Валаамская икона божией

Текст акафиста утвержден решением Священного Синода
от 9 июля 2019 года (журнал № 82).

Кондак 1

Взбра́нной Воево́де, Влады́чице на́шей Богоро́дице, благода́рственное прино́сим пе́ние о дарова́нии чу́дныя Ея́ ико́ны Валаа́мския. Ты же, Всеми́лостивая Цари́це, я́ко иму́щая держа́ву непобеди́мую и милосе́рдие неизрече́нное, от вся́ких зол и бед нас свободи́, да зове́м Ти: Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Икос 1

А́нгелов Цари́це и всея́ тва́ри Влады́чице, прославле́нием ико́ны Своея́ святы́я всю страну́ Росси́йскую благода́тию озари́ла еси́, те́мже ве́рнии лю́дие с любо́вию припа́дающе к ди́вному о́бразу Твоему́ Валаа́мскому, прино́сят похвалы́ сия́:

Ра́дуйся, Отца́ Небе́снаго Чи́стая А́гнице;

ра́дуйся, Ма́ти Го́спода Вы́шняго.

Ра́дуйся, Це́ркве непоколеби́мый Сто́лпе;

ра́дуйся, Ца́рствия Неруши́мая Стено́.

Ра́дуйся, зе́млю Ру́сскую в уде́л Себе́ избра́вшая;

ра́дуйся, ико́ны Твоя́ чудотво́рныя, я́ко зве́зды, в ней умно́жившая.

Ра́дуйся, страны́ Росси́йския Цари́це и Влады́чице;

ра́дуйся, я́ко Тобо́ю лю́дие правосла́внии соблюда́ются.

Ра́дуйся, всю вселе́нную луча́ми Твоея́ благода́ти озаря́ющая;

ра́дуйся, све́том ра́дости ду́ши на́ша просвеща́ющая.

Ра́дуйся, непобеди́мая Воево́до царе́й и во́инов правосла́вных;

ра́дуйся, враго́в на́ших ви́димых и неви́димых побежда́ющая.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 2

Ве́дый гряду́щую сла́ву ме́ста сего́, благослови́ Госпо́дь Ма́терь Свою́ простре́ти Покро́в Ея́ над о́стровом Валаа́мом, сим Афо́ном се́верным, да вси спаса́ющиися на нем от лет дре́вних, ны́не и до ве́ка взыва́ют непреста́нно Спаси́телю и Бо́гу на́шему: Аллилу́иа.

Икос 2

Ра́зум иму́ще Боже́ственный, преподо́бнии отцы́ на́ши Се́ргий и Ге́рман приидо́ша в зе́мли се́верныя во е́же Го́споду невозбра́нно послужи́ти и дости́гше о́строва Валаа́ма, оби́тель и́ноческую та́мо устро́иша. Ты же, Пресвята́я Де́во, сохрани́ всех в ней подвиза́ющихся, еди́нем се́рдцем и еди́ными усты́ воспева́ющих Ти:

Ра́дуйся, от младе́нства Бо́гу посвяще́нная;

ра́дуйся, в хра́ме Иерусали́мском воспита́нная.

Ра́дуйся, я́ко житие́ Твое́ при хра́ме проо́браз жития́ мона́шескаго яви́ся;

ра́дуйся, и́ноков чадолюби́вая Ма́ти.

Ра́дуйся, о́стров Валаа́м явле́нием благода́ти Твоея́ освяти́вшая;

ра́дуйся, зе́млю Каре́льскую благоуха́нием свя́тости испо́лнившая.

Ра́дуйся, оби́тель Валаа́мскую, я́ко се́верный Афо́н, просла́вившая;

ра́дуйся, хра́мы и скиты́ ея́ сла́вою чуде́с Твои́х осия́вшая.

Ра́дуйся, моли́твы преподо́бных Се́ргия и Ге́рмана к Свое́й присовокупи́вшая;

ра́дуйся, ми́лостию Твое́ю на о́строве Валаа́ме ди́вный сад духо́вный насади́вшая.

Ра́дуйся, святы́я оби́тели Валаа́мския Всечестна́я Игу́мения;

ра́дуйся, Наста́внице и́ноков на путь Небе́сныя жи́зни.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 3

Си́ла Вы́шняго осени́ изо́графа, во оби́тель Валаа́мскую прите́кшаго и а́нгельский о́браз та́мо восприи́мшаго, и в честь свята́го иконопи́сца Пече́рскаго Али́пия нарече́ннаго. И дарова́ся ему́ благода́ть святы́я ико́ны писа́ти и хра́мы оби́тели ди́вно украша́ти, воспева́я Творцу́ и Господу́: Аллилу́иа.

Икос 3

Иму́щи любо́вь ко оби́тели Твое́й избра́нней, Преблагослове́нная, сподо́била еси́ изо́графа о́наго созда́ти ико́ну Твою́ честну́ю, е́йже си́лу чудотво́рную дарова́ла еси́ во исцеле́ние и спасе́ние всех с ве́рою и наде́ждою притека́ющих к ней, да ви́дяще явля́емую Тобо́ю ми́лость, вопию́т со умиле́нием такова́я:

Ра́дуйся, свяще́ннаго иконописа́ния Покрови́тельнице;

ра́дуйся, почита́ния святы́х икон утвержде́ние.

Ра́дуйся, ико́ны Твоя́ на моли́твенное обще́ние нам дарова́вшая;

ра́дуйся, чрез них благода́тную си́лу источа́ющая.

Ра́дуйся, образо́в списа́телем благогове́йным любо́вь Твою́ святу́ю явля́ющая;

ра́дуйся, в по́двизех и́ноческих их наставля́вшая.

Ра́дуйся, в труде́х иконописа́ния Али́пия укрепи́вшая;

ра́дуйся, ико́ну Твою́ ди́вную созда́ти благослови́вшая.

Ра́дуйся, на ико́не сей с Сы́ном и Бо́гом Твои́м изображе́нная;

ра́дуйся, мно́гими чудесы́ ю́ просла́вившая.

Ра́дуйся, я́ко моли́твою пред не́ю прие́млем душе́вное утеше́ние;

ра́дуйся, я́ко ико́ною Твое́ю Сама́ среди́ нас пребыва́еши.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 4

Бу́ря смуще́ний, воздвиза́емая враго́м спасе́ния, поколеба́ кора́бль смире́ния и́нока Али́пия, и пону́ди его́ оста́вити оби́тель Валаа́мскую. Оба́че моли́твами Твои́ми, Пречи́стая Богоро́дице, па́ки во оби́тель возврати́ся, и со слеза́ми к стопа́м игу́мена припа́д, вся ко́зни сопроти́внаго попра́ и всего́ себе́ Бо́гови предаде́. Те́мже в поще́нии, моли́твах и труде́х мно́гих во оби́тели жизнь препроводи́в, сподо́бися в день А́нгела своего́ пресели́тися во оби́тели Небе́сныя, иде́же с ли́ком А́нгельским пое́т Бо́гу: Аллилу́иа.

Икос 4

Слы́ша Госпо́дь ско́рбь жены́, двана́десять лет обурева́емыя тя́жкою боле́знию, дарова́ ей по́мощь благода́тную Богома́тере, Я́же яви́ся боля́щей в со́ннем виде́нии и повеле́ ей напра́вити стопы́ своя́ на Валаа́м, да просла́вится та́мо ико́на Ея́ чу́дная, дото́ле в небреже́нии пребыва́вшая, от нея́же мно́зи обрету́т ра́дость духо́вную и исцеле́ние, вопию́ще Преблагослове́нней:

Ра́дуйся, моли́тву серде́чную боля́щия рабы́ Бо́жия услы́шавшая;

ра́дуйся, в со́ннем виде́нии троекра́тно ей яви́вшаяся.

Ра́дуйся, неду́жную ста́рицу со одра́ боле́зни воздви́гшая;

ра́дуйся, во оби́тель Валаа́мскую ю напра́вившая.

Ра́дуйся, чудотво́рную си́лу ико́ны Твоея́ откры́вшая;

ра́дуйся, ико́ну Твою́ ди́вную во оби́тели показа́вшая.

Ра́дуйся, прославле́ние ико́ны Твоея́ исцеле́нием тя́жко боля́щия жены́ знаменова́вшая;

ра́дуйся, сердца́ правосла́вных неизрече́нною ра́достию испо́лнившая.

Ра́дуйся, ико́ною Твое́ю в земли́ полу́нощней, я́ко со́лнце просия́вшая;

ра́дуйся, сию́ я́ко сокро́вище безце́нное нам оста́вившая.

Ра́дуйся, я́ко пред не́ю ве́рнии благогове́йно покланя́ются;

ра́дуйся, я́ко моля́щимся пред не́ю исцеле́ния подаю́тся.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 5

Боготе́чней звезде́ подо́бна яви́ся всечестна́я ико́на Твоя́, Влады́чице, ю́же я́ко дар небе́сный восприи́мше, и́ноцы оби́тели Валаа́мския поста́виша в собо́рнем хра́ме Преображе́ния Госпо́дня, благода́рственно взыва́юще Бо́гу: Аллилу́иа.

Икос 5

Ви́девше чу́до исцеле́ния боля́щия от ико́ны Твоея́, Пресвята́я Де́во, бра́тия оби́тели ра́дости испо́лнишася и пречи́стому Твоему́ о́бразу с любо́вию и благогове́нием поклони́шася. Мы же, гре́шнии, зря́ще и ны́не во оби́тели сла́вней изображе́нную на ико́не Ма́терь Го́спода, ру́це к ней простира́ем и умиле́нно зове́м:

Ра́дуйся, о́стров Валаа́м благослове́нием Твои́м осени́вшая;

ра́дуйся, оби́тели Валаа́мския сокро́вище неоску́дное.

Ра́дуйся, любо́вь Твою́ ко оби́тели показа́вшая;

ра́дуйся, благо́е промышле́ние о ней яви́вшая.

Ра́дуйся, оби́тель сию́ ми́лостию Твое́ю посети́вшая;

ра́дуйся, в залог любве́ ико́ну Твою́ чу́дную ей дарова́вшая.

Ра́дуйся, во оби́тели дре́вней просла́вленная;

ра́дуйся, и́ноков валаа́мских Покрови́тельнице.

Ра́дуйся, подвиза́ющимся в ней наде́жное заступле́ние;

ра́дуйся, приходя́щим в ню́ на поклоне́ние блага́я Предста́тельнице.

Ра́дуйся, и́ноков оби́тели на служе́ние Го́споду собира́ющая;

ра́дуйся, в служе́нии сем путь показу́ющая.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 6

Пропове́дница благода́тныя по́мощи Влады́чицы яви́ся исцеле́нная раба́ Бо́жия, и о чудеси́, на ней бы́вшем, с ра́достию и благогове́нием всем пове́да. Е́йже подража́юще, и мы прославля́ем ми́лости Твоя́, Де́во Пречи́стая, от ико́ны излива́емыя, я́ко гра́ды и ве́си огражда́еши, оби́тели и́ноческия защища́еши, неду́жныя исцеля́еши и вся блага́я ниспосыла́еши всем лю́бящим Тя и пою́щим Сы́ну Твоему́: Аллилу́иа.

Икос 6

Возсия́ на о́строве Валаа́ме о́браз равноа́нгельнаго жития́ всем и́щущим спасе́ния дале́че от суеты́ мирски́я под держа́вным Покро́вом Богома́тере, Ея́же ико́на во оби́тели я́ко зна́мение попече́ния Пречи́стыя о всех нас зри́тся. Мы же, грехми́ помраче́ннии, толи́кую ми́лость ве́дуще, воспои́м Преблагослове́нней:

Ра́дуйся, Благода́тная, оби́тель святу́ю осени́вшая пречи́стым Твои́м о́бразом;

ра́дуйся, я́ко па́че би́сер слеза́ми ра́дости ико́на Твоя́ украша́ется.

Ра́дуйся, си́лу Твою́ благода́тную в сей ико́не оби́льно яви́вшая;

ра́дуйся, во всем ми́ре исто́чник исцеле́ний от святы́х ико́н Твои́х подаю́щая.

Ра́дуйся, покланя́ющимся ико́не Твое́й в печа́лех и беда́х ско́ро помога́ющая;

ра́дуйся, и нас гре́шных ко спасе́нию наставля́ющая.

Ра́дуйся, о всех чту́щих о́браз Твой промышля́ющая;

ра́дуйся, чудесы́ от него́ ве́ру и́стинную в лю́дех утвержда́ющая.

Ра́дуйся, Бо́гом дарова́нная отра́до стра́ждущим;

ра́дуйся, сокро́вище благода́ти неоскудева́емое.

Ра́дуйся, ру́це Твои́ к Бо́гу о нас простира́ющая;

ра́дуйся, ве́чною ра́достию нас одева́ющая.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 7

Хотя́ вели́кий князь Никола́й благода́рственная принести́ Тебе́, Богоро́дице, повеле́ в годи́ну бра́ни всеми́рныя устро́ити храм во и́мя Твое́, да вси и́ноцы оби́тели помина́ют вожде́й и во́инов за ве́ру, царя́ и Отече́ство живо́т свой положи́вших, во вся дни пою́ще Бо́гу: Аллилу́иа.

Икос 7

Но́вое чу́до показа́ Госпо́дь, егда́ ста́рец Валаа́мский Бори́с в виде́нии узре́ преподо́бных Се́ргия и Ге́рмана, ико́не Богома́тере предстоя́щих и моля́щихся во увере́ние пребыва́ния их во оби́тели со бра́тиею. Мы же ублажа́юще сих уго́дников Бо́жиих мо́лимся, о е́же сподо́битися нам, вку́пе с ни́ми досто́йно воспе́ти Всесвяту́ю Ма́терь Го́спода:

Ра́дуйся, Афо́н се́верный с преподо́бными Се́ргием и Ге́рманом охраня́ющая;

ра́дуйся, ста́рца валаа́мскаго виде́ний сподо́бившая.

Ра́дуйся, Оте́чества на́шего Печа́льнице;

ра́дуйся, держа́вная Покрови́тельнице на́ша во дни тя́жких испыта́ний.

Ра́дуйся, во дни бра́ни ско́рая на враги́ Помо́щнице;

ра́дуйся, во дни ми́ра ко благоче́стию Наста́внице.

Ра́дуйся, во́инов правосла́вных на по́двиг ра́тный укрепля́ющая;

ра́дуйся, му́жество неодоли́мое им да́рующая.

Ра́дуйся, си́лу ду́ха их возвыша́ющая;

ра́дуйся, до́брым страти́гом и ра́тником венцы́ уготовля́ющая.

Ра́дуйся, со Архистрати́гом враги́ на́ша поража́ющая;

ра́дуйся, моли́твами Твои́ми весь мир спаса́ющая.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 8

Стра́нное и ди́вное виде́ние дарова́ Госпо́дь ста́рцу Бори́су в преддве́рии низпроверже́ния Ца́рства Росси́йскаго: ви́де пра́ведник Тя, Ма́терь Бо́жию, пред Сы́ном Твои́м и Го́сподем те́пле Его́ умоля́вшую со слеза́ми, да отве́рзет две́ри милосе́рдия Своего́ стране́ нашей и лю́дем ея́. Те́мже у́бо воспла́чемся и мы о гресе́х свои́х и с наде́ждою возопии́м Бо́гу: Аллилу́иа.

Икос 8

Вся страна́ Росси́йская в страх и тре́пет прии́де, егда́ восхоте́ враг ро́да челове́ческаго ве́ру Христо́ву в ней истреби́ти. Ты же, Всеми́лостивая, во дни лихоле́тия сохрани́ла еси́ зе́млю Ру́сскую от поги́бели и ве́ру Правосла́вную от истребле́ния спасла́ еси́. Помози́ у́бо нам, Влады́чице, с терпе́нием и благодаре́нием вся́кия ско́рби и беды́ претерпева́ти и взыва́ти Тебе́ ра́достно:

Ра́дуйся, избра́нным Твои́м виде́ния небе́сная открыва́ющая;

ра́дуйся, ди́вная зна́мения ико́ною Твое́ю соверша́ющая.

Ра́дуйся, люде́й правосла́вных благода́тное утвержде́ние;

ра́дуйся, в годи́ну испыта́ний держа́вною Твое́ю руко́ю от поги́бели нас спа́сшая.

Ра́дуйся, Це́рковь Ру́сскую во дни гоне́ний омофо́ром Твои́м покрыва́ющая;

ра́дуйся, в страда́ниих за Христа́ му́чеников и испове́дников ве́ры укрепля́ющая.

Ра́дуйся, во́инствующих на Це́рковь Бо́жию вразумля́ющая;

ра́дуйся, зло́бу и кова́рство их посрамляющая.

Ра́дуйся, вра́жду и не́нависть ми́ром и любо́вию побежда́ющая;

ра́дуйся, сле́зы чад Твои́х отира́ющая.

Ра́дуйся, луча́ми Боже́ственными тьму вра́жию попаля́ющая;

ра́дуйся, во ору́жие све́та нас облека́ющая.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 9

Всех в разсе́янии су́щих люде́й ру́сских уте́шила еси́, Ма́ти Бо́жия, ико́ною Твое́ю Валаа́мскою. И́ноцы бо оби́тели вку́пе с ве́рными ча́ды Це́ркве Правосла́вныя ско́рби разлуче́ния с Оте́чеством со смире́нием прие́млюще, к чудотво́рному о́бразу Влады́чицы притека́ху, в единомы́слии воспева́юще Бо́гу: Аллилу́иа.

Икос 9

Вети́и челове́честии недоуме́ют разуме́ти та́йну спасе́ния Оте́чества на́шего во дни вели́каго наше́ствия иноплеме́нник, егда́ смерть и у́жас по лицу́ земли́ Ру́сския проидо́ша, плач и стена́ние ю́ огласи́ша. Тогда́ у́бо вси на Тя, Пречи́стая, упова́ние возложи́вшии и от Тебе́ Еди́ныя спасе́ния ча́ющии, поя́ху со слеза́ми:

Ра́дуйся, Засту́пнице на́ша усе́рдная;

ра́дуйся, от всех врагов Избавле́ние.

Ра́дуйся, на по́двиги бра́ни во́инския и духо́вныя нас вдохновля́ющая;

ра́дуйся, го́рдых си́лою Твое́ю со стыдо́м вспять возвраща́ющая.

Ра́дуйся, я́ко Тобо́ю милосе́рдие Бо́жие улуча́ем;

ра́дуйся, я́ко мно́го мо́жет моли́тва Твоя́ пред Сы́ном Твои́м и Бо́гом на́шим.

Ра́дуйся, ико́ну Твою́ святу́ю в беда́х и испыта́ниих невреди́мо сохрани́вшая;

ра́дуйся, ру́сских люде́й в разсе́янии су́щих е́ю утеша́вшая.

Ра́дуйся, всех разсе́янных воеди́но собира́ющая;

ра́дуйся, раздо́ры и нестроения умиря́ющая.

Ра́дуйся, Наде́ждо и Прибе́жище на́ше;

ра́дуйся, Непобеди́мая Побе́до.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 10

Спасти́ хотя́щи стра́ждущую страну́ на́шу, яви́лася еси́, Пречи́стая, в виде́нии ста́рцу Валаа́мскому Михаи́лу, я́ко Предста́тельница на́ша пред Бо́гом и Засту́пница, и в гро́зный час беды́ враго́м противоста́ла еси́, кре́пость во́ином подала́ еси́, полки́ инопле́менных вспять обраща́ющи, и побе́ду росси́йскому во́инству дарова́ла еси́, да вси лю́дие страны́ на́шея пою́т Спаси́телю Бо́гу: Аллилу́иа.

Икос 10

Стена́ необори́мая и исто́чник чуде́с ико́на Твоя́ свята́я яви́ся, Богоро́дице Де́во, не то́кмо оби́тели Валаа́мской, но и всей стране́ нашей, зе́млю на́шу огражда́ющая и в Руси́ Святе́й благогове́йне чти́мая. Спаси́ и поми́луй нас, припа́дающих ко о́бразу Твоему́ чудотво́рному, да сподо́бимся вся́каго утеше́ния, воспева́юще Тебе́:

Ра́дуйся, в со́ниих и виде́ниих рабо́в Твои́х посеща́ющая;

ра́дуйся, та́йны промышле́ния Бо́жия о стране́ нашей им открывающая.

Ра́дуйся, ста́рцу Михаи́лу зна́мение Твоего́ милосе́рдия к наро́ду на́шему яви́вшая;

ра́дуйся, держа́ву Росси́йскую па́ки сла́вою Твое́ю осия́вшая.

Ра́дуйся, пред Го́сподем дерзнове́нная на́ша Предста́тельнице;

ра́дуйся, гнев Его́ пра́ведный, на ны дви́жимый, на ми́лость прелага́ющая.

Ра́дуйся, проти́ву слуг сатани́нских ратобо́рствующая;

ра́дуйся, несокруши́мый щи́те во́инов росси́йских.

Ра́дуйся, во́инство врага порази́вшая;

ра́дуйся, от преде́л земли́ на́шея его́ отгна́вшая.

Ра́дуйся, во́ином Росси́и на по́ли бра́ни побе́ду дарова́вшая;

ра́дуйся, страну́ на́шу от наше́ствия иноплеме́нных преди́вно изба́вившая.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 11

Пе́ние моле́бное с любо́вию прино́сят бра́тия оби́тели Тебе́, о Всебла́гая Ма́ти, во хра́ме в честь ико́ны Твоея́ освяще́ннем. Услы́ши и нас, моля́щихся пред пречи́стым о́бразом Твои́м, и сохрани́ жизнь на́шу в чистоте́, от грехо́в изба́витися помози́, утоли́ боле́зни и печа́ли, на спасе́ния стези́ наста́ви и научи́ воспева́ти Человеколю́бцу Бо́гу А́нгельскую пе́снь: Аллилу́иа.

Икос 11

Све́тло сия́ет ди́вная ико́на Твоя́, Ма́ти Бо́жия, и Росси́йскую стра́ну на́шу благода́тию озаря́ет. Сего́ ра́ди гряду́т во оби́тель Валаа́мскую на поклоне́ние правосла́вных собо́ри, умиле́нно воспева́юще из глубины́ души́ пред пречи́стым о́бразом Твои́м такова́я:

Ра́дуйся, о́стров Валаа́м све́том святы́ни озари́вшая;

ра́дуйся, оби́тель Валаа́мскую благода́тию Твое́ю возроди́вшая.

Ра́дуйся, Домострои́тельнице, жизнь оби́тели до́бре устроя́ющая;

ра́дуйся, от всех конце́в земли́ во оби́тель люде́й правосла́вных призыва́ющая.

Ра́дуйся, пало́мников благочести́вых непосты́дное упова́ние;

ра́дуйся, и́ноков валаа́мских при́сное ра́дование.

Ра́дуйся, о́бразом Твои́м честны́м оби́тель и ны́не освяща́ющая;

ра́дуйся, све́том Боже́ственным от ико́ны Твоея́ тьму неве́рия прогоня́ющая.

Ра́дуйся, Ма́ти Све́та, ду́ши ве́рных просвещающая;

ра́дуйся, к Све́ту и́стины нас возводя́щая.

Ра́дуйся, Огнь Божества́ в Себе́ вмести́вшая;

ра́дуйся, любве́ Боже́ственныя свети́льниче неугаси́мый.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 12

Благода́тное утеше́ние дарова́ла еси́ нам, Пресвята́я Де́во, прославле́нием о́браза Твоего́ Валаа́мскаго в зна́мение ми́лости ко Оте́честву на́шему, в защи́ту от враго́в ви́димых и неви́димых. Да́руй Покро́в Твой, Благода́тная, на всех путе́х жи́зни на́шея, да уразуме́ем, я́ко с на́ми Бог, Ему́же с любо́вию да пое́м: Аллилу́иа.

Икос 12

Пою́ще Тя, Преблагослове́нная, преклоня́ем коле́на пред чудотво́рным Твои́м о́бразом Валаа́мским и моля́щеся пред ним ве́руем и испове́дуем, я́ко Ты еси́ вои́стину Держа́вная Влады́чица страны́ на́шея и Засту́пница усе́рдная ро́да христиа́нскаго. Те́мже мо́лим Тя, пода́ждь Оте́честву на́шему мир, тишину́, благоустрое́ние, и не оста́ви ве́рныя лю́ди Твоя́, во умилении серде́ц принося́щия Ти похвалы́ сия́:

Ра́дуйся, ико́ну Твою́ Валаа́мскую ди́вно просла́вившая;

ра́дуйся, но́вое зна́мение благода́ти в Це́ркви Правосла́вней тем показа́вшая.

Ра́дуйся, я́ко от и́коны Твоея́ зна́мения и чудеса́ соверша́ются;

ра́дуйся, я́ко сердца́ благочести́вых люде́й ра́достию исполня́ются.

Ра́дуйся, страны́ Росси́йския несокруши́мое Огражде́ние;

ра́дуйся, ны́нешняго ско́рбнаго ве́ка Утеше́ние.

Ра́дуйся, святы́х печа́льников земли́ Росси́йския возрасти́вшая;

ра́дуйся, изнемога́ющих под тя́жестию креста́ укрепля́ющая.

Ра́дуйся, страх и уны́ние прогоня́ющая;

ра́дуйся, скорбь на́шу в ра́дость претворя́ющая.

Ра́дуйся, стоя́ти за ве́ру Правосла́вную нас науча́ющая;

ра́дуйся, две́ри ра́йския ве́рным отверза́ющая.

Ра́дуйся, Влады́чице, оби́тели Валаа́мския и страны́ на́шея ди́вная Засту́пнице.

Кондак 13

О́, Всепе́тая Ма́ти, Росси́йския страны́ ди́вная Засту́пнице, ми́лостивно приими́ сие́ малое моле́ние, пред чудотво́рным Твои́м о́бразом возноси́мое. Сохрани́ Отече́ство на́ше, ве́ру Правосла́вную в лю́дех укрепи́, изба́ви нас от вся́ких бед, скорбе́й и напа́стей, и сподо́би чи́стым се́рдцем зде и в бу́дущем ве́це воспева́ти Бо́гу: Аллилу́иа.

О́, Пресвята́я и Преблагослове́нная Влады́чице Богоро́дице, Небесе́ и земли́ Цари́це, оби́тели Валаа́мския Покрови́тельнице! Припа́даем и покланя́емся Тебе́ пред чудотво́рною ико́ною Твое́ю, и я́ко призре́ла еси́ ми́лостивно на моли́тву боля́щия рабы́ Твоея́ и дарова́ла еси́ ей исцеле́ние, та́ко и ны́не приими́ на́ше усе́рдное моле́ние, Тебе́ приноси́мое.

Спаси́ и сохрани́, Всеми́лостивая, Оте́чество на́ше и вся лю́ди правосла́вныя, живу́щия в нем и к Тебе́ с любо́вию прибега́ющия, от наше́ствия иноплеме́нных, от гла́да и мо́ра, и от вся́каго зла; упра́ви пути́ на́ша, да возсия́ют в земли́ на́шей пра́вда и мир, ра́дость и любо́вь, сохрани́ в ней до сконча́ния ве́ка ве́ру Правосла́вную.

Воззри́ ми́лостивым о́ком Твои́м на оби́тель Валаа́мскую и соверши́ Сама́ о Го́споде спасе́ние всех в ве́ре и наде́жди подвиза́ющихся в ней. Умоли́ Сы́на Твоего́ и Бо́га на́шего, да изба́вит всех нас от вся́кия беды́, ско́рби и боле́зни, да наста́вит на исполне́ние за́поведей Свои́х, от ве́чныя му́ки изба́вит и да сподо́бит Твои́м хода́тайством всели́тися во оби́телех Небе́сных и сла́вити та́мо Пресвяту́ю Тро́ицу, Отца́ и Сына́ и Свята́го Ду́ха, ны́не и при́сно и во ве́ки веко́в. Ами́нь.

Молитва иная

Пресвята́я Госпоже́, Влады́чице Богоро́дице, страны́ на́шея Засту́пнице, оби́тели Валаа́мския красото́ и сла́во! Взира́юще на Пречи́стый лик Твой, в чудотво́рней ико́не явле́нный, мо́лим Тя, сохрани́ от вся́каго зла оби́тель сию́, ю́же преподо́бнии Се́ргий и Ге́рман основа́ша, во бра́тии мир соблюди́, осени́ Покро́вом Твои́м строи́телей, благотвори́телей и благоукраси́телей ея́.

О́ Всечестна́я на́ша Ма́ти, Игу́мение всех правосла́вных оби́телей и и́ноческаго жития́ Покрови́тельнице, пребу́ди неотсту́пна от оби́тели сия́, су́щаго достоя́ния Твоего́, и всеси́льными Твои́ми моли́твами покры́й и заступи́ зде подвиза́ющихся, от вся́ких бед и нужд, помози́ уста́вы преподо́бных оте́ц непоколеби́мо сохрани́ти, изба́ви от паде́ний грехо́вных, да́руй нам дух сокруше́ния и смире́ния, наста́ви и́ноков в исполне́нии обе́тов и всех христиа́н в де́лании за́поведей Бо́жиих.

Приими́ смире́нное моле́ние на́ше, согре́й нас любо́вию Твое́ю и никогда́же отступа́й от нас, да не оскуде́ет ве́ра в нас гре́шных, и да сподо́бимся вни́ти в Ца́рствие Небе́сное, в не́мже возвели́чим Тя, Ма́терь на́шу Всепе́тую, и просла́вим Сы́на Твоего́ и Бо́га на́шего со Безнача́льным Его́ Отце́м и Пресвяты́м и Животворя́щим Его́ Ду́хом, ны́не и при́сно и во ве́ки веко́в. Ами́нь.

31 марта 2017 г., накануне субботы 5-й седмицы Великого поста — праздника Похвалы Божией Матери (Субботы Акафиста), преосвященный епископ Троицкий Панкратий, игумен Валаамского монастыря, с братией обители совершил утреню с чтением акафиста Пресвятой Богородице перед чтимым образом Валаамской иконы Божией Матери.

Обретение Валаамской иконы Божией Матери – одно из самых чудесных поздних обретений православных христианских святынь, случившихся совсем недавно, если отсчитывать времена по историческим меркам. В этом году в монастыре будут отмечать 120-летний юбилей со дня обретения иконы.
В 1997 году по благословению Святейшего Патриарха Московского и всея Руси Алексия II было установлено празднование Валаамской иконе Божией Матери в первое воскресенье после дня памяти святых апостолов Петра и Павла. Акафист Божией Матери, изначально как единственный в своем роде, именовался просто «Акафист», и только спустя столетия, когда появились другие подобные песнопения, закрепилось название «Акафист ко Пресвятой Богородице» или «Великий акафист». Таким образом, само слово «Акафист» из обозначения конкретного текста уже превратилось в обозначение жанра.
«Много икон Божией Матери явлено земле русской, но эта икона – особенная. Богоматерь смотрит перед Собой, чуть опустив строгий, молитвенно сосредоточенный взор. Матерь Божия молится за всех нас, за весь мир, являя Собой образ смирения и кротости, то к чему призывает нас Господь. «Придите ко Мне… и научитеся от Меня, ибо Я кроток и смирен сердцем…» (Мф. 11:29). Но как часто мы своими грехами оскорбляем Божию Матерь и Ее Сына, а должны стремиться быть достойными Ее любви».
Красота богослужения возвышалась тем, что часть акафиста Богородице была пропета братским клиросом и перемежалась чтением «Великого акафиста» перед Валаамской иконой Божией Матери.
По окончании богослужения священнослужители и богомольцы поклонились чтимой иконе Божией Матери.

***

Валаамская икона Божией Матери не походит ни на одну из ранее прославленных икон Богоматери. По типологии ее чаще относят к византийскому образу «Никопеи» – «Победотворной». В алом мафории – цвет царственности, покрывающем синий гиматий, на одной руке, что под мафорием, Она держит Младенца, другой, открытой, в поручи – поддерживает Его спереди. Сам Господь – в белом гиматии, правая рука Его поднята в жесте благословения, в левой держава с крестом. Царица Небесная не обута, под Её босыми стопами – облако и вся Она – будто выступает из золотистого теплого марева, солнечного и успокоительного.

О том, что эта икона была и остается заступницей нашего Отечества, рассказывают три видения, которые во время службы в храме посетили старца Валаамского монастыря иеросхимонаха Михаила, практически нашего современника – он ушел из жизни в 1962 году. Видения были ему перед началом Великой Отечественной войны.

В первом видении старец увидел Божию Матерь в Валаамском образе, Иоанна Крестителя, Николая Чудотворца и других святых, которые слезно молились перед Ним за то, чтобы Он не оставил Русь в надвигающемся бедствии. Господь отвечал, что в России такова мерзость духовного запустения, душевного падения, такое множество других пороков, что беззакония эти переходят меру даже Великого Божиего терпения. Но и Божия Матерь и все святые продолжали со слезами Ему молиться, и Господь сказал, что Он не оставит России.

Прошло время, и вскоре старцу было второе видение, подобное прежнему: Матушка-Заступница в Валаамском образе и святой Иоанн-Креститель вновь стоят перед престолом Его и молят со слезами о спасении России и вновь ответил Он, что не оставит нашей Отчизны.

И в третьем видении уже одна Божия Матерь в том же образе Валаамской молит Сына Своего у Его Престола о спасении России и со слезами умоляет Его, чтобы Он вспомнил, как она стояла на коленях перед Его земным Распятием. И вот уже снова была готова Матушка-Заступница стать на колени перед Сыном, но Спаситель остановил Её, и сказал, что знает, как Она любит Россию, и потому ради Её Материнских слез Он не оставит нашу страну.

Эти откровения – чудо из чудес, которые еще раз подтверждают и особое заступничество Пречистой, Её покровительство нашей стране, и вновь свидетельствуют, что Валаам – еще одна Её обитель, еще один Афон, на территории России, который, впрочем, на некоторое время покинул пределы нашей страны. Этот исход Её Первоообраза в лике Валаамской иконы Божией Матери из пределов тогдашней России тоже – чудо высокого духовного значения.

Значение иконы

Так же для Валаама и для всей России обретение Валаамской иконы имеет ещё одно уникальное значение – это явление нам Её предстательства перед Господом за Русь. Еще в первую Мировую войну валаамским старцам были видения, задокуметированные ими. В одном из них Пречистая, такая, как на Валаамской иконе, явилась плачущей перед Богом и молящаяся Ему о спасении земли русской от врага и даровании нашему народу победы.

«Там живу. Меня увидишь на Валааме»

И если мы молимся перед Валаамской иконой об обретении любви и веры и об исцелении душ и телес, то, любя свою Отчизну, какой бы она ни стала в эти странные, тяжелые для нашей духовности дни, мы можем и должны молиться о России сегодняшней. Из неё будет вырастать та, в которой будут жить дети наших детей.

МОЛИТВА

(Молитва пред чудотворною иконою Пресвятыя Богородицы Валаамскою)

Пресвятая Госпоже, Владычице Богородице, страны нашея Заступнице, обители Валаамския красото и славо. Взирающе на пречистый лик Твой, в чудотворней иконе явленный, молим Тя: сохрани от всякаго зла обитель сию, юже преподобнии Сергий и Герман основаша, во братии мир огради и соблюди, осени Покровом Твоим строителей, благотворителей и благоукрасителей ея. О Всечестная наша Мати, Игумения всех православных обителей и иноческаго жития Покровительнице, пребуди неотступна от обители сия, сущаго достояния Твоего, и всесильными Твоими молитвами покрый и заступи нас, зде подвизающихся, от всяких бед и нужд, помози уставы преподобных отец непоколебимы сохранити, избави от падений греховных, даруй нам дух сокрушения и смирения, настави на исполнение обетов иноческих и всех заповедей Божиих. Приими смиренное моление наше, согрей нас дыханием любве Твоея и никогда не отступай от нас, да не оскудеет вера в нас грешных, и да сподобимся внити в Царствие Небесное, в немже возвеличим Тя, Матерь нашу Всепетую, и прославим Сына Твоего и Бога нашего со Безначальным Его Отцем и Пресвятым и Животворящим Его Духом, ныне и присно и во веки веков. Аминь.

МОЛИТВА ИНАЯ

О Пресвятая и Преблагословенная Владычице Богородице, небесе и земли Царице, обители Валаамския Покровительнице! Припадаем и покланяемся Тебе пред чудотворною иконою Твоею, и яко призрела еси милостивно на молитву болящия рабы Твоея и даровала еси ей исцеление, тако и ныне приими наше усердное моление, Тебе приносимое. Спаси и сохрани, Всемилостивая, Отечество наше и вся люди православныя, живущия в нем и к Тебе с любовию прибегающия, от нашествия иноплеменных, от глада и мора, и от всякаго зла; управи пути наша, да возсияют в земли Русстей правда и мир, радость и любовь, сохрани в ней до скончания века веру православную. Воззри милостивым оком Твоим на обитель Валаамскую и соверши Сама о Господе спасение всех в вере и надежде подвизающихся в ней. Умоли Сына Твоего и Бога нашего, да избавит всех нас от всякия беды, скорби и болезни, да наставит на исполнение заповедей Своих, от вечныя муки избавит и да сподобит Твоим ходатайством вселитися во обителех небесных и славити тамо Пресвятую Троицу, Отца и Сына и Святаго Духа, ныне и присно и во веки веков. Аминь.

ТРОПАРЬ

Тропарь, глас 4-й:

Днесь светло красуется обитель Валаамская, и вси вернии в земли Российстей духовно торжествуют, прославляюще чудотворную икону Твою, Владычице, к нейже ныне мы притекающе с любовию глаголем сице: о Пречистая Дево Богородице, моли Сына Своего Христа Бога нашего, да избавит обитель сию и вся грады и веси страны нашея, от всех навет вражиих и спасет души наша яко Милосерд.

Ин тропарь, глас 4-й:

К Богородице прилежно ныне притецем и к Ея иконе чудотворней припадем и возопием Ей: о Пречудная Владычице Богородице, скорое нам яви заступление и помощь, землю нашу миром огради, ускори от всяких бед избавити ны по велицей Твоей милости.

Кондак, глас 8-й:

Избранной Воеводе, Владычице нашей Богородице, похвальныя песни приносим, прославляюще чудотворную Ея икону, на острове Валааме явльшуюся. Ты же, яко имущая Державу непобедимую, от всяких бед и печалей избави страну Российскую и сотвори мольбу за вся люди поющия Тебе: Радуйся, Невесто Неневестная.

Валаамская икона Божией Матери

Предание

Значение иконы Валаамской Богоматери, как и Державного образа, велико для России. Валаамский образ был явлен вскоре после венчания на престол Государя Императора Николая Александровича, а в последний день его царствования явилась Державная икона. Промыслом Божиим обе святыни сопутствовали крестному несению Российской Державы Царем-мучеником. Явлением Валаамского образа Божия Матерь также засвидетельствовала Свое особое присутствие на Валааме и Покров монастырю. Название «Северного Афона» стало вторым духовным именем святого острова.
История обретения Валаамского образа Пресвятой Богородицы во многом напоминает сказание о Державной иконе. Летом 1896 года в Валаамский монастырь приехала одна благочестивая женщина, Наталья Андреевна Андреева, происходившая из крестьянок Тверской губернии, которая страдала сильной болезнью ног. В Успенском храме она обратилась к монахам с вопросом о том, где находится висевшая прежде в этом храме на колонне с левой стороны икона Божией Матери, на которой Царица Небесная изображена во весь рост с Младенцем на руках. На этот вопрос ей не смог ответить даже ризничий о. Пафнутий, который решил, что икону, скорее всего, отправили в Петербург в Валаамскую часовню. Две недели пребывания на острове болящая продолжала искать образ Божией Матери, обошла все храмы монастыря, но так и не найдя, вернулась в Петербург. Иконы не было и в Валаамской часовне.
Еще в 1878 году Наталья Андреевна сильно простудилась, и развившаяся болезнь причиняла ей страшные страдания, продолжавшиеся около десяти лет. В 1887 году какой-то внутренний голос сказал Наталье: «Поезжай на Валаам, выздоровеешь!». Ночью, накануне поездки больной было видение Женщины в одеянии из малинового бархата с Ребеночком на руках, окруженной чудным сиянием, Которая ободрила ее словами: «Не плачь, Спаситель и Я на пути к тебе!». Наталья Андреевна спросила: «Матушка, какая Вы красивая, да хорошая! Разве Вы на Валааме живете?». «Да, там и живу, — был ответ, — ты Меня увидишь на Валааме». Укрепленная чудесным видением Божией Матери, болящая Наталья с радостной душой на другой день отправилась в святое паломничество. Первый приезд Натальи Андреевны совпал с праздником обретения мощей преподобных Сергия и Германа Валаамских. Перед самым отъездом она зашла в Успенскую церковь и в иконе на левой колонне храма узнала ту самую Женщину, которая явилась ей во сне накануне отъезда из Кексгольма (Приозерска). В тот самый момент, когда Наталья Андреевна увидела икону Божией Матери, раздался свисток на отходившем пароходе, и ей не удалось даже приложиться к высоко висевшему образу, тем более отслужить молебен. Вернувшись в Петербург, больная почувствовала значительное облегчение в ногах, так что смогла ходить без палки.
В свой третий приезд на святой остров в 1897 году Наталья Андреевна со слезами горячо молилась перед мощами Валаамских чудотворцев об обретении иконы Божией Матери, и в первую ночь ей был благодатный сон, который она рассказала после молебна у раки преподобных служившему о. Пафнутию. Наталье Андреевне приснилось, что она ходит внутри монастыря около упраздненной церкви свт. Николая Чудотворца с молитвой Царице Небесной о том, чтобы увидеть Ее, и вдруг слышит голос: «Я здесь, здесь, скоро разыщешь!». В это же время к ней подходит старичок в голубой камилавке с седой бородой (преподобный Сергий Валаамский) и отворяет дверь церкви со словами: «Вот она!». Тогда женщина увидела внутренность церкви и в углу, между церковной утварью и старыми образами, до половины завернутый в рогожку холст, образ Божией Матери, в котором она сразу узнала разыскиваемую ею икону.
В течение трех дней после этого Наталья Андреевна готовилась к святому причастию и накануне этого дня увидела еще один благодатный сон о том, что икона найдена о. Пафнутием. Причастившись на ранней литургии, Наталья Андреевна увидела после службы, что народ из гостиницы бежит в церковь. Оказалось, что отыскали давно забытую икону Божией Матери и принесли в нижний собор. «Эта ли икона?» — спросил болящую отец Пафнутий. «Эта самая!» — в волнении ответила Наталья Андреевна. Образ о. Пафнутий, как было указано в сновидении, действительно нашел в кладовой, располагавшейся в упраздненной церкви свт. Николая Чудотворца. Наталья Андреевна тут же попросила о. Пафнутия отслужить водосвятный молебен перед чудесно обретенною иконою Божией Матери, пред которой была зажжена неугасимая лампада. После молебна перед явившимся образом больная женщина получила полное телесное исцеление.

Все случившееся с Натальей Андреевной было подробно записано валаамскими монахами, составившими рассказ под названием «Сказание об обретении образа Пресвятой Богородицы, именуемый «Местная Валаамская». После обретения также было выяснено, что эту икону написал валаамский инок-живописец о. Алипий в 1878 г., то есть в том самом году, когда Наталья Андреевна получила сильную простуду, послужившую к прославлению образа.
На Валааме сразу установилось почитание иконы, перед которой часто служились молебны, происходили исцеления, совершались знамения. В нижней части иконы, игуменом Гавриилом была вложена частица Ризы Божией Матери. Когда было основание Смоленского скита, первоначально предполагалось освятить его в честь Валаамской иконы Божией Матери, но так как икона не была еще официально прославлена, это посчитали преждевременным.
Еще одно чудесное видение от иконы Валаамской Божией Матери было известному валаамскому старцу о. Борису (в схиме — Николаю). Старец поддался было сомнению многих насельников о том, что под ракой действительно находятся мощи прпп. Сергия и Германа. И вот во время всенощной, когда старец рассуждал так сам в себе, ему было умилительное видение прпп. Сергия и Германа, которые стояли у ног изображенной на иконе Божией Матери по правую и по левую стороны. «Они смотрели на братию, — рассказывал старец, — а у меня от радости слезы лились и душа рвалась к небесам… Я посмотрел опять на икону Валаамской Божией Матери, но прпп. Сергия и Германа больше не было, они скрылись. После этого я твердо уверовал, что они положены здесь, где находится рака, и что во время службы присутствуют с нами и стоят у ног Божией Матери, молятся и смотрят на нас».
Судьба Валаамской иконы после революции схожа с историей Коневского образа. До 1940 года она оставалась на Валааме, отошедшем после 1917 года к Финляндии, но после присоединения Ладоги к Советскому Союзу икона валаамскими иноками была увезена в Финляндию, где валаамцы во главе с игуменом Харитоном основали монастырь, названный ими «Новый Валаам». Главной святыней этого монастыря по сей день остается Валаамский образ Божией Матери, который пребывает в Преображенском соборе обители.
В конце XX века Святейшим Патриархом Алексием II было установлено празднование иконы Божией Матери «Валаамская» в первое воскресенье после дня памяти святых преподобных Сергия и Германа, Валаамских чудотворцев, и после дня памяти святых Первоверховных Апостолов Петра и Павла.

На Валаамской иконе Богоматерь изображена в рост на облаке в темно-синем гиматии и ярко-красном мафории, поддерживающей Богомладенца спрятанной под мафорием рукой снизу, а другой, открытой — спереди. Богомладенец представлен в белом гиматии, Его правая рука благословляет, а в левой Он несет державу, увенчанную крестом — мистический символ царской власти. Подобное изображение Богоматери в Византии называлось «Никопея», то есть «Победотворная» и являлось палладиумом императорского дома.
Образ Богородицы в красном царственном, будто порфира, мафории, прежде всего, выражает полноту достоинства Божией Матери как Царицы Неба и земли. Богоматерь зрится на иконе огненным столпом, в середине которого, как на престоле, восседает Предвечный Младенец — Вседержитель. Образ органично сочетает царственное величие и кроткое безмолвие.
Духовный смысл Валаамской иконы — это молитвенное созерцание Божией Матери таинства воплощения через Нее Бога-Слова. Богоматерь смотрит чуть опустив очи, погрузив умный взор в сердце, таинственно созерцая Славу восседающего у нее на руках Сына Божия. Икона предстает также образом исихастской молитвы, монашеского умного делания. Богородица явлена на иконе как Великая Мать Игумения всех монашествующих, Настоятельница Валаамская.

Списки с иконы

Еще до революции с подлинной Валаамской иконы был сделан первый ее список. Первоначально он был помещен в Санкт-Петербурге на Васильевском острове, в часовне, принадлежавшей Валаамскому монастырю, а затем его перенесли в храм Смоленской иконы Божией Матери на Смоленском кладбище. Список быстро приобрел известность, и люди стали стекаться к нему на поклонение. Почитание святого образа стало особенно заметным в последнее время, о чем свидетельствуют устроенные в 1992 году торжества по его перенесению из Смоленской церкви в Валаамский монастырь. В настоящее время этот чтимый список иконы Божией Матери «Валаамская» занимает почетное место в древней Валаамской обители. Сделаны также копии с него, находящиеся на подворьях монастыря в Санкт-Петербурге и Москве. Все они также пользуются благоговейным почитанием верующих.

Тропарь, глас 4

Всех скорбящих Радосте, / светлый Покров вселенныя Ты еси, Владычице,/ в крове крилу Твоею покрый / и Обитель сию в славу милостиваго Бога возложенную, / к Тебе бо день и нощь взываем в скорбех и болезнех, смиреннии раби Твои; / буди пристанище спасения нам, / и вся настави к тихому Свету Христовых заповедей, / с Сергием и Германом Преподобными в мире управляющи живот наш; / Ты бо еси иноком отрада / и сладчайшая утеха душ наших, // Дево Пренепорочная.

Ин тропарь, глас 4

Богородице Дево, / на Твою икону пресветлую взирающе радуемся, / пред нею бо на острове Валааме / мольбы усердно молящихся исполняются, / услыши, Пречистая, и нас молящих Ти ся, / утверди нас в вере и любви, // и испроси мирови мир и душам нашим велию милость.

Кондак, глас 3

Образ днесь пренепорочныя Девы / Купина явися неопалимая,/ божественною горящая любовию, / на Горах святых Валаамских, / красуйся убо селение честное Богоматере, / небо и земля да взыграются, братие, / со слезами благодарите, // яко прииде Всемилостивая на стражу Обители Своея.

Оставить комментарий

Ваш адрес email не будет опубликован. Обязательные поля помечены *