй, трижды. Благослови.

Священник творит отпуст

В воскресенье: Воскресый из мертвых, Христос, истинный Бог наш, молитвами Пречистыя Своея Матере, святых славных и всехвальных Апостол (поминается святой, в честь которого освящен храм, или память которого совершается сегодня), святых и праведных богоотец Иоакима и Анны, и всех святых, помилует и спасет нас, яко Благ и Человеколюбец.

Хор: Аминь.

Тропари на целование иконы

Глас 2: Всем предстательствуеши, Благая, / прибегающим с верою в державный Твой покров, / иного бо не имамы, грешнии, к Богу / в бедах и скорбех присно избавления, / обременени грехи многими, / Мати Бога Вышняго, / тем же Ти припадаем: / избави от всякаго обстояния рабы Твоя.

Глас 8: Владычице, приими молитвы рабов твоих, / и избави нас / от всякия нужды и печали.

Глас 2: Все упование мое / на Тя возлагаю, Мати Божия, / сохрани мя под покровом Твоим.

Священник: Молитвами святых отец наших, Господи Иисусе Христе, Боже наш, помилуй нас, аминь.

Таинства и чинопоследования, совершаемые в нашем храме.

1. Таинство Крещения.
2. Таинство Миропомазания.
3. Таинство Евхаристии.
4. Таинство Исповеди.
5. Таинство Елеосвящения.
6. Таинство Венчания.
7. Таинство Рукоположения.
8. Чинопоследование водоосвящения.
9. Чинопоследование освящения дома, автомобиля.
10. Молебные пения.
11. Заупокойные богослужения.

Чинопоследование освящения дома, автомобиля.

Архимандрит АМВРОСИЙ (Юрасов).
Из книги «О вере и спасении».

Мы знаем, что над всем миром есть Ангел Хранитель: над каждой страной, над каждым городом, над каждым селом. Освящая квартиру и дом, священник с помощью молитв призывает Святаго Духа и изгоняет злых духов из этого помещения. Оно освящается, посвящается Богу и находится под покровом Ангела этого города или села. Ангел хранит это жилище при условии, что в нём проводят нормальный, нравственный образ жизни.
&nbsp&nbsp
&nbsp&nbsp Вспоминаю случай. Служил я на приходе в Жарках Юрьевецкого района Ивановской области. У нас на кухне работала женщина – Раиса из Алатора. Она как-то рассказывала, что муж у неё был пьяница, дрался, дебоширил. Дошло до таких крайностей, что жить с ним в доме нельзя стало. Раиса говорит: «Вызвала я священника, и он освятил дом. Вечером муж идёт с работы – я в окно его вижу. Сама думаю о том, узнает ли он, что дом освящён. Смотрю, его всё нет и нет. Уже прошло минут пятнадцать. Посмотрю, думаю, где же он есть. Открываю дверь, а он в сенях лежит. Не пьяный – трезвый! Спрашиваю: «Что же ты здесь? Входи в дом!». Он и говорит: «Я не могу, мне здесь места нет». – «Да входи же!». И он на четвереньках пополз в дом. Дополз до стола, снял приёмник и на пол поставил; включил и говорит: «Хоть здесь мне утешение, полегче». Я удивилась, увидев, какую силу имеет освящение дома».
&nbsp&nbsp
&nbsp&nbsp Как-то на днях одна девушка мне рассказала. Находилась в квартире одна – мать с отцом уехали в отпуск. Ночью она что-то дурное почувствовала и проснулась, увидела, как со стороны телевизора белая фигура идёт… Напали на неё страх и ужас. Спать не могла, всю ночь промолилась. Обратилась она ко мне с просьбой освятить квартиру. Через несколько дней после освящения приехали родители. Они сами неверующие, мать некрещёная. Мать, как только вошла в квартиру, встала у порога и говорит: «Что случилось? Я не узнаю квартиру. Что ты с ней сделала?» Девушка ей и объяснила всё. Мать увидела потом на стене крестики, предупредила: «Отцу не говори – бунтовать будет».
&nbsp&nbsp
&nbsp&nbsp Конечно, демонические силы, живущие в человеке, чувствуют, что дом или квартира освящены. Они там уже не могут находиться, их огнём палит. Когда говорят, что в доме живёт домовой, это значит, что в неосвящённом доме живёт злой дух. Есть такие неразумные люди, которые при переезде на новую квартиру первой пускают в дом кошку (якобы она дружит с домовым, и он тогда не вредит людям), а не иконы и не святые книги. Не освящают дом окроп-лением святой водой, а умилостивляют домового. К сожалению, это очень часто наблюдается.
&nbsp&nbsp
&nbsp&nbsp Недавно просили меня освятить детский сад; там около 400 детей. Освятили все помещения, а от одного никак не могли найти ключ. Что же оказалось? Именно в этом помещении проводили спиритические сеансы… Так эта комната и осталась неосвящённой.&nbsp&nbsp
&nbsp&nbsp

