Святая татиана


Тропарь, глас 4

А́гнцу Пречи́стому и Па́стырю после́дуя,/ а́гнице слове́сная Татиа́но/ мы́сленных звере́й не убоя́лася еси́,/ но зна́мением кре́стным вооружи́вшися,/ до конца́ тех низложи́ла еси́,/ и вошла́ еси́ в Небе́сную огра́ду,// иде́же помяни́ и нас, му́ченице Христо́ва многому́драя.

Перевод: Агнцу Пречистому и Пастырю последуя, агница духовная Татиана, мысленных волков не побоялась ты, но, знамением крестным вооружившись, окончательно их низложила и вошла ты в Небесную ограду, где вспоминай о нас, мученица Христова премудрая.

Кондак, глас 4

Све́тло во страда́нии твое́м возсия́ла еси́, страстоте́рпице,/ от крове́й твои́х преиспещре́на,/ и, я́ко кра́сная голуби́ца, к Небеси́ возлете́ла еси́, Татиа́но:// те́мже моли́ при́сно за чту́щия тя.

Перевод: Ярко в страдании твоем воссияла ты, мученица, кровью своей украшенная, и, как прекрасная голубица, к Небесам возлетела ты, Татиана, потому молись всегда о почитающих тебя.

Молитва

О, свята́я му́ченице Татиа́но, неве́сто Сладча́йшаго Жениха́ твоего́ Христа́! Агнице А́гнца Боже́ственнаго, голуби́це целому́дрия, благоуха́нное те́ло страда́ньми я́ко оде́ждами ца́рскими оде́явшая, к лико́м Небе́сным сопричте́нная, лику́ющая ны́не во сла́ве ве́чной, от дней ю́ности служи́тельнице Це́ркве Бо́жия, целому́дрие соблю́дшая и па́че всех благ Го́спода возлюби́вшая! Тебе́ мы мо́лимся и тебе́ мы про́сим: внемли́ проше́ниям на́шим серде́чным и не отверга́й моле́ний на́ших, да́руй чистоту́ те́ла и души́, вдохни́ любо́вь к Боже́ственным и́стинам, на путь доброде́тельный введи́ нас, а́нгельское охране́ние испроси́ у Бо́га нам, на́ша ра́ны и я́звы уврачу́й, ю́ность огради́, ста́рость безболе́зненну и безбе́дну да́руй, в сме́ртном часе́ помози́, помина́й на́ши ско́рби и отра́ду да́руй, посети́ нас, су́щих в темни́це греха́, на покая́ние наста́ви ско́ро, возжжи́ пла́мень моли́твы, не оста́ви нас си́рых, да сла́вяще страда́ния твоя́, возсыла́ем хвалу́ Го́споду, ны́не и при́сно, и во ве́ки веко́в. Ами́нь.

  • Глас в Словаре.
  • Акафист святой мученице Татиане.
  • Канон святой мученице Татиане.

Аудио:

Кондак 1

Избранней невесте Христа, Вседержителя твари, похвальная пения восписуем, чистоту жития твоего девственнаго восхваляюще и лобызающе честная страдания Твоя; ты бо ныне ликуеши в чертоге небеснем твоего Жениха Христа. Поминай прославляющих тя пении сими, да зовем ти:

Радуйся, благоуханный цвете девства, славная мученице Татиано.

Икос 1

Ангелов Творец избра тя из древняго Рима, да песнопоеши житием твоим святое имя Божие, от лет детства твоего воспитана бысть в страсе Божии и добродетелех, сего ради зовем ти:

Радуйся, юнице сладкоблагоуханная;

радуйся, Божественное Писание возлюбившая.

Радуйся, благочестие в себе воспитавшая;

радуйся, богобоязненному родителю внимавшая.

Радуйся, от него семена веры приявшая;

радуйся, в страсе Божии воспитанная.

Радуйся, паче всех благ вечная блага возлюбившая.

Радуйся, благоуханный цвете девства, славная мученице Татиано.

Кондак 2

Видящи богобоязненный родитель твой житие твое, всечестная, насладися дарований Божественных в тебе, паче бо знатности своея и власти консульския любляше Христа, всяк день хвалу Ему поя: Аллилуиа.

Икос 2

Разум небесный тебе даровася, егда достигла еси юности твоея и восхоте тогда житие твое проводити в девстве и целомудрии. Христос же Бог, укрепляя тя в сих добродетелех, прият тя в небесная селения. Сего ради приими от нас пения сия:

Радуйся, птице, парящая в Небеса;

радуйся, девство и целомудрие бысть твои криле.

Радуйся, Бога предпочетшая миру;

радуйся, юность свою Христу посвятившая.

Радуйся, ластовице Божественнаго сада;

радуйся, токмо ко Христу любовию пламенеющая.

Радуйся, служившая Ему день и нощь.

Радуйся, благоуханный цвете девства, славная мученице Татиано.

Кондак 3

Сила Божественныя любве в тебе содела тя служительницей Христу, бысть бо избрана и поставлена на славное служение диакониссы, и оттоле, служащи Церкви в радости велией, возглашаше непрестанно: Аллилуиа.

Икос 3

Имеющи ревность о Церкви Божией, в новом звании подвизалася еси, труды и подвиги усугубляя и подобно безтелесным Ангелом служа ближним во Христе. Мы же, отягченнии грехми, сице глаголем ти:

Радуйся, молитвою услаждавшая житие твое;

радуйся, в звании диакониссы послужившая.

Радуйся, в темницах узников посещавшая;

радуйся, им узы врачевавшая и украшавшая.

Радуйся, добропобедное постничества правило;

радуйся, ко крещению жен приуготовлявшая.

Радуйся, благодати крещения споспешнице;

радуйся, бедных и вдовиц окормлявшая.

Радуйся, в беде и несчастии отраду носящая

Радуйся, благоуханный цвете девства, славная мученице Татиано.

Кондак 4

Бурю злых напастей претерпе нечестивый царь Антонин Илиогабал, егда тело его, влекомо по граду, с поруганием ввержено бысть в реку Тибр, воином же возведшим на царство Римское Александра Севира. Ты же, всеславная мученице, пострадала за Христа во дни его царствия, песнопоя Богу: Аллилуиа.

Икос 4

Слышаще и видяще яко млад есть царь Александр Севир, нечестивии консулы притесняху христиан, злочестивый и зверонравный епарх Ульпиан убийство галилеян помысля, повеле кланятися римским богам. Бысть бо страх велий тогда и потече яко вода кровь мучеников. Ты же, всеблагая Татиано, не убоялася еси страха человеческаго; сего ради мы с любовию восклицаем ти:

Радуйся, заблуждению царя Александра Севира посмеявшаяся;

радуйся, Христа и идолов не сочетавшая в поклонении.

Радуйся, токмо единому Христу послужившая;

радуйся, идолы яко сатану вменившая.

Радуйся, Ульпианова страха не убоявшаяся;

радуйся, сочетанию со Христом себе приуготовлявшая.

Радуйся, правоверия цевнице;

радуйся, страха смертнаго низложительнице.

Радуйся, благоуханный цвете девства, славная мученице Татиано.

Кондак 5

Божественный свет осия житие твое, святая мученице, егда приспе время страданий твоих. Ты бо, облеченная светом, взошла еси в горнило страданий и бысть радостны раны твоя смертныя. Ангели бо служаху тебе и восклицаху непрестанно Богу: Аллилуиа.

Икос 5

Видя чистое житие твое, вожди язычестии яша тя яко христианку и ведоша в языческий храм на поклонение. Ты же вознесе молитву Христу Богу, и паде Аполлон, бог языческий, обвалися капище идольское, и мнози идолопоклонницы смерть прияша. Мы же, чтуще силу молитвы твоея, глаголем:

Радуйся, Аполлону не поклонившаяся;

радуйся, силу молитвы стяжавшая.

Радуйся, молитвой идолы сокрушившая;

радуйся, тобою бо капище проседеся.

Радуйся, тобою бо идолопоклонницы посрамишася;

радуйся, тобою бо научишася поклонятися Единому Богу.

Радуйся, страх поколебавшая; радуйся из Аполлона беса изгнавшая.

Радуйся, тень беса и рыдание диавольское показавшая.

Радуйся, благоуханный цвете девства, славная мученице Татиано.

Кондак 6

Проповедует житие твое велию любовь ко Христу и подвиги. Ты бо подвигами и молитвою низложила еси идольское зломыслие. Ты бо молитвою посрамила мучители, когтьми железными терзающих тело твое, изнемогоша бо мучители и возопиша: Терпим бо сами жестокая мучения за праведницу сию. Ты же ликующе пояше: Аллилуиа.

Икос 6

Возсия свет Христов в воинех, мучивших тя, егда увероваша в истиннаго Бога возопиша ти: Прости ны, служительнице истиннаго Бога, прости, ибо несть нашея воли на страдание твое. И от того часа бысть чада Божия. Мы же, восхваляюще чудеса милости Божия, зовем:

Радуйся, страданием ко Христу возводящая;

радуйся, Ангелами охраняемая.

Радуйся, за своих мучителей молившаяся;

радуйся, светом Христовым озарившая воины.

Радуйся, приведшая их в воинство небесное;

радуйся, осмь воинов страданием за Христа венчавшая

Радуйся, молитвою твоею им очи отверзшая,

радуйся, мучения своя на мучителей перенесшая.

Радуйся, благоуханный цвете девства, славная мученице Татиано.

Кондак 7

Хотя воврещи на поклонение идолом, тя ведоша в судилище и мучением предаша беззаконнии язычницы. Ты же явилася здрава и цела, лице же твое бысть светло и радостно, и страхом объят бысть судия нечестивый, повеле паки и паки предати тя горьким мучениим. Тя же охраняше Ангели, служители Бога, поюще: Аллилуиа.

Икос 7

Новаго чуда бысть свидетели, яко сосца твоя урезанная источиста вместо крове млеко и тело твое обнаженное мучений ради и ножем секомое, источи благоухание. Разъярився нечестивый мучитель и повеле крестообразно на земли распрострети тя и бити жезлы железными. Мы же, чудящеся страданием твоим, рцем ти похвалы таковыя:

Радуйся, Христу сораспятая доблественне;

радуйся, мучителей устрашившая и удивившая.

Радуйся, к изнеможению их приведшая;

радуйся, цевнице мужества веры.

Радуйся, яко тело твое источи благоухание неба;

радуйся, урезанными сосцы воскормившая сонмы мучеников за Христа.

Радуйся, яко и ныне благоухаеши молитвою к Богу;

радуйся, не оставляющая нас своею помощию.

Радуйся, благоуханный цвете девства, славная мученице Татиано.

Кондак 8

Странное чудо видим на тебе, всеблаженная, како в темнице нощию молящеся и воспевающе Христу хвалы, небеснаго света сподобися озарения и Ангелов Божиих купно славословление приимаше. Тако и ныне в райских селениих со Ангелы песнопоеши: Аллилуиа.

Икос 8

Весь рачитель злобы бысть епарх, егда паки узре тя здраву и светлу, изведену из темницы на судилище, хотеша ласкою соблазнити тя на поклонение идолом. Ты же, ведая силу молитвы твоея, в храм Дианы направи нозе твоя, устремися же бес из богини злочестивыя и возопиша: Горе мне, горе! камо бегу; огнь бо снедает мя. Сего ради, победительнице бесов, вопием ти радостно:

Радуйся, лести епарха не внявшая;

радуйся, в храм Дианы вошедшая.

Радуйся, молитвою низведшая с неба огнь и капище Дианы разрушившая;

радуйся, молитвы великий пламеню.

Радуйся, яко бесы присутствия твоего трепетаху и бежаху;

радуйся, крестным знамением безстрашно себе осенявшая.

Радуйся, в молитве очи к небу возводившая;

радуйся, лучи благодати от неба испросившая.

Радуйся, благоуханный цвете девства, славная мученице Татиано.

Кондак 9

Все естество ангельское удивися силе молитвы твоея, егда множество не ведящих Бога падоша и смертный страх прияша, опаленнии огнем, и восхвалиша Бога, дивнаго во святых своих, песнею: Аллилуиа.

Икос 9

Витии многоглаголивии не могут восхвалити тя по достоянию, славная мученице Христова. Кто бо возможет величие страданий твоих изрещи? Кто подвиги твоя воспоет достойно? Токмо надеясь на неизреченную милость твою, дерзаем принести ти сия похвалы:

Радуйся, сладость христианских сердец;

радуйся, нам приносящая милость от Бога.

Радуйся, молитве научающая нас усердно;

радуйся, прошением нашим внемлющая.

Радуйся, яко скоро прошения приносиши Богу;

радуйся, яко горьких мучений избавляеши.

Радуйся, благоуханная ветве райская;

радуйся, чертогов Отчих жительнице.

Радуйся, Царствия Небеснаго наследнице.

Радуйся, благоуханный цвете девства, славная мученице Татиано.

Кондак 10

Спасительнаго твоего подвига зряще течение, восхваляем страдания твоя, ты бо претерпе бичевания, крестообразное к полу пригвождение, тела изсечение, сосцов вырывание, биение и осмеяние, в темнице заключение и иныя злострадания. Ныне же, венцем Царствия Небеснаго венчавшися, со всеми святыми взываеши: Аллилуиа.

Икос 10

Стена и адамант тверд была еси, егда на растерзание зверем ведена являешися, лев бо у ног твоих ласкашеся и не растерзаша тя, но егда хотяху отъяти льва, сей абие разсвирепе и разтерза сановника Евмениа, указуя силу христианскую. Сего ради глаголем в страсе:

Радуйся, зверей в агнцев претворяющая;

радуйся, молитвою их умягчающая.

Радуйся, за смерть Евмениеву мучимая;

радуйся, на древе повешенная.

Радуйся, железными когтьми стружаемая;

радуйся, в волхвовании оклеветанная.

Радуйся, нас клеветы избавляющая;

радуйся, от злаго волхвования нас сохраняющая.

Радуйся, благоуханный цвете девства, славная мученице Татиано.

Кондак 11

Пение непрестанное вознося ко Господу, была еси вместилищем силы и славы Божия. Сего ради молим тя: умоли Господа за нас грешных, святая мученице Татиано, да ниспослет и нам чудеса милости Своея, песнопоющим ныне: Аллилуиа.

Икос 11

Светоподательная свеща бысть во страдании твоем, святая мученице, озаряя светом сердца языческия, да обрящут тобою истиннаго Бога, да водворятся их души в селениих райских. Сего ради умильно восклицаем ти:

Радуйся, носительнице света благодатнаго;

радуйся, солнце лежащих во зле.

Радуйся, ты бо нас светом озаряеши;

радуйся, ты бо нас к блаженству ведеши.

Радуйся, в капище Зевса заключенная;

радуйся, его низложившая и разсыпавшая.

Радуйся, власов лишившаяся;

радуйся, яко язычницы мысляху, яко во власех твоих чары обретаются.

Радуйся, и по острижении власов чудотворящая силою Христовою.

Радуйся, благоуханный цвете девства, славная мученице Татиано.

Кондак 12

Благодать от Бога получивши, к смертному часу пришла еси, егда бысть в капище Зевса заключена, и поутру, егда приидоша язычестии жрецы, видевше Зевса повержена, а тя ликующу, паки ведоша тя на судилище, и бысть смерть твоя от усечения мечнаго. Ты же, славная мученице, готовящися к селением небесным, взывала еси: Аллилуиа.

Икос 12

Поюще твое усечение мечное, восхваляем отшествие твое в вожделенное отечество, идеже ныне ты ликуеши со Ангелы и со всеми святыми во славе невечерней. Сего ради приими от нас словеса сия:

Радуйся, мечем усеченная за Христа;

радуйся, с родителем твоим пострадавшая.

Радуйся, венцев мученических сподобившаяся;

радуйся, со Христом сочетавшаяся.

Радуйся, со Апостолы ликующая;

радуйся, со святыми мученики хвалу Богу возносящая.

Радуйся, не лишившая нас радости твоея;

радуйся, наши сердца зажигающая Божественным огнем.

Радуйся, идолов наших попирающая;

радуйся, начертавшая нам славу Христа.

Радуйся, благоуханный цвете девства, славная мученице Татиано.

Кондак 13

О, всеславная и великоименитая мученице Христова Татиано, девства и чистоты сосуд златый! Ныне милостивно призри на молящияся ти и прилежно просящия твоего молитвеннаго у Бога предстательства. Даруй нам чистоту тела и души, избави нас мучений греховных, да выну Господу зовем: Аллилуиа.

Этот кондак читается трижды, затем 1-й икос «Ангелов Творец …» и 1-й кондак «Избранней невесте…».

О, святая мученице Татиано, невесто Сладчайшаго Жениха твоего Христа, агнице Агнца Божественнаго, голубице целомудрия, страданьми, яко одеждами царскими одеянная, к ликом небесным сопричтенная, ликующая ныне во славе вечней, от дней младых Богу обещавшаяся святая служительнице Церкве, целомудрие соблюдшая и паче всех благ Господа возлюбившая! Тебе мы молимся и тебе мы просим: внемли прошением нашим сердечным и не отвергай молений наших. Даруй чистоту тела и души, вдохни любовь к Божественным истинам, на путь добродетельный введи нас, ангельское охранение испроси у Бога нам, наши раны и язвы телесныя исцели, в злострадании терпение даруй, греховныя язвы уврачуй, юность нашу огради, старость безболезненну и безбедну даруй, в смертнем часе помози. Поминай наши скорби и отраду даруй. Посети нас, сущих в темнице греха, на покаяние настави скоро, возжжи пламень молитвы, не оставь нас, сирых, да славяще страдания твоя, возсылаем хвалу Господу сил, всегда, ныне и присно, и во веки веков. Аминь.

Святая Татиана — раннехристианская мученица, пострадавшая в Риме в III веке при императоре Александре Севере. В России святая Татиана считается покровительницей просвещения, студентов, образования. Поэтому и день ее памяти 25 января (12 января ст. ст.) называется Днем студентов. У нее просят помощи в освоении наук, защиты от злых сил.

Житие святой мученицы Татианы

Мученица Татиана родилась в Риме в богатой и знатной семье консула. Ее родители являлись христианами и воспитывали свою дочь в благочестии. По достижении совершеннолетия Татиана отказалась от замужества. За глубокую веру и добродетельную жизнь Татиана была поставлена в диакониссы. Она участвовала в богослужении, в круг ее обязанностей входила также подготовка людей к таинству Крещения, помощь в этом обряде. Неустанно она проповедовала слово Божие, посещала больных, делами исполняя заповедь Господа о любви к ближним. Когда был убит своими же римлянами нечестивый царь Антонин Гелиогабал (204-22 гг.), на царский престол был возведен шестнадцатилетний Александр Север (208-235 гг.). Его мать, Юлия Авита Мамея, была христианской. Она научила сына почитать Христа, но несогласно с верой Христовою, ибо в то же время он продолжал служить идолам и поклонялся им как древним богам римским. В его дворце были изображения Христа и почитаемого язычниками Аполлона, ветхозаветного Авраама и языческого Орфея и других. Сам Александр, как сын христианки, не преследовал христиан, но его наместники, правители областей и консулы, сильно притесняли христиан. Так как сам Александр был слишком молод, управление государством было поручено некоторым из членов совета; главным среди них был городской епарх Улепиан, жесткий нравом и великий враг христиан. Эти советники от имени царя управляли всем. Они разослали повсюду повеление, чтобы христиан всюду принуждали поклоняться римским богам, угрожая им в случае неповиновения страшными мучениями и смертью. Тогда и в Риме, и во всех областях государства полилась кровь христиан. Их не щадили, но подвергали мучениям и предавали смерти.

Во время гонений была схвачена и Татиана. Ее привели в храм Аполлона, где пытались заставить поклониться статуе этого языческого бога. Татиана вознесла молитву Господу, и произошедшее землетрясение разрушило статую Аполлона и обрушило часть храма, под которой погибло много людей: «Диавол, обитавший в идоле, с громким криком и рыданием бежал от того места, причем все слышали вопль его и видели тень, пронесшуюся по воздуху». После этого Татиану подвергали пыткам, но следы мучений исчезали с ее тела. Во время пыток по молитве святой мучителям явились четыре ангела и голос с небес, обращенный к Татиане. Эти чудеса заставили мучителей уверовать во Христа. После этого ее мучители сами были казнены. Также известно, что среди чудес, которые произошли во время мучений святой, были разрушение храма языческой богини Дианы и усмирение льва, которому Татиана была брошена на съедение. После того святую Татьяну увели с арены и снова подвергли мучениям; наконец, ее бросили в огонь. Но огонь не коснулся не только её святого тела, но даже и длинных волос, которыми, как плащом, святая мученица прикрывала свою наготу во время мучений. Палачи, решив, что Татиана занимается волхвованием с помощью своих волос, остригли их и заперли ее на два дня в храме Зевса. На третий день жрецы, придя в храм, чтобы принести жертву Зевсу, обнаружили его статую разбитой, а Татиану живой. После этого ей был вынесен смертный приговор, и она была усечена мечом вместе со своим отцом, который, видя страдания своей дочери, не пожелал оставаться тайным христианином и пошел на страдания вместе с ней. Это произошло 25 января (12 января ст. ст.) 226 года.

Почитание мученицы Татианы. Кондак, тропарь и канон святой

Мученица Татиана почитается и в Православной, и в Католической церквях, однако широко ее почитание распространилось только среди восточных христиан. На западе имя Татиана считается русским и употребляется только в некоторых, по большей части славянских, странах. После того, как 25 (12 января ст. ст.) января 1755 года императрицей Елизаветой Петровной (1709-1762 гг.) был подписан указ об открытии Московского университета, Татьянин день стал праздноваться ежегодно сначала как день рождения Университета, а позднее и как праздник всех студентов.

Тропарь, глас 4

Агница Твоя Исусе Татияна зовет велиим гласом, Тебе Женише мой любящи, и ищущи стражду и сраспинаюся, и спогребаюся крещением Твоим, и муки приемлю Тебе ради, яко да царствую с Тобою, и умираю надежду имея на Тя, яко да живу у Тебе. Но яко жертву непорочну приими мя с любовию пожершуютися. Тоя молитвами Христе Боже спаси душа наша.

Кондак, глас 4

Светле во страдании своим восия страстотерпице, от кровей своих преиспрещена. Яко красная голубица, к небеси возлете Татияно. Моли присно за чтущия тя.

Библиотека Русской веры
Канон святой мученице Татиане →

Читать онлайн

Святая мученица Татиана. Иконы

На иконах святая мученица Татиана изображается в рост или по пояс. В правой руке она держит крест — обычная деталь на иконах святых, которые приняли мученическую смерть за Христа.

Святая мученица Татиана. Современная икона

Мученица Татьяна. Доленко Н.В. (выпускница Иконописной школы 1997 г.)

Святая мученица Татиана. Минея Январь (фрагмент). Русский Север. I половина XVI в. Из коллекции Н.И. Репникова. В 1964 из собрания Ф.А. Калинина поступила в ГРМ. Санкт-Петербург Святая мученица Татиана. Минея Январь (фрагмент). Русь. Начало XVII в. Церковно-Археологический Кабинет Московской Духовной Академии

Храмы во имя святой мученицы Татианы

Старообрядческих храмов, освященных во имя мученицы Татианы, нет. Также нет сведений о сохранившихся дораскольных церквях во имя святой мученицы Татианы. Татианинские храмы более позднего периода существуют в Москве при МГУ (построен в 1833-1836 гг.), во Владивостоке при при ДВГТУ (построен в 2000 г.), в Туринской слободе Свердловской области (построен в 2003 г.), в с. Бобрава Белгородской области (построен в 2004 г.), в Луганске (построен в 2007-2010 гг.), в Одессе (построен в 2006 г.) и в Варшаве при мужской гимназии (построен между 1820 и 1823 гг.).

Мученице Татиане (тропари, кондак и молитвы)

Тропарь, глас 4:

А́гнцу Пречи́стому и Па́стырю после́дуя, / а́гнице слове́сная Татиа́но / мы́сленных звере́й не убоя́лася еси́, / но зна́мением кре́стным вооружи́вшися, / до конца́ тех низложи́ла еси́, / и вошла́ еси́ в Небе́сную огра́ду, // иде́же помяни́ и нас, му́ченице Христо́ва многому́драя.

Ин тропарь, глас 4:

Всечестна́я благоче́стия учреди́тельнице,/ прехва́льная и всеблаже́нная му́ченице Татиа́но,/ сосу́дом де́вства и чистоты́ яви́вшаяся/ и неве́стой Христо́вой наре́кшаяся,/ страда́ний кровьми́ украси́вшеся,/ возлете́ла еси́ в не́бе в Небе́сный черто́г,// те́мже чту́щия тя помина́й.

Кондак, глас 4:

Све́тло во страда́нии твое́м возсия́ла еси́, страстоте́рпице, / от крове́й твои́х преиспещре́на, / и, я́ко кра́сная голуби́ца, к Небеси́ возлете́ла еси́, Татиа́но: // те́мже моли́ при́сно за чту́щия тя.

Молитва первая

О свята́я му́ченице Татиа́но, приими́ ны́не нас, моля́щихся и припа́дающих к свято́й ико́не твое́й. Моли́ся о нас, рабе́х Бо́жиих (имена), да изба́вимся вся́ких скорбе́й и боле́зней душе́вных и теле́сных и благоче́стне поживе́м в настоя́щем житии́, и в бу́дущем ве́ке сподо́би нас со все́ми святы́ми поклоня́тися в Тро́ице сла́вимому Бо́гу, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Молитва вторая

О свята́я му́ченице Татиа́но! Неве́сто Сладча́йшаго Жениха́ твоего́ Христа́, а́гнице А́гнца Боже́ственнаго, голуби́це целому́дрия! Страда́ньми, я́ко оде́ждами ца́рскими оде́янная, к лико́м Небе́сным сопричте́нная, лику́ющая ны́не во сла́ве ве́чней! От дней млады́х Бо́гу обеща́вшаяся свята́я служи́тельнице Це́ркве, целому́дрие соблю́дшая и па́че всех благ Го́спода возлюби́вшая! Тебе́ мы мо́лимся и тебе́ мы про́сим: внемли́ проше́нием на́шим серде́чным, и не отверга́й моле́ний на́ших! Да́руй чистоту́ те́ла и души́, вдохни́ любо́вь к Боже́ственным и́стинам, на путь доброде́телей веди́ нас, А́нгельское охране́ние испроси́ у Бо́га нам. На́ши ра́ны и язвы́ теле́сныя сотвори́ безболе́зненны, в злострада́нии терпе́ние да́руй. Грехо́вныя я́звы уврачу́й. Ю́ность на́шу огради́, ста́рость безболе́зненну и безбе́дну да́руй, в сме́ртнем ча́се помози́! Помина́й на́ши ско́рби, и отраду́ да́руй! Посети́ нас, су́щих в темни́це греха́: на покая́ние наста́ви ско́ро, возжжи́ пла́мень моли́твы! Не оста́вь нас си́рых! Да сла́вяще страда́ния твоя́, возсыла́ем хвалу́ Го́споду сил, всегда́, ны́не и при́сно, и во ве́ки веко́в. Ами́нь.

Назад к списку

В нынешний день Церковь совершает память святой мученицы Татианы. Святая родилась в Риме в начале III века в семье знатного сановника, тайного христианина, воспитавшего дочь в благочестии и вере. Достигнув брачного возраста, святая Татиана не пожелала выйти замуж, а решила посвятить себя всецело служению Церкви. Она была поставлена диаконисой в одном из римских храмов и все свои силы отдавала исполнению церковных обязанностей. Когда Римом начал править шестнадцатилетний Александр Север, вся власть сосредоточилась в руках злейшего врага и гонителя христиан Ульпиана. Святая Татиана была схвачена и приведена в капище, где её принуждали к принесению жертвы языческому идолу. Она отказалась и была подвергнута пыткам.

В мученичестве святой Татианы Господь показал Свою безграничную мощь: по её молитве трижды разрушались статуи языческих богов или как бы сами собой, или по видимым естественным причинам, сопровождаемые землетрясением, громом и молниями. Зверские мучения, которым подвергали святую Татиану, или не причиняли ей вреда, или за ночь следы их бесследно исчезали, или сами мучители страдали от ударов, наносимых невидимой рукой. Потрясённые её стойкостью палачи тут же в застенке открыто обращались ко Христу. Голодный лев, выпущенный на святую Татиану на арене цирка, не причинил ей ни малейшего вреда. Знамения силы и истины Господней, явленные в мученичестве святой Татианы, многих привели к вере во Христа. Уставшие судьи прекратили жизнь святой мученицы ударом меча; вместе с ней казнили и её отца.

Земная жизнь наша, братья и сестры, похожа на пар, который появляется, а потом исчезает. Родится человек, цветёт здоровьем, красотой, потом стареет, умирает, и нет более человека. Если положить жизнь свою ради ближнего есть высокая степень добродетели, то пожертвовать жизнью ради Христа есть мученический подвиг, который будет увенчан Самим Господом. Не бойтесь убивающих тело, души же не могущих убить,— говорит Господь,— а бойтесь более Того, Кто может и душу и тело погубить в геене (Мф. 10, 28).

Итак, будем помнить, что жизнь наша кратковременна и что она нам дана для приготовления себя к будущей жизни. Расположим её так, чтобы не осквернить себя никаким пороком, но чтобы вместе со святым апостолом Павлом мы могли сказать: Подвигом добрым я подвизался, течение, совершил, веру сохранил; а теперь готовится мне венец правды, который даст мне Господь, праведный Судия, в день оный (2 Тим. 4, 7 — 8). Аминь.

Оставить комментарий

Ваш адрес email не будет опубликован. Обязательные поля помечены *