Святой харлампий молитва

Священномученик Харала́мпий Магнезийский, епископ

Избранному страстотерпцу и угоднику Божию, оросившему землю честною своею кровию и плодородие земли от Бога испросившему, похвальная из глубины души возглашаем пения. Ты же, яко имеяй велие дерзновение ко Господу, от всяких нас бед свободи, зовущих:

Радуйся, священномучениче Харалампие, милосердый наш пред Богом заступниче и предивный чудотворче.

Ангели на небеси радовахуся непорочному житию твоему, священномучениче Харалампио, ты бо последовал еси святым пророком и апостолом, наставляя люди на путь спасения. Сего ради вопием ти:

Радуйся, великий светильниче Церкве;

Радуйся, проповедниче правды.

Радуйся, словес жизни вечныя учителю;

Радуйся, идолослужения обличителю.

Радуйся, имже сатана посрамляется;

Радуйся, имже вера Христова прославляется.

Радуйся, яко Именем Христовым вражию силу низложил еси;

Радуйся, яко силою Божиею козни бесовския разрушил еси.

Радуйся, Харалампие, милосердый наш пред Богом заступниче и предивный чудотворче.

Видяще житие твое, благочестия и чистоты исполненное, и слышаще пламенную проповедь твою, служителие Господа Иисуса Христа, укреплени бывше в вере и благочестии, возрадовашася, поюще всех Творцу: Аллилуиа.

Разумом, просвещенным от Господа, исполнен быв и долголетия мудростию украшен, не восхотел еси послушати совета Лукиана игемона еже приступити с жертвами к богом бездушным, и велиих мучений не убоялся еси. Темже вопием ти:

Радуйся, угрозы Лукиана презревый;

Радуйся, постом и молитвою долголетие стяжавый.

Радуйся, благ невидимых взыскателю;

Радуйся, креста Христова победный носителю.

Радуйся, мучители твоя возлюбивый;

Радуйся, сердца их ко Христу обративый.

Радуйся, имже истинная вера утвердися;

Радуйся, имже прелесть бесовская посрамися.

Радуйся, Харалампие, милосердый наш пред Богом заступниче и предивный чудотворче.

Кондак 3

Силою Вышняго укреплен быв, победил еси велия мучения, и стружем ногтьми железными, молился еси ко Господу, исцеляя болезни твоих мучителей и воспевая Богу песнь: Аллилуиа.

Имеяй велию милость Господню, удостоился еси, священномучениче Харалампие, гласа Божия, от облака исходяща, Емуже внемлюще, благоговейно рцем:

Радуйся, светильниче земный;

Радуйся, в небесныя обители преселивыйся.

Радуйся, собеседниче ангелом;

Радуйся, сожителю пророком.

Радуйся, апостолом сопрестольниче;

Радуйся, совоинственниче мучеником.

Радуйся, беседы Господни удостоивыйся;

Радуйся, яко услыша Господь молитвы твоя.

Радуйся, Харалампие, милосердый наш пред Богом заступниче и предивный чудотворче.

Буря велия грады, веси и всяк злак сельный разрушает; горшия бури житейския злобы, неверия и злодеяний человеческих души наша смущают и житие наше мраком покрывают. Но помози нам, преславный священномучениче, почитающим подвиги и страдания твоя и поющим о тебе дивному во святых Своих Богу: Аллилуиа.

Слышав нечестивый царь римский Севир, яко в мучениих неодолен явился еси, исполнися гнева; ты же, долготерпеливо, егда острое железное гвоздие вбито бысть в честное тело твое, ничтоже глаголя вопреки мучителем твоим, вся сия в веселии и радости претерпел еси. Сего ради ублажаем долготерпение твое звании сими:

Радуйся, образе кротости духовныя;

Радуйся, долготерпением Господу Иисусу Христу подражавый.

Радуйся, яко и безсловесная тварь предивному терпению твоему ужасашеся;

Радуйся, яко Господь Бог с тобою в мучениих твоих пребыл есть.

Радуйся, множество людей долготерпением твоим приведый ко Господу;

Радуйся, от Господа прославленный.

Радуйся, исцелений источниче;

Радуйся, человеком помощниче.

Радуйся, Харалампие, милосердый наш пред Богом заступниче и предивный чудотворче.

Боготечная звезда был еси жене некоей, яже, видящи страдания твоя и умилившися сердцем, велегласно возгласи: человече Божий, честна есть старость твоя, и Бог с тобою есть, в Негоже веровати имам, поюще Ему: Аллилуиа.

Видя царь Севир во исцелении некоего человека, бесом одержима, чудодейственную силу Христову, в тебе, досточудный священномучениче, обитающую, зело удивися и рече: воистину велик есть Бог христианский! Сего ради и мы, восхваляюще страдания и чудеса твоя, преславный исповедниче Христов, взываем ти радостно:

Радуйся, чудотворче предивный;

Радуйся, веры поборниче победоносный.

Радуйся, от огненнаго жжения невредим пребывый;

Радуйся, чудесы твоими неверующия люди светом Богопознания озаривый.

Радуйся, житием твоим Имя Божие прославивый;

Радуйся, егоже, яко добраго воина Христова, диавол трепещет.

Радуйся, егоже молитвою недузи врачуются;

Радуйся, егоже предстательством вернии жизнь вечную наследствуют.

Радуйся, Харалампие, милосердый наш пред Богом заступниче и предивный чудотворче.

Проповедник мужественный был еси, всехвальный Харалампие, егда глаголал еси цареви: много мя пользуют муки; елико бо тело мое ранами раздробляется, толико радуется во мне дух мой. Внемлюще словесем сим, многое множество людей исповедаху Господа Иисуса Христа и венец мученический прияша, поюще Богу: Аллилуиа.

Возсия Божие всемогущество и явися страшное Божие прещение, егда нечестивии твои мучителие хулы на Христа Господа глаголаша безстудно: земля, яко лист, колебашеся, и слышахуся свыше от облак страшнии гласи, и бяху блистания и громи; молитву же тебе сотворшу, преста Божие страшное прещение. Темже вопием ти:

Радуйся, гордых обличителю;

Радуйся, нищеты духовныя учителю.

Радуйся, хульников Имене Господня низложителю;

Радуйся, от гнева Господня человеки избавляяй.

Радуйся, блистания и громы небесныя молитвою утишаяй;

Радуйся, омертвевшия от страха человеки воскресивый.

Радуйся, велие незлобие к мучителем твоим явивый;

Радуйся, егоже ради Господь Бог возгреме во облацех воздушных.

Радуйся, Харалампие, милосердый наш пред Богом заступниче и предивный чудотворче.

Хотя спасти чистую душу дщере царевы Галины, той яви тя Господь, о Харалампие, яко ангела светла, мудра учителя и апостола веры Христовы. И внемлющи словесем твоим, блаженная Галина умилися сердцем и Богу возгласи: Аллилуиа.

Новаго тя Иосифа показа Господь Бог, егда вразуми тя известити, премудре, сказание бывшаго блаженней Галине соннаго видения. Виде бо множество водное, еже есть дарование Духа Святаго, виде сад велик при водах многих, рай Господень, и в нем виде виноград красен, праведных водворение, и стража места того, Христа Бога, вземлюща овцу на рамена Своя. Темже зовем ти:

Радуйся, старцев украшение;

Радуйся, приятелище даров Духа Святаго.

Радуйся, яко с лики ангельскими славословиши Господа;

Радуйся, яко рай Господень и жизнь вечную стяжал еси.

Радуйся, Пастыреначальника Христа Бога нашего служителю;

Радуйся, добрый стада Христова пастырю и всего мира молитвенниче.

Радуйся, винограда Господня украшение;

Радуйся, Церкве Христовы утверждение.

Радуйся, Харалампие, милосердый наш пред Богом заступниче и предивный чудотворче.

Странствия земнаго течение совершая, не восхотел еси волю нечестивых идолослужителей сотворити и от веры истинныя отступити, но вразумляяй мучители твоя богомудрыми словесы твоими, страдания за Христа восприял еси лютая, поя Господу Богу песнь победную: Аллилуиа.

Все сердце свое яростию исполнив, вдаде тя царь нечестивый некоей жене вдовице на поругание. Ты же, святе Харалампие, входя в дом ея, восклонился еси на некий при храмине столп, и абие сухий той столп прозябе; тогда жена тая, зело ужаснувшися, к Богу обратися. Мы же во умилении сердца взываем ти:

Радуйся, Харалампие, светильниче всесветлый;

Радуйся, угодниче Христов, благодатию преисполненный.

Радуйся, яко и самое имя твое чудным житием твоим оправдися;

Радуйся, вдовиц предстательство и заступление.

Радуйся, учением твоим многия ко Христу приведый;

Радуйся, сирых надеждо и укрепление.

Радуйся, мучеников красото;

Радуйся, человеколюбия зерцало.

Радуйся, Харалампие, милосердый наш пред Богом заступниче и предивный чудотворче.

Все богатство ума твоего, вся благодатныя дары, яже приял еси от Господа Бога, вдал еси, святе Харалампие, на служение человеком, научая всех вере и благочестию, и в час кончины твоея святыя не о себе самем молился еси, но о спасении и благоденствии всех, почитающих святую память твою, да наслаждаются дарований Господа Бога, поюще Ему: Аллилуиа.

Витии многовещаннии не возмогоша воспети достойно величие души твоея и неизреченное твое милосердие, имже дивящеся, мы, недостойнии, в простоте сердца зовем:

Радуйся, светильниче, мрак греховный от людей светом веры отгоняяй;

Радуйся, венцем мученическим паче звезд небесных блистаяй.

Радуйся, молитвами твоими прозябения хлебов у Христа Бога испрошаяй;

Радуйся, яко кровь твою честную на землю пролиял еси.

Радуйся, яко тою кровию щедроты Господни нам грешным стяжал еси;

Радуйся, яко Господь рекл есть тебе: буди глагол твой исцеление болящим.

Радуйся, яко приято бысть Богом моление устен твоих;

Радуйся, скорбящих благодатное утешение.

Радуйся, Харалампие, милосердый наш пред Богом заступниче и предивный чудотворче.

Кондак 10

Спасти хотя душу твою, ни во чтоже тело твое вменил еси, святый мучениче, и мечному на тя осуждению радовался еси, поя благодеющему Господу Богу: Аллилуиа.

Стена и прибежище бысть ти, великий Харалампие, Господь Бог, явивыйся ти во славе Своей в час блаженныя кончины твоея. Темже зовем ти:

Радуйся, друже Господень;

Радуйся, яко Господь дает ти, яже просиши.

Радуйся, страшную славу Господню видевый;

Радуйся, защитниче людей от глада и мора.

Радуйся, тлетворнаго воздуха, погубляющаго плоды земныя, силою Божиею отгонителю;

Радуйся, трудолюбия учителю.

Радуйся, яко о здравии телес и душ спасении ходатайствуеши;

Радуйся, яко и о скотех, созданных на потребу человеков, печешися.

Радуйся, Харалампие, милосердый наш пред Богом заступниче и предивный чудотворче.

Кондак 11

Пение умиленное аще и премногое приносим ти, чудотворче, ничтоже творим равно чудесем твоим и многому твоему к нам грешным милосердию, имже дивящеся, Господеви зовем: Аллилуиа.

Светильник путеводителен буди нам, Харалампие, во тьме греховней ходящим, и молися ко Господу, еже отъяти от нас всякое суеверие, просветити наш ум светом Евангелиа и учений, полезных ко труду земледельца и во всякой вещи, да просветлени умом, во умилении сердца зовем ти:

Радуйся, неизсякаемое миро, на труд человеч излиянное;

Радуйся, весно Господня благоуханная.

Радуйся, рая Господня древо прекрасное;

Радуйся, молитву, яко кадило благовонное, Господеви возсылаяй.

Радуйся, дыханием молитвы твоей святыя землю согреваяй;

Радуйся, предстательством твоим пред Господем росою плоды земныя орошаяй.

Радуйся, земледельцев покровителю;

Радуйся, жизни их строителю.

Радуйся, Харалампие, милосердый наш пред Богом заступниче и предивный чудотворче.

Благодать, обещанную ти Господем Богом, еже исполнитися всякому прошению твоему, ведая, — «Молю Тя, Господи, — рекл еси, — даждь славу Имени Твоему: идеже положены будут моя мощи, да не будет на месте том глад и мор, или тлетворный воздух, погубляяй плоды, но мир в человецех и телесем здравие, и душам спасение, и плодов земных изобилие да будут». О Господи Боже наш! Излий благодать Твою сию и на всех нас, поющих Ти: Аллилуиа.

Поюще твоя чудеса, преславне Харалампие, славим долготерпение, страдания и дивную кончину твою, и чудящеся милосердию твоему, сице зовем ти:

Радуйся, о дождех благовременных пред Господем ходатайствуяй;

Радуйся, молитвами твоими от бури и града нас сохраняяй.

Радуйся, ты бо просил еси плодородие месту, идеже пострадал еси;

Радуйся, ты бо молился еси ко Господу, да низпослет Он, Милосердый, на труд земледельца Свое благословение.

Радуйся, страдальче непобедимый и непреодоленный;

Радуйся, священниче Божий, о всем мире ходатайствуяй.

Радуйся, надеждо всех молящихся тебе;

Радуйся, земледельцев радость светлая.

Радуйся, Харалампие, милосердый наш пред Богом заступниче и предивный чудотворче.

О предивный Харалампие, заступниче наш премилосердый! Вонми гласу недостойныя молитвы нашея и молися за ны ко Господу, еже сохранити нас от глада и мора и междоусобныя брани, и на всяк мирный труд человеч низпослати Божие благословение, да во веки воспеваем Ему: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

Молитва 1-я

О священная и многострадальная главо, пастырю добрый словесных овец Христовых, священномучениче Христов Харалампие. Магнисийская похвало и славо вселенныя, всемирный светильниче и великий наш заступниче и помощниче в скорбех, бедах и всяких нуждах! Услыши нас грешных, к тебе прибегающих и молящихся, и избави нас от всякаго злаго обстояния. Ты бо приял еси от Господа благодать и силу велику за многия и нужныя страдания твоя и терпение, еже всюду и во всем нам помогати, и наипаче идеже память твоя почитаема будет бдением, пением и усердным молением. Сицевая благодать дадеся ти, священномучениче Христов, от явльшагося ти Господа Царя славы по твоему испрошению. Егда на мечное тя усечение осудиша, услышал еси превожделенный и сладчайший оный глас, глаголющий тебе: «Прииди, Харалампие, друже Мой, многия муки имене ради Моего претерпевый, и проси у Мене, еже хощеши, и Аз дам ти». Ты же, великий светильниче, рекл еси Христу Господу усты своими: «Господи мой, велико убо мне есть от Тебе, Света невечерняго, дарование сие. Аще угодно есть величеству Твоему, молю Тя, благоволи даровати мя сицевую милость Свою: да идиже положены будут мощи моя и почитаема будет память страдания моего, не будет на месте том ни глада, ни мора, или тлетворного воздуха, погубляющего плоды, но да будет паче на месте оном мир, здравие телесем и душам спасение, изобилие пшеницы, вина, и елеа и умножение скотов, яже на потребу человеком». Ты же паки, угодниче Христов Харалампие многострадальниче, глас Господен услышал еси, вещающий тебе: «буди по прошению твоему, преславный Мой воине». И абие, по глаголании сем Господнем предал еси душу свою без мечнаго посечения, и пойде во след Христа Господа со славою многою, Ангелом убо сретающим и провождающим ю до престола Господня с радостию великою. И тако приял еси венец славы от Божественныя руки Его с лики святых, вечно славящих пресвятое имя Господа. И тамо, во славе небесней пребывая, призри, угодниче Божий, и на нас грешных, молящихся тебе, и воспомяни нас пред Господем, еже даровати нам на потребу велия Его милости в безконечныя веки. Аминь.

Молитва 2-я

О пречудный священномучениче Харалампие, страстотерпче непреодоленный, священниче Божий, о всем мире ходатайствуяй! Призри на моление нас почитающих святую память твою. Испроси нам у Господа Бога прощение грехов наших, да не до конца прогневается на нас Господь: согрешихом бо и недостойни явихомся милосердия Божия. Моли о нас Господа Бога, да низпослет мир на грады и веси наша, да избавит нас от нашествия иноплеменников, междуусобныя брани и всяких раздоров и нестроений! Утверди, священномучениче, веру и благочестие во всех чадах православныя христианския церкви, и да избавит нас Господь Бог от ересей, расколов и всякаго суеверия. О милосердный мучениче! Молися за ны ко Господу, да сохранит нас от глада и всяких болезней, и да подаст нам изобилие плодов земных, скотов умножение на потребу человеком и вся нам полезная: наипаче же да сподобимся, молитвами твоими, небеснаго царствия Христа Бога нашего, Ему же честь и поклонение подобает, со безначальным его Отцем и Пресвятым Духом, ныне и присно, и во веки веков. Аминь.

Молитва 3-я

О священнейшая главо, пастырю добрый словесных овец Христовых, священномученниче Христов Харалампие, великий о нас заступниче в скорбех и бедах и во всех нуждах! Услыши нас, грешных и недостойных раб твоих (имена), молящихся тебе, да твоими всесильными молитвами Всеблагий Господь избавит ны от всякаго злаго обстояния, простит вся согрешения, вольная и невольная, сподобит ны прочая лета жизни нашея скончати в соблюдении заповедей Его и покаянии. Испроси, угодниче Божий, да пребудет благословение Царя Небеснаго над благословенною Им Россиею, да будет на месте сем мир, телесам здравие и душам спасение. На твоя моления, на тя, священномучениче Христов Харалампие, уповаем, получити велию милость от Господа в безконечный век. Аминь.

Там, где его мощи, не бывает эпидемий

Священномученик Харалампий

Первые три века нашей эры переполнены историями мученичества христиан. Сегодня мы читаем эти жития с содроганием и, быть может, как некоторое преувеличение: страшно поверить, что один человек может додуматься до столь изощренных пыток, а другой – столь мужественно их вытерпеть. Но XX век показал, что нечеловеческая жестокость не искоренилась в людях и в «цивилизованную» пору.

О мучениках первых веков, как правило, известно очень мало. Все, что было до их подвига, остается неизвестным, что было после – зачастую обрастает народными преданиями. Тем не менее попробуем исследовать судьбу священномученика Харалампия, епископа, родившегося через 100 лет после Христа и уже в глубокой старости подвергшегося испытанию своей веры и стойкости.

По преданию, Харалампий никогда не был женат, исполнив слова апостола Павла: «Безбрачным же и вдовам говорю: хорошо им оставаться, как я» (1 Кор. 7: 8). Он был епископом города Магнисия в Фессалии, входившей в состав Римской империи (территория современной Греции). В первые века христианства епископ – это своего рода глава христианской общины того или иного крупного города или области. Он не был окружен чрезвычайными почестями, а мог наравне со своей паствой, как святитель Спиридон Тримифунтский, зарабатывать на жизнь простым трудом. Конкретные дела Харалампия в его епископском служении неизвестны, но молва о нем как о выдающемся пастыре и миссионере, обращавшем в христианство язычников, дошла до правителя провинции. Правил в то время Лукиан. К нему и привели 113-летнего старца.

Старец благодарил истязателей, говоря: “Острогавши мое тело, вы обновили мой дух”

Вероятно, в ход шли и ласкательства, и запугивание, но святой отказался отрекаться от своей веры и приносить жертвы богам, а также признавать божественность императора. Лукиан и военачальник Луций подвергли старца истязаниям: подвесив несчастного, строгали его тело железными крючьями, сдирая кожу. Старец только благодарил истязателей, говоря: «Острогавши мое тело, вы обновили мой дух!» Под впечатлением от незлобия, стойкости и веры этого человека два воина – Порфирий и Ваптос – исповедали себя христианами. Их тут же зарубили мечами. Этих мужественных людей сегодня чтут в один день со старцем-мучеником.

В те времена истязания и казни становились зрелищами – и это было в порядке вещей. Предания очень часто свидетельствуют о том, как сами зрители или истязатели становились мучениками – исповедав Христа и, как говорит о том Церковь, крестясь в собственной крови, пробыв христианами считанные минуты или часы. Так было, например, со святым Вонифатием, чью память мы празднуем 19 декабря / 1 января, – блудником, проводившим вольную, разнузданную жизнь, искавшим покаяния, но не способным преодолеть свои страсти. Увидев истязания христиан и их терпение, он бросился целовать их ноги, исповедал себя христианином и тут же был казнен.

Священномученик Харалампий Так и мученичество старца-епископа не оставило равнодушными многих свидетелей. Трое из них – женщины – открыто исповедовали себя христианками и были убиты в тот же день.

Такое развитие событий еще более разгорячило военачальника Луция, он выхватил инструмент пыток у воинов и сам принялся пытать Харалампия. Предание свидетельствует, что вдруг у военачальника отнялись и безвольно повисли вдоль тела обе руки. Тогда обезумевший от гнева глава провинции Лукиан плюнул в лицо Харалампию. В этот момент, гласит предание, шею этого человека скрутила судорога и лицо его повернулось на 180 градусов.

По молитвам святого истязатели были исцелены, Луций молил о прощении и выразил желание креститься. Пытки и гонения на христиан в области были приостановлены. Но Лукиан сказал, что всё же обязан поставить в известность о случившемся императора – Септимия Севера.

В 202 году вышел указ, который запрещал гражданам Римской империи обращаться в христианство и в иудаизм

Септимий Север правил Римом с 193 по 211 год, к власти он пришел через кровь и военный мятеж, и все его правление было отмечено усилением милитаризма и непримиримым отношением к христианам. Известен его указ, вышедший в 202 году (возможно, как раз после мученичества Харалампия), который запрещал гражданам Римской империи обращаться в христианство и иудаизм. Вот к этому-то правителю, пребывавшему тогда в Малой Азии, в Антиохии Писидийской, и направил свой доклад Лукиан. Надо ли говорить о том, какой реакции удостоил дошедшую до него весть венценосный язычник?

Старца приказано было привести к нему. И начался новый круг пыток… В бороду страдальца вплели веревку и так повели его к императору. Сперва тот распорядился о новых истязаниях огнем и железом и только потом устроил допрос. Из лукавого желания угодить императору даже его наложница сыпала горящие угли на голову и лицо 113-летнего епископа…

Правитель допрашивал и испытывал святого. Например, велел привести к нему бесноватого – человека, который 35 лет назад убил и обокрал своего ближнего. Не успел бесноватый войти, как бес от близости к святости завопил и по приказу епископа вышел из одержимого.

Мощи священномученика Харалампия

На допросе император пришел в такой гнев, что выстрелил из лука в небо и стал хулить Христа

Император колебался… То признавал старца чудотворцем и прекращал мучения, то с новой жестокостью набрасывался на исповедника, обвиняя его в волхвовании и посягательстве на его, императора, власть. В разгар очередного допроса Септимий пришел в такой гнев, что взял лук, выстрелил в небо и стал хулить Христа, призывая Его спуститься и отомстить…

В конце концов Харалампий был осужден на смерть. На месте казни ему явился Сам Господь со множеством ангелов и сказал, что святой может просить у Него всё, что угодно. Харалампий ответил Христу, что увидеть Его – уже великая милость, но если угодно Богу, то пусть в той местности, где будут почивать мощи святого и чтить его память, не будет ни голода, ни эпидемий, но воцарятся мир и благосостояние.

Господь ответил святому: «Да будет по прошению твоему, мужественный Мой воин!» И тут же Харалампий испустил дух, а его душа вознеслась на небо.

Всё, что произошло в финале земной жизни священномученика Харалампия, очень многих людей не оставило равнодушными: невозможно сказать, скольких он обратил в христианство одним своим примером. Предание говорит о том, что среди таких обращенных была дочь императора Галина (хотя в исторических источниках упоминаются лишь два сына Септимия Севера). Говорят, что именно Галина похоронила святого.

Сегодня его мощи находятся в одном из шести сохранившихся Метеорских монастырей в Греции – монастыре святого Стефана, а частицы – во всем православном мире. И действительно, есть свидетельства, что там, где находится даже частичка мощей святого, не бывает эпидемий и голода.

Храм Архангела Михаила в Тропарево, один из приделов которого посвящен священномученику Харалампию

Святому священномученику Харалампию

Тропарь, глас 2-й:
Молитвами твоими ко Господу от зол, бед, напастей свободи, верно к тебе прибегающих и сетей избави вражиих, великий страстотерпче Харалампие.

Кондак, глас 6-й:
Яко мученик и исповедник цвет, двойным венцем Христос тя увенча, возвеличив безчисленными чудесы на земли, но яко благодать Господню являя нам, верно к тебе прибегающим даруй мир, помози в напастех и лютых бедах, святейший Харалампие.

Молитва:
О священная и многострадальная главо, пастырю добрый словесных овец Христовых, священномучениче Христов Харалампие, Магнисийская похвало и славо вселенныя, всемирный светильниче и великий наш заступниче и помощниче в скорбех, бедах и всяких нуждах! Услыши нас грешных, к тебе прибегающих и молящихся, и избави нас от всякаго злаго обстояния. Tы бо приял от Господа благодать и силу велику за многия и нуждныя страдания твоя и терпение, еже всюду и во всем нам помогати, и наипаче идеже память твоя почитаема будет бдением, пением и усердным молением. Сицевая благодать дадеся ти, священномучениче Христов, от явльшагося ти Господа Царя славы по твоему испрошению. Eгда на мечное усечение тя осудиша, услышал еси превожделенный и сладчайший оный глас, глаголющий тебе: «прииди, Харалампие, друже Мой, многия муки имене ради Моего претерпевый, и проси у Мене, еже хощеши, и Аз дам ти». Ты ж великий светильниче, рекл еси Христу Господу усты своими: «Господи мой, велико убо мне есть от Тебе, Света невечерняго, дарование сие. Аще угодно есть величеству Твоему, молю Тя, благоволи даровати ми сицевую милость Свою: да идеже положены будут мощи моя и почитаема будет память страдания моего, не будет на месте том ни глада, ни мора, ни тлетворнаго воздуха, погубляющаго плоды, но да будет паче на месте оном мир, здравие телесем и душам спасение, изобилие пшеницы, вина и елеа и умножение скотов, яже на потребу человеком». Ты же паки, угодниче Христов, Харалампие многострадальниче, глас Господень услышал еси, вещающий тебе: «буди по прошению твоему, преславный Мой воине». И абие, по глаголании сем Господнем, предал еси душу свою без мечнаго посечения, и пойде во след Христа Господа со славою многою, ангелом убо сретающим и провождающим ю до Престола Господня с радостию великою. И тако приял еси венец славы от Божественныя руки Его с лики святых, вечно славящих Пресвятое имя Господа. И тамо, во славе небесней пребывая, призри, угодниче Божий, и на нас грешных, молящихся тебе, и воспомяни нас пред Господем, еже даровати нам на потребу велия Его милости в безконечныя веки. Аминь.

>Акафист священномученику Харлампию

Кондак 1

Избранному страстотерпцу и угоднику Божию, оросившему землю честною своею кровию и плодородие земли от Бога испросившему, похвальная из глубины души возглашаем пения. Ты же имеяй велие дерзновение ко Господу, от всяких нас бед свободи, зовущих:

Радуйся, священномучениче Харалампие, милосердый наш пред Богом заступниче и предивный чудотворче.

Икос 1

Ангели на небеси радовахуся непорочному житию твоему, священномучениче Харалампие, ты бо последовал еси святым пророком и Апостолом, наставляя люди на путь спасения. Сего ради вопием ти:

Радуйся, великий светильниче Церкве; радуйся, проповедниче правды.

Радуйся, словес жизни вечныя учителю; радуйся, идолослужения обличителю.

Радуйся, имже сатана посрамляется; радуйся, имже вера Христова прославляется.

Радуйся, яко именем Христовым вражию силу низложил еси; радуйся, яко силою Божиею козни бесовския разрушил еси.

Радуйся, священномучениче Харалампие, милосердый наш пред Богом заступниче и предивный чудотворче.

Кондак 2

Видяще житие твое, благочестия и чистоты исполненное, и слышаще пламенную проповедь твою, служителие Господа Иисуса Христа, укреплени бывше в вере и благочестии, возрадовашася, поюще всех Творцу: Аллилуиа.

Икос 2

Разумом, просвещенным от Господа, исполнен быв и долголетия мудростию украшен, не восхотел еси послушати совета Лукиана игемона, еже приступити с жертвами к богом бездушным, и велиих мучений не убоялся еси. Темже вопием ти:

Радуйся, угрозы Лукиана презревый; радуйся, постом и молитвою долголетие стяжавый.

Радуйся, благ невидимых взыскателю; радуйся, креста Христова победный носителю.

Радуйся, мучители твоя возлюбивый; радуйся, сердца их ко Христу обративый.

Радуйся, имже истинная вера утвердися; радуйся, имже прелесть бесовская посрамися.

Радуйся, священномучениче Харалампие, милосердый наш пред Богом заступниче и предивный чудотворче.

>Кондак 3

Силою Вышняго укреплен быв, победил еси велия мучения, и стружем ногтьми железными, молился еси ко Господу, исцеляя болезни твоих мучителей и воспевая Богу песнь: Аллилуиа.

Икос 3

Имеяй велию милость Господню, удостоился еси, священномучениче Харалампие, гласа Божия, от облака исходяща, Емуже внемлюще, благоговейно рцем:

Радуйся, светильниче земный; радуйся, в небесныя обители преселивыйся.

Радуйся, собеседниче Ангелом; радуйся, сожителю пророком.

Радуйся, Апостолом сопрестольниче; радуйся, совоинственниче мучеником.

Радуйся, беседы Господни удостоивыйся; радуйся, яко услыша Господь молитвы твоя.

Радуйся, священномучениче Харалампие, милосердый наш пред Богом заступниче и предивный чудотворче.

Кондак 4

Буря велия грады, веси и всяк злак сельный разрушает; горшия бури житейския злобы, неверия и злодеяний человеческих души наша смущают и житие наше мраком покрывают. Но помози нам, преславный священномучениче, почитающим подвиги и страдания твоя и поющим о тебе дивному во святых Своих Богу: Аллилуиа.

Икос 4

Слышав нечестивый царь римский Севир, яко в мучениих неодолен явился еси, исполнися гнева; ты же, долготерпеливе, егда острое железное гвоздие вбито бысть в честное тело твое, ничтоже глаголя вопреки мучителем твоим, вся сия в веселии и радости претерпел еси. Сего ради ублажаем долготерпение твое звании сими:

Радуйся, образе кротости духовныя; радуйся, долготерпением Господу Иисусу Христу подражавый.

Радуйся, яко и безсловесная тварь предивному терпению твоему ужасашеся; радуйся, яко Господь Бог с тобою в мучениих твоих пребыл есть.

Радуйся, множество людей долготерпением твоим приведый ко Господу; радуйся, от Господа прославленный.

Радуйся, исцелений источниче; радуйся, человеком помощниче.

Радуйся, Харалампие, милосердый наш пред Богом заступниче и предивный чудотворче.

Кондак 5

Боготечная звезда был еси жене некоей, яже, видящи страдания твоя и умилившися сердцем, велегласно возгласи: человече Божий, честна есть старость твоя, и Бог с тобою есть, в Негоже веровати имам, поюще Ему: Аллилуиа.

Икос 5

Видя царь Севир во исцелении некоего человека, бесом одержима, чудодейственную силу Христову, в тебе, досточудный священномучениче, обитающую, зело удивися и рече: воистину велик есть Бог христианский! Сего ради и мы, восхваляюще страдания и чудеса твоя, преславный исповедниче Христов, взываем ти радостно:

Радуйся, чудотворче предивный; радуйся, веры поборниче победоносный.

Радуйся, от огненнаго жжения невредим пребывый; радуйся, чудесы твоими неверующия люди светом богопознания озаривый.

Радуйся, житием твоим имя Божие прославивый; радуйся, егоже, яко добраго воина Христова, диавол трепещет.

Радуйся, егоже молитвою недузи врачуются; радуйся, егоже предстательством вернии жизнь вечную наследствуют.

Радуйся, Харалампие, милосердый наш пред Богом заступниче и предивный чудотворче.

Кондак 6

Проповедник мужественный был еси, всехвальный Харалампие, егда глаголал еси цареви: много мя пользуют муки; елико бо тело мое ранами раздробляется, толико радуется во мне дух мой. Внемлюще словесем сим, многое множество людей исповедаху Господа Иисуса Христа и венец мученический прияша, поюще Богу: Аллилуиа.

Икос 6

Возсия Божие всемогущество и явися страшное Божие прещение, егда нечестивии твои мучителие хулы на Христа Господа глаголаша безстудно: земля, яко лист, колебашеся, и слышахуся свыше от облак страшнии гласи, и бяху блистания и громи; молитву же тебе сотворшу, преста Божие страшное прещение. Темже вопием ти:

Радуйся, гордых обличителю; радуйся, нищеты духовныя учителю.

Радуйся, хульников имене Господня низложителю; радуйся, от гнева Господня человеки избавляяй.

Радуйся, блистания и громы небесныя молитвою утишаяй; радуйся, омертвевшия от страха человеки воскресивый.

Радуйся, велие незлобие к мучителем твоим явивый; радуйся, егоже ради Господь Бог возгреме во облацех воздушных.

Радуйся, Харалампие, милосердый наш пред Богом заступниче и предивный чудотворче.

Кондак 7

Хотя спасти чистую душу дщере царевы Галины, той яви тя Господь, о Харалампие, яко Ангела светла, мудра учителя и Апостола веры Христовы. И внемлющи словесем твоим, блаженная Галина умилися сердцем и Богу возгласи: Аллилуиа.

Икос 7

Новаго тя Иосифа показа Господь Бог, егда вразуми тя известити, премудре, сказание бывшаго блаженней Галине соннаго видения. Виде бо множество водное, еже есть дарование Духа Святаго, виде сад велик при водах многих, рай Господень, и в нем виде виноград красен, праведных водворение, и Стража места того, Христа Бога, вземлюща овцу на рамена Своя. Темже зовем ти:

Радуйся, старцев украшение; радуйся, приятелище даров Духа Святаго.

Радуйся, яко с лики ангельскими славословиши Господа; радуйся, яко рай Господень и жизнь вечную стяжал еси.

Радуйся, Пастыреначальника Христа Бога нашего служителю; радуйся, добрый стада Христова пастырю и всего мира молитвенниче.

Радуйся, винограда Господня украшение; радуйся, Церкве Христовы утверждение.

Радуйся, Харалампие, милосердый наш пред Богом заступниче и предивный чудотворче.

Кондак 8

Странствия земнаго течение совершая, не восхотел еси волю нечестивых идолослужителей сотворити и от веры истинныя отступити, но вразумляяй мучители твоя Богомудрыми словесы твоими, страдания за Христа восприял еси лютая, поя Господу Богу песнь победную: Аллилуиа.

Икос 8

Все сердце свое яростию исполнив, вдаде тя царь нечестивый некоей жене вдовице на поругание. Ты же, святе Харалампие, входя в дом ея, восклонился еси на некий при храмине столп, и абие сухий той столп прозябе; тогда жена тая, зело ужаснувшися, к Богу обратися. Мы же во умилении сердца взываем ти:

Радуйся, Харалампие, светильниче всесветлый; радуйся, угодниче Христов, благодатию преисполненный.

Радуйся, яко и самое имя твое чудным житием твоим оправдися; радуйся, вдовиц предстательство и заступление.

Радуйся, учением твоим многия ко Христу приведый; радуйся, сирых надеждо и укрепление.

Радуйся, мучеников красото; радуйся, человеколюбия зерцало.

Радуйся, Харалампие, милосердый наш пред Богом заступниче и предивный чудотворче.

Кондак 9

Все богатство ума твоего, вся благодатныя дары, яже приял еси от Господа Бога, вдал еси, святе Харалампие, на служение человеком, научая всех вере и благочестию, и в час кончины твоея святыя не о себе самем молился еси, но о спасении и благоденствии всех, почитающих святую память твою, да наслаждаются дарований Господа Бога, поюще Ему: Аллилуиа.

Икос 9

Витии многовещаннии не возмогоша воспети достойно величие души твоея и неизреченное твое милосердие, имже дивящеся, мы, недостойнии, в простоте сердца зовем:

Радуйся, светильниче, мрак греховный от людей светом веры отгоняяй; радуйся, венцем мученическим паче звезд небесных блистаяй.

Радуйся, молитвами твоими прозябения хлебов у Христа Бога испрошаяй; радуйся, яко кровь твою честную на землю пролиял еси.

Радуйся, яко тою кровию щедроты Господни нам грешным стяжал еси; радуйся, яко Господь рекл есть тебе: буди глагол твой исцеление болящим.

Радуйся, яко приято бысть Богом моление устен твоих; радуйся, скорбящих благодатное утешение.

Радуйся, Харалампие, милосердый наш пред Богом заступниче и предивный чудотворче.

>Кондак 10

Спасти хотя душу твою, ни во чтоже тело твое вменил еси, святый мучениче, и мечному на тя осуждению радовался еси, поя благодеющему Господу Богу: Аллилуиа.

Икос 10

Стена и прибежище бысть ти, великий Харалампие, Господь Бог, явивыйся ти во славе Своей в час блаженныя кончины твоея. Темже зовем ти:

Радуйся, друже Господень; радуйся, яко Господь дает ти, яже просиши.

Радуйся, страшную славу Господню видевый; радуйся, защитниче людей от глада и мора.

Радуйся, тлетворнаго воздуха, погубляющаго плоды земныя, силою Божиею отгонителю; радуйся, трудолюбия учителю.

Радуйся, яко о здравии телес и душ спасении ходатайствуеши; радуйся, яко и о скотех, созданных на потребу человеков, печешися.

Радуйся, Харалампие, милосердый наш пред Богом заступниче и предивный чудотворче.

>Кондак 11

Пение умиленное аще и премногое приносим ти, чудотворче, ничтоже творим равно чудесем твоим и многому твоему к нам грешным милосердию, имже дивящеся, Господеви зовем: Аллилуиа.

Икос 11

Светильник путеводителен буди нам, Харалампие, во тьме греховней ходящим, и молися ко Господу, еже отъяти от нас всякое суеверие, просветити наш ум светом евангелия и учений, полезных ко труду земледельца и во всякой вещи, да просветлени умом, во умилении сердца зовем ти:

Радуйся, неизсякаемое миро, на труд человеч излиянное; радуйся, весно Господня благоуханная.

Радуйся, рая Господня древо прекрасное; радуйся, молитву, яко кадило благовонное, Господеви возсылаяй.

Радуйся, дыханием молитвы твоея святыя землю согреваяй; радуйся, предстательством твоим пред Господем росою плоды земныя орошаяй.

Радуйся, земледельцев покровителю; радуйся, жизни их строителю.

Радуйся, Харалампие, милосердый наш пред Богом заступниче и предивный чудотворче.

Кондак 12

Благодать, обещанную ти Господем Богом, еже исполнитися всякому прошению твоему, ведая, — Молю Тя, Господи, — рекл еси, — даждь славу имени Твоему: идеже положены будут моя мощи, да не будет на месте том глад и мор, или тлетворный воздух, погубляяй плоды, но мир в человецех и телесем здравие, и душам спасение, и плодов земных изобилие да будут. О Господи Боже наш! Излий благодать Твою сию и на всех нас, поющих Ти: Аллилуиа.

Икос 12

Поюще твоя чудеса, преславне Харалампие, славим долготерпение, страдания и дивную кончину твою, и чудящеся милосердию твоему, сице зовем ти:

Радуйся, о дождех благовременных пред Господем ходатайствуяй; радуйся, молитвами твоими от бури и града нас сохраняяй.

Радуйся, ты бо просил еси плодородие месту, идеже пострадал еси; радуйся, ты бо молился еси ко Господу, да низпослет Он, Милосердый, на труд земледельца Свое благословение.

Радуйся, страдальче непобедимый и непреодоленный; радуйся, священниче Божий, о всем мире ходатайствуяй.

Радуйся, надеждо всех молящихся тебе; радуйся, земледельцев радость светлая.

Радуйся, Харалампие, милосердый наш пред Богом заступниче и предивный чудотворче.

Кондак 13

О предивный Харалампие, заступниче наш премилосердый! Вонми гласу недостойныя молитвы нашея и молися за ны ко Господу, еже сохранити нас от глада и мора и междоусобныя брани, и на всяк мирный труд человеч низпослати Божие благословение, да во веки воспеваем Ему: Аллилуиа.

Этот кондак читается трижды, затем 1-й икос «Ангели на небеси …» и 1-й кондак «Избранному страстотерпцу …».

Молитва вторая

О пречудный священномучениче Харалампие, страстотерпче непреодоленный, священниче Божий, о всем мире ходатайствуяй! Призри на моление нас, почитающих святую память твою. Испроси нам у Господа Бога прощение грехов наших, да не до конца прогневается на нас Господь: согрешихом бо и недостойни явихомся милосердия Божия. Моли о нас Господа Бога, да низпослет мир на грады и веси наша, да избавит нас от нашествия иноплеменников, междуусобныя брани и всяких раздоров и нестроений! Утверди, священномучениче, веру и благочестие во всех чадех православныя христианския Церкве, и да избавит нас Господь Бог от ересей, расколов и всякаго суеверия. О милосердный мучениче! Молися за ны ко Господу, да сохранит нас от глада и всяких болезней, и да подаст нам изобилие плодов земных, скотов умножение на потребу человеком и вся нам полезная: наипаче же да сподобимся, молитвами твоими, Небеснаго Царствия Христа Бога нашего, Емуже честь и поклонение подобает, со Безначальным его Отцем и Пресвятым Духом, ныне и присно, и во веки веков. Аминь.

Молитва третья

О, священнейшая главо, пастырю добрый словесных овец Христовых, священномучениче Христов Харалампие, великий о нас заступниче в скорбех и бедах и во всех нуждах! Услыши нас, грешных и недостойных раб твоих, молящихся тебе, да твоими всесильными молитвами Всеблагий Господь избавит ны от всякаго злаго обстояния, простит вся согрешения, вольная и невольная, сподобит ны прочая лета жизни нашея скончати в соблюдении заповедей Его и покаянии. Испроси, угодниче Божий, да пребудет благословение Царя Небеснаго над благословенною им Россиею. Ты бо приял еси еще в житии своем от Господа силу всем притекающим к тебе с мольбою подавати потребное, темже и старцы, и возрастнии, и дети приимаху исцеления ради ходатайства твоего, угодниче, пред Престолом Господа. Егда же на мечное тя усечение осудиша, слышал еси превожделенный и сладчайший глас Господа, глаголющ к тебе сицевая: прииди, Харалампие, друже мой, многая ради Имене Моего претерпевый, проси у Мене, чесо хощеши, и дам ти. Ты же, великий светильниче, рекл еси Ему усты своими: Господи, аще угодно Тебе есть, молю Тя, даждь славу Имени Твоему, идеже положены будут моя мощи и память моя имать почитатися, да не будет на месте том глад и мор или тлетворный воздух, погубляющ плоды, но да будет паче на местех тех мир, телесем здравие и душам спасение, изобилие же пшеницы и вина и скотов умножение на потребу человеком. И тако по прошению твоему приял еси от Господа велию благодать. На твоя моления, на тя, священномучениче Христов Харалампие, уповаем, получити велию милость от Господа в безконечный век. Аминь.

Тропарь, глас 4.

Яко столп избранный Церкве Христовой и светильник присносветлый всея вселенныя, премудре показася, Харалампие, возсия в мире мучением, разруши идольское мракобесие, блаженне, сего ради явися предстатель Христу, молися спастися нам.

К страстотерпцу Харалампию приступим и образу его поклонимся, от сердца вопиюще: мучениче Харалампие и отче, от всякаго обстояния и всех бед своих раб избави нас, в церкве твоей выну пребывающих.

Кондак, глас 8.

Подобствовав благодатию священства, славне, Церковь светло украсил еси Божественным страданием, еже за Христа приял еси доблественно, радуяся, Харалампие, честный светильниче всемирный, осияваяй концы, яко непобедимый.

Оставить комментарий

Ваш e-mail не будет опубликован. Обязательные поля помечены *