Освящение машин, дорог&nbsp&nbsp

&nbsp&nbsp В Тейковском районе есть участок дороги, метров 500 длиной, каждый водитель его знает – опасная зона, в народе её называют «долиной смерти»… На выезде из Иванова в Кохму, слева от областной больницы, постоянно происходят аварии: то автобус вместе с народом ударится в столб, то машины налетят друг на друга. ГАИ знает такие места, но предотвратить бедствия не может.
&nbsp&nbsp
&nbsp&nbsp Несколько лет назад был я за Ярославлем, там есть местечко Толга, рядом – женский монастырь. Около монастыря – дорога. За год четверо человек на одном и том же месте погибли. Игуменья монастыря Варвара мне говорит: «Батюшка, что нам делать? Наша послушница на тракторе выезжала на эту дорогу и перевернулась, хорошо, отделалась лёгкими ушибами». Собралось несколько матушек, я облачился; отслужили молебен, окропили водой весь опасный участок. С тех пор прошло 5 лет, никаких происшествий больше не случалось, потому что молитва и святая вода всю силу бесовскую изгоняют.
&nbsp&nbsp
&nbsp&nbsp Как-то ко мне пришёл один человек и говорит: «Батя, в таксопарке мне продали «несчастливую» машину – она трижды была в авариях; я отремонтировал её, только начал на ней ездить, и уже дважды машину мою били. Что мне делать?». Мы прочитали молитву на освящение колесницы, чтоб Господь приставил к ней Ангела Хранителя, чтобы злые духи не имели над ней власти, освятили водой и помазали маслом. Больше аварий не было. Конечно, при этом нужно соблюдать и нравственный порядок: в машине матом не ругаться, водку не пить, иначе злые духи опять вернутся.
&nbsp&nbsp
&nbsp&nbsp На Украине на местах аварий принято ставить кресты, их называют «фигуры». В Греции на многих поворотах и перекрёстках стоят небольшие часовни, в них – иконки, горят лампадки. Это значит, что на каждом повороте стоит Ангел Хранитель и дорога освящается. Прежде, когда Русь была святая, на всех неблагополучных местах вдоль дорог ставили храмы или кресты… Почему же существуют такие неблагополучные места? Причин тому много, но главная – наши грехи, открытое общение со злыми духами. Возможно, на том месте, где сейчас проходит дорога, совершалось колдовство, исполнялись оккультные действия, потому там и собралось множество злых духов. Бывает, стоит в деревне дом, в нём когда-то колдовали, вызывали злых духов. Потом хозяева этого дома умерли, пришли другие жильцы, но дом остался «несчастным»: постоянны в нём драки, скандалы, неприятности. Дом снесли или он сгорел, на этом месте построили дорогу, и вроде бы ничем не опасная дорога, а каждый день – убийства, аварии… Злые духи это место не оставляют.
&nbsp&nbsp
&nbsp&nbsp Избавиться от всего этого можно. Это не трудно. Нужно обратиться к духовенству, указать места, где наиболее часто бывают дорожные происшествия, отслужить молебен, окропить водой, прочитать особую молитву «на запрещение злых духов». И они отступят. Хорошо бы и дома освятить, изгнать из них злую силу.
&nbsp&nbsp
&nbsp&nbsp Каждый человек – своего рода генератор энергии, положительной или отрицательной. Если человек постоянно молится, читает Иисусову молитву, вся комната, он сам, одежда, пища пропитываются благодатью, освящаются. Если же человек постоянно ругается, сквернословит, он вокруг себя собирает отрицательную энергию, и куда бы он ни пошёл, она повсюду с ним: в очереди, в транспорте – везде скандалы, споры, раздражения. Поэтому, если мы хотим мира себе и близким, если мы хотим избежать аварий на дорогах и скандалов в семье, надо соблюдать нравственный закон, никому не творить зла, обращаться в молитве ко Господу и Ангелу Хранителю.

Добрый день, уважаемые отцы и братья.
Вопрос у меня следующий: в воскресенье перед литургией служим водосвятный молебен, совмещенный с молебном множеству святых; выглядит это следующим образом: прихожане подают записки, имена из записок выписываются на специальный лист, в тропарионе находятся тропари под каждое имя, в итоге последование получается таким:
— Царю Небесный
— Бог Господь
— Благодарственный тропарь Господу: «Благодарни суще недостойнии раби Твои, Господи…»
— Тропарь Богородице: «К Богородице прилежно ныне притецем…»
— Тропарь ангелу хранителю: «Ангеле Божий, хранителю мой святый…»
— Тропарь архангелу Михаилу: «Небесных воинств архистратизи…»
— Далее тропари всем именам из записок
— Под конец — тропарь всем святым
— Затем возглашения каждому святому (последовательно: священник-хор): «преподобне отче…, моли Бога о нас»
— Далее — последование освящения воды.
Как итог: километровый молебен перед литургией, певчие устают, люди устают, служба затягивается. Теперь, собственно, вопрос: как грамотно сократить молебен? Понятно, что аще изволит настоятель, но настоятель, скорее всего, нормально отреагирует, если ему предложить нормальную схему замены текущего молебна на более простой. Убрать тропари и возгласы каждому святому, оставив общие тропари всем святым — люди начнут роптать: подали записку, имена не услышали. Как вариант, убрать тропари святым, пропев только, например, воскресный тропарь гласа, тропарь Богородице, тропарь бесплотным небесным силам и общий тропарь святым, оставить возгласы святым, а далее сразу перейти на водосвятный молебен. Посоветуйте, пожалуйста, с высоты своего опыта.
P.S. понимаю, что молебен перед литургией — явление достаточно странное и не совсем логичное, но по понятным причинам убрать его нельзя, а сократить надо.
Спасибо!

Что такое Водосвятный молебен

Чтобы рассказать, что такое водосвятный молебен, стоит объяснить, что такое молебен в Русской Православной Церкви. От обычной домашней молитвы молебен отличает то, что для совершения молебна верующие собираются в храме и обращаются с конкретной просьбой или благодарением. Молебны еще называют «требами». Конечно, храм — это не стол заказов, поэтому молебен — это именно мольба, о чем-то с верой, что Господь устроит все так, как будет лучше душе человека.

Молебны бывают:

  • Простые;
  • Благодарственные;
  • Водосвятные;
  • Акафистные.

Какие бывают водосвятные молебны

Во время водосвятного молебна освещается вода. Водосвятные молебны тоже отличаются друг от друга. Так, например агиасма – это чин великого освящения воды, который совершается на праздник Крещения Господня. Вода с этой службы хранится весь год, до следующего праздника.

Но бывает и малое освещение воды, которое совершается в любой день по согласованию с настоятелем храма. Некоторые храмы имеют традицию служить регулярные службы с водосвятием – для этого назначается определенный день и время, когда любой человек может прийти и поучаствовать в богослужении.

Как проходит водосвятный молебен

Для водосвятия в центр храма выносится стол, на который ставят большую чашу с водой, кладут Евангелие и Распятие. Водосвятный молебен читают по служебникам — специальным книгам. Священник произносит ектинью – просительное молитвословие о том, зачем служится этот молебен. Водосвятный молебен часто обращен ко Пресвятой Богородице (перед ее иконами Неупиваемая Чаша, Всецарица, Казанская, Владимирская=), святому Николаю Чудотворцу, святой Матроне Московской, Ксении Петербуржской. В чинопоследовании будут читаться имена из записок, которые подают прихожане, само же последование может быть разным. Например, если читается акафист, служба будет идти дольше.

Святая вода: церковные традиции и околоцерковные суеверия освящения воды

Примерный порядок выглядит так:

  • Выносят стол с чашей воды, Евангелием, Распятием.
  • После возгласа священнослужителя произносится псалом 142-й.
  • Поют: «Бог Господь» и тропари. Во время этого иерей производит крестообразно кадит воду.
  • За прочтением псалма 50-го, тропарей и ектении, производят каждение храма.
  • После этого читается прокимен и читается Апостол (Евр. 2, 14-18).
  • Затем проводится чтение Евангелие (Ин. 5, 2-4).
  • За этим произносят ектению:

Миром Господу помолимся , в которой возносятся прошения об освящении воды. В основном при этом происходит каждение воды. После чего священник произносит молитву об освящении воды.

Иногда читается особая молитва:

Боже великоименитый, творяй чудеса, имже несть числа! Прииди ныне к молящим Тя рабом Твоим, Владыко, и поели Духа Твоего Святаго и освяти воду сию: и даждь пиющим от нея и приемлющим и кропящимся ею рабом Твоим пременение страстен, оставление грехов, болезнем исцеление, и освобождение от всякого зла, и утверждение же и освящение домом и очищение всякая скверны, и навета диавольскаго отгнание: яко благословися и прославися пречестное и великолепое Имя Твое, Отца и Сына, и Святого Духа, ныне, и присно, и во веки веков. Аминь .

  • Затем священник берет Крест. Распятие он направляет к себе. Затем делает крестообразное движение поверх воды его нижней частью. После происходит погружение всего Креста в воду. В это же время поются тропари: Спаси, Господи, люди Твоя… (трижды) и Твоих даров… .
  • После этого иерей целует Крест, который вынули из воды, и кропит всех присутствующих и храм.
  • Все по очереди прикладываются к кресту, а священник кропит каждого.
Молебное пение с каноном Пресвятой Богородице и чтением Святого Евангелия. Текст адаптирован для келейного (домашнего) чтения.

Моли́твами святы́х оте́ц на́ших, Го́споди, Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды.)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, (трижды). Сла́ва, и ны́не:

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди поми́луй, (12 раз). Сла́ва, и ны́не:

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

И абие Псалом 142:

Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Яко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне Дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щим в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. Имене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужаю́щия души́ мое́й, я́ко аз раб Твой есмь.

Сла́ва Отцу́ и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Таже поем: Бог Госпо́дь и яви́ся нам, благослове́н Гряды́й во и́мя Госпо́дне, то же на каждый стих:

Стих: Испове́дайтеся Го́сподеви, я́ко Благ, я́ко в век ми́лость Его́.

Стих: Обыше́дше обыдо́ша мя и и́менем Госпо́дним противля́хся им.

Стих: Не умру́, но жив бу́ду и пове́м дела́ Госпо́дня.

Стих: Ка́мень, его́же небрего́ша зи́ждущии, сей бысть во главу́ у́гла, от Го́спода бысть сей и есть ди́вен во очесе́х на́ших.

Таже тропарь Богородице, глас 4:

К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны милосе́рдовавши, потщи́ся, погиба́ем от мно́жества прегреше́ний, не отврати́ твоя́ рабы́ тщи, Тя бо и еди́ну наде́жду и́мамы. (Дважды)

Слава и ныне: Не умолчи́м никогда́, Богоро́дице, си́лы Твоя́ глаго́лати недосто́йнии: а́ще бо ты не бы предстоя́ла моля́щи, кто бы нас изба́вил от толи́ких бед, кто же бы сохрани́л доны́не свобо́дны, не отсту́пим, Влады́чице, от Тебе́, Твоя́ бо рабы́ спаса́еши при́сно от вся́ких лю́тых.

Таже Псалом 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя. Яко беззако́ния моя́ аз зна́ю и грех мой пре́до мно́ю есть вы́ну. Тебе́ Еди́ному согреши́х, и лука́вая пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. Се бо, в беззако́ниях зача́т есмь, и во гресе́х роди́ мя ма́ти моя́. Се бо, и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся, омы́еши мя, и па́че сне́га убелю́ся. Слу́ху моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое́ от грех мои́х, и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́, и Ду́ха Твоего́ Свята́го не оты́ми от мене́. Возда́ждь ми ра́дость спасе́ния Твоего́, и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Яко а́ще бы восхоте́л еси́ же́ртвы, дал бых у́бо, всесожже́ния не благоволи́ши. Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда благоволи́ши же́ртву пра́вды, возноше́ние и всесожега́емая, тогда́ возложа́т на олта́рь Твой тельцы́.

Здесь чтем канон Богородице

По третьей песне

Спаси́ от бед рабы́ Твоя́, Богоро́дице, / я́ко вси по Бо́зе к Тебе́ прибегáем, / я́ко неруши́мей стене́ и предстáтельству.

При́зри благосе́рдием, всепе́тая Богоро́дице, / на мое́ лю́тое телесе́ озлобле́ние, / и исцели́ души́ моея́ боле́знь.

Го́споди, поми́луй, трижды.

Тропарь, глас 2:

Моле́ние те́плое и стенá необори́мая, / ми́лости исто́чниче, мирови прибе́жище, / приле́жно вопие́м Ти: / Богоро́дице Влады́чице, предвари́, / и от бед избáви нас, / еди́на вско́ре предстáтельствующая.

По 6 песне.

Кондaк, глас 6:

Предстáтельство христиа́н непосты́дное, / ходáтайство ко Творцу́ непрело́жное, / не пре́зри гре́шных моле́ний глáсы, / но предвари́, я́ко Благáя, на по́мощь нас, / ве́рно зову́щих Ти; / ускори́ на моли́тву, и потщи́ся на умоле́ние, / предстáтельствующи при́сно, Богоро́дице, чту́щих Тя.

Икос:

Простри́ дла́ни Твоя́, и́миже всех Влады́ку я́ко Младе́нца прия́ла еси́ за мно́жество бла́гости, / не оста́ви нас, всегда́ наде́ющихся на Тя, бо́дренною Твое́ю моли́твою, / и неисче́тною просты́нею уще́дри нас, / и пода́ждь душа́м на́шим милосе́рдие Твое́, во ве́ки источа́ющи, / Тебе́ бо и́мамы гре́шнии Засту́пницу от находя́щих на ны бед и зол. / Но я́ко иму́щи милосе́рдия щедро́ты, / ускори́ на моли́тву и потщи́ся на умоле́ние, / предста́тельствующи при́сно, Богоро́дице, чту́щих Тя.

Иный кондaк, глас тот же:

Не и́мамы ины́я по́мощи, / не и́мамы ины́я наде́жды, / ра́зве Тебе́, Пречи́стая Де́во. / Ты нам помози́, / на Тебе́ наде́емся, и Тобо́ю хвáлимся, / Твои́ бо есмы́ рабы́, да не постыди́мся.

Го́споди, поми́луй, (трижды) Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

От Луки́ свята́го Ева́нгелия чте́ние.

Сла́ва Тебе́, Го́споди, сла́ва Тебе́.

И Евангелие:

Во дни о́ны, воста́вши Мариа́м, и́де в Го́рняя со тща́нием, во град Иу́дов. И вни́де в дом Заха́риин, и целова́ Елисаве́т. И бысть, я́ко услы́ша Елисаве́т целова́ние Мари́ино, взыгра́ся младе́нец во чре́ве ея́: и испо́лнися Ду́ха Свя́та Елисаве́т. И возопи́ гла́сом ве́лиим, и рече́: благослове́на Ты в жена́х, и благослове́н Плод чре́ва Твоего́. И отку́ду мне сие́, да прии́де Ма́ти Го́спода моего́ ко мне? Се бо я́ко бысть глас целова́ния твоего́ во у́шию мое́ю, взыгра́ся младе́нец ра́дощами во чре́ве мое́м. И блаже́нна ве́ровавшая, я́ко будет соверше́ние глаго́ланным ей от Го́спода. И рече́ Мариа́м: Вели́чит душа́ Моя́ Го́спода, и возра́довася дух Мой о Бо́зе, Спа́се Мое́м. Яко призре́ на смире́ние рабы́ Своея́: се бо отны́не ублажа́т Мя вси ро́ди. Яко сотвори́ Мне вели́чие Си́льный, и свя́то и́мя Его́. Пребы́сть же Мариа́м с нею я́ко три ме́сяцы и возврати́ся в дом Свой.

Сла́ва Тебе́, Го́споди, сла́ва Тебе́.

И абие на глас 6:

Слава: Моли́твами Богоро́дицы, Ми́лостиве, очи́сти мно́жества согреше́ний на́ших.

И ныне: Моли́твами Богоро́дицы, Ми́лостиве, очи́сти мно́жества согреше́ний на́ших.

Таже стих: Поми́луй мя, Бо́же, по вели́цей ми́лости Твое́й, и по мно́жеству щедро́т твои́х очи́сти беззако́ние мое́.

Стихира, глас тот же:

Не вве́ри мя челове́ческому предстáтельству, / Пресвята́я Влады́чице, / но приими́ моле́ние раба́ Твоего́: / скорбь бо обдержи́т мя, / терпе́ти не могу́ де́монскаго стреля́ния, / покро́ва не и́мам, / ниже́ где прибе́гну, окая́нный, / всегда́ побеждáемь, / и утеше́ния не и́мам, ра́зве Тебе́, Влады́чице мира, / уповáние и предстáтельство ве́рных, / не пре́зри моле́ние мое́, поле́зно сотвори́.

По 9 песне

Абие: Досто́йно есть я́ко вои́стинну блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую херуви́м и сла́внейшую без сравне́ния серафи́м, без истле́ния Бо́га Сло́во ро́ждшую, су́щую Богоро́дицу Тя велича́ем.

Богородичны, глас 2:

Вы́шшую небе́с, / и чи́стшую све́тлостей со́лнечных, / изба́вльшую нас от кля́твы, / Влады́чицу ми́ра / пе́сньми почти́м.

От мно́гих мои́х грехо́в / немощству́ет те́ло, / немощству́ет и душа́ моя́: / к Тебе́ прибега́ю Благода́тней, / наде́жде ненаде́жных, / Ты ми помози́.

Влады́чице и Ма́ти Изба́вителя, / приими́ моле́ние / недосто́йных раб Твои́х, / да хода́тайствуеши к Ро́ждшемуся от Тебе́. / О Влады́чице ми́ра, бу́ди Хода́таица!

Пое́м приле́жно Тебе́ песнь ны́не / всепе́той Богоро́дице ра́достно, / со Предте́чею, и все́ми святы́ми, / моли́ Богоро́дице, / е́же уще́дрити ны.

(Не́мы устне́ нечести́вых, / не покланя́ющихся о́бразу Твоему́ честно́му, / и́же напи́сан бысть от Апо́стола Луки́ свяще́ннейша, / Одиги́трии.)

Вся А́нгелов во́инства, / Предте́че Госпо́день, / апо́столов двоенадеся́тице, святи́и вси / с Богоро́дицею, сотвори́те моли́тву, / во е́же спасти́ся нам.

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды.)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй, (трижды). Сла́ва, и ны́не:

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Тропари, глас 6-й:

Поми́луй нас, Го́споди, поми́луй нас, вся́каго бо отве́та недоуме́юще, сию́ Ти моли́тву, я́ко Влады́це, гре́шнии прино́сим, поми́луй нас.

Слава: Го́споди, поми́луй нас, на Тя бо упова́хом, не прогне́вайся на ны зело́, ниже́ помяни́ беззако́ний на́ших, но при́зри и ны́не, я́ко Благоутро́бен, и изба́ви нас от враг на́ших, Ты бо еси́ Бог наш, и мы лю́дие Твои́, вси дела́ руку́ Твое́ю, и и́мя Твое́ призыва́ем.

И ныне: Милосе́рдия две́ри отве́рзи нам, Благослове́нная Богоро́дице, наде́ющиеся на Тя, да не поги́бнем, но да изба́вимся Тобо́ю от бед, Ты бо еси́ спасе́ние ро́да христиа́нскаго.

Го́споди, поми́луй, (40 раз)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Посем молитва Пресвятей Богородице:

О, Пресвята́я Госпоже́, Влады́чице Богоро́дице! Вы́шши еси́ всех а́нгел и арха́нгел и всея́ тва́ри честне́йши, помо́щница еси́ оби́димых, ненаде́ющихся наде́яние, убо́гих засту́пница, печа́льных утеше́ние, а́лчущих корми́тельница, наги́х одея́ние, больны́х исцеле́ние, гре́шных спасе́ние, христиа́н всех поможе́ние и заступле́ние! О, Всеми́лостивая Госпоже́, Де́во Богоро́дице Влады́чице, ми́лостию Твое́ю спаси́ и поми́луй Вели́каго господи́на и отца́ на́шего Святе́йшего патриа́рха Моско́вскаго и всея́ Руси (имя), преосвяще́нныя митрополи́ты, архиепи́скопы и епи́скопы правосла́вныя, и весь свяще́ннический и мона́шеский чин, богохрани́мую страну́ на́шу, вла́сти и во́инство ея́, и вся правосла́вныя христиа́ны, ри́зою Твое́ю честно́ю защити́. И умоли́, Госпоже́, из Тебе́ без се́мене Воплоти́вшагося Христа́ Бо́га на́шего, да препоя́шет их си́лою Свое́ю Свы́ше на неви́димыя и ви́димыя враги́ на́шя. О, Всеми́лостивая Госпоже́, Де́во Богоро́дице, воздви́гни нас из глубины́ грехо́вныя и изба́ви нас от гла́да, губи́тельства, от тру́са и пото́па, от огня́ и меча́, от нахожде́ния иноплеме́нных и междоусо́бныя бра́ни, и от напра́сныя сме́рти и от нападе́ния вра́жия, и от тлетво́рных ветр, и от смертоно́сныя я́звы, и от вся́каго зла. Пода́ждь, Госпоже́, мир и здра́вие рабо́м Твои́м, всем правосла́вным христиа́ном, и просвети́ им ум и о́чи серде́чныя, е́же ко спасе́нию: и сподо́би ны, гре́шныя рабы́ Твоя́, Ца́рствия Сы́на Твоего́, Христа́ Бо́га на́шего: я́ко держа́ва Его́ благослове́нна и препросла́влена, со Безнача́льным Его́ Отце́м и со Пресвяты́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́во ро́ждшую, су́щую Богоро́дицу Тя велича́ем.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй, (трижды)

Го́споди Иису́се Христе́, Сы́не Бо́жий, моли́твами Пречи́стыя Твоея́ Ма́тере и всех святы́х, поми́луй и спаси́ нас, я́ко Благ и Человеколю́бец.

Конец и Богу Слава!

Оставить комментарий

Ваш адрес email не будет опубликован. Обязательные поля помечены